Кириш Регистрация

STD.UZ/BUNYODKOR

Бунёдкор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Илҳом Юнусов: «Нима, пенальтидан гол уриш осонми?»

Бугун ўтказиладиган «Бунёдкор» - «Насаф» учрашуви билан олий лиганинг биринчи даврасига расман якун ясалади. 3-тур доирасидаги мазкур ўйин жамоаларимизнинг ОЧЛдаги иштироклари сабаб, қолдирилганди.

Ушбу баҳс айниқса, мавсумнинг биринчи ярмида омадсиз ўйнаган «қалдирғочлар» учун катта аҳамиятга эга. Умуман олганда, биринчи давра ўйинлари ҳамма кутганидан ҳам қизиқарли тус олди.

Ҳар турда кутилмаган натижалар қайд этилиши, етакчи клубларнинг керагидан ортиқ учрашувларда очко йўқотишлари ва турнир жадвалида юзага келган тиғизлик мухлислар ўртасида иккинчи даврага нисбатан қизиқишни янада ошириши турган гап.

Танаффусга қадар нотекис ўйнаган клублардан яна бири - «Қизилқум». Навоийлик «олтин изловчилар» ортда қолган 15та учрашувнинг атиги 5тасида ғалабага эришишди.

Дуранг ва мағлубиятлар сони ҳам тенг - 5та. Хуллас, таътилга чиққан жамоа етакчиларидан бири, «пенальти тепиш мутахассиси» - Илҳом Юнусов билан айнан биринчи давра якуни юзасидан суҳбатлашдик.

- Илҳом, мана, биринчи давра якунланди. Айтиш мумкинки, «Қизилқум» мавсумнинг биринчи ярмида ишончни оқламади. Бунинг асосий сабаби нима?

- Ҳаммаси оддий - олий лигада рақобат ошди, жамоалар сезиларли даражада кучайди. Албатта, бу яхши ҳолат - футболимиз савия бобида ўсяпти. Қаранг, олий лига ўйинлари ҳеч бир жамоа учун осон кечмаяпти. Табиийки, биз ҳам қийналяпмиз. Ҳозирги ҳолатда ғалаба тугул, очко ҳам шунчаки, берилмаяпти. Боз устига, баъзи ўйинларда омад жамоамиздан очиқчасига юз ўгирди. Бу албатта, шахсий фикрим ва кимдир қўшилмаслиги ҳам мумкин.

- Аслида «Қизилқум» таркиб бўйича турнир жадвалининг юқори қисмида бораётган жамоалардан кам эмас. Лекин натижа шунга мувофиқ бўлмади. Бунга нима дейсиз?

- Тўғри айтасиз, бизда яхшигина таркиб йиғилган. Дейлик, тажрибали, терма жамоада ҳам тўп сурган футболчилар бор. Юқорида айтдим, айрим ўйинларда шунчаки, омадсизлик панд берди. Айниқса, ўз майдонимиздаги учрашувларда шу сабаб, кўп очко йўқотдик.

- Ваҳоланки, жамоа ўз майдонида анча фаол ўйнаши керак...

- Ҳа, шундай. Ахир мухлисларнинг қўллаб-қувватлашлари футболчиларга қўшимча куч бағишлайди. Навоийда эса футболни жуда яхши кўришади. Буни стадионимизга тушаётган мухлислар сонидан ҳам билса бўлади. Хуллас, жамоамиз мухлисларига гап йўқ. Фурсатдан фойдаланиб, уларга футболчилар номидан миннатдорчилик билдираман. Чунончи, мухлисларимиз жамоа ютқазиб турган ўйинларда ҳам бизни қўллаб-қувватлашдан тўхтамадилар. Шунингдек, ҳакам ҳуштаги чалинмагунича стадиондан чиқиб кетишмайди. Насиб этса, шундай муносабатга яраша, иккинчи даврада яхшироқ ўйнаймиз ва мухлисларга муносиб жавоб қайтарамиз.

- Мабодо жамоа ичида қандайдир муаммо йўқми, балки арзимас келишмовчиликлар халақит бераётгандир...

- Йўқ, йўқ, муҳит жуда яхши. Баралла айта оламан: футболчиларнинг ўзаро муносабатлари жойида. Мураббийлар билан ҳам алоқамиз талаб даражасида.

- Молиявий таъминотчи - маош ва мукофот пулини вақтида оляпсизларми?

- Ҳа, бу борада ҳам нолишга асос йўқ. Маош вақтида бериляпти, рағбатлантириш масаласи ҳам чакки эмас.

- Ўзи клубда машғулотларни ким олиб боради? Чунончи, «Қизилқум»­да худди «Локомотив»даги ҳолат кузатилмоқда.

- Машғулотлар жараёнига Ҳамиджон Актамов, Юрий Лукин ва Акмал Холиқов масъуллар.

- Илҳом, статистикангизга назар солсак, аксарият голларни пенальтидан урганингиз кўринади. 11 метрли жарима зарбасини тепишда асосийси нима - қобилиятми ёки совуққонлик?

- Табиатан ютқазишга тоқат қилолмайман, ҳамиша ғалаба ҳақида ўйлайман. Пенальтига келсак - бу аввало, лотерея. Шунингдек, руҳий ҳолат муҳим. Яъни «нуқта»га ўзига 100 фоиз ишонган футболчигина яқинлашиши керак. Ўзи ёшлигимдан жарима зарбалари ва айниқса, пенальти тепишга алоҳида иштиёқим бор. Бу борада махсус шуғулланаман ҳам. Лекин пенальтидан гол уриш кўпчилик ўйлаганидек жуда осон эмас. Мисол учун, ҳамма ҳам «нуқта»дан зарба йўллашга ботинолмайди.

- Қизиқ, пенальти тепиш олдидан бирор марта бўлсада, гол уриш масаласида шубҳаланганмисиз?

- Йўқ, бундай ҳолатга тушган эмасман. Мабодо ўзимга ишонмасам, тўп олдига яқинлашмайман. Муҳими, ҳозирга қадар чекинишимга тўғри келгани йўқ. Бордию, бирор жамоадошим 11 метрли зарбани амалга оширишни сўраса, унга имконият бераман, албатта. Демоқчиманки, бу борада қизғанчиқ эмасман. Ахир асосий масала - жамоа ғалабаси.

- Сиз учун қайси дарвозабон билан «дуэл»га киришиш қийинроқ?

- Игнатий Нестеровни алдаш осон эмас. У пенальти тепилаётган пайт вазиятни охиригача кузатиб туради ва олдиндан ташланмайди. Тажрибаси катта-да, барибир. 

- Яна клубингизга қайтамиз: биринчи давра ўйинларини таҳлил қилдингларми? Раҳбариятнинг хулосаси қандай бўлди?

- Албатта, биринчи давра баҳсларини обдон кўриб чиқдик ва хато-камчиликларимиз ҳақида тушунчага эгамиз. Яъни айнан нималар устида кўпроқ ишлашимиз кераклигини биламиз. Энди танаффус чоғи астойдил ишлаймиз. Айни пайт жамоамиз 20 очко билан 9-ўринни эгаллаб турибди. Турнир жадвалига эътибор қаратсангиз, жамоалар тўплаган очколар ўртасидаги тафовут катта эмас. Демоқчиманки, жамоа биттагина ғалаба эвазига бир неча поғона юқорилаши мумкин. Умид қиламанки, иккинчи даврада ўз ўйинимизни намойиш этиб, турнир жадвалида анча кўтарилишни уддалаймиз. Бунга қурбимиз етади. Жамоамиз раҳбарлари биринчи даврадаги хатолардан тўғри хулоса чиқариб, ке-йинги ўйинларга пухта тайёргарлик кўришимиз шартлигини алоҳида уқтиришди. Ўйлайманки, ҳали мухлисларимизни чиройли ўйинларимиз билан хушнуд этамиз. Жамоамизнинг ички потенциалини назарда тутиб, шундай ишонч билан гапиряпман...

Киритилди: 08.07.2017 07:48. Ўқилди: 6199 марта. Фикрлар: 2 та.

Суперлига

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

C - Гуруҳи

№ Жамоа Ў О
1 Бунёдкор 0 0
2 Металлург 0 0
3 Нефтчи 0 0
4 Юниред 0 0

Футзал

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

C - Гуруҳи

№ Жамоа Ў О
1 ОКМК 3 7
2 Металлург 3 4
3 Бунёдкор 3 3
4 Қизилқум 3 3

Сўнгги учрашув

05.04.2024. Суперлига. 5-тур.
19:15
Бунёдкор		 0-0
Динамо

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.