Кириш Регистрация

STD.UZ/BUNYODKOR

Бунёдкор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Шакер Зуаги: "Ал-Жазира"нинг юлдузларидан кам жойимиз йўқлигини исботлашимиз керак"

“Бунёдкор” билан шартнома имзолаган тунислик Шакер Зуаги янги жамоасидаги илк интервьюсини берди.

- “Бунёдкор”га ўтишингиз қандай амалга ошди?
- Йил бошида “Олмалиқ” билан бир йиллик келишувга эришгандим. Шартномам муддати якунланиб бораётган пайтда агентим “Бунёдкор”дан таклиф борлигини айтди. Бу қизиқишни яхшилаб ўрганиб чиқиб, “Бунёдкор” сафига ўтишга қарор қилдим. Ўзбекистонда фаолият бошлашимдан олдин таҳминан 5-6 ой жароҳат туфайли расмий учрашувларда иштирок эта олмагандим. Ўзимни яна қайта кўрсатиш учун имкон берган “Олмалиқ” клубига алоҳида миннатдорчилик билдираман. Бу клубда ўйнаб, ўзимга бўлган ишончимни яна қайтариб олдим.

- Эшитишимизча, “Бунёдкор”дан ташқари мамлакатимизнинг бошқа клублари ҳам Сизга таклиф билан чиққан. “Қалдирғочлар”га ўтишингизда яна қандай муҳим жиҳатлар роль ўйнади?
- “Бунёдкор”нинг ўтмиши қанчалик буюк бўлса, унинг келажаги ҳам шунчалик ишончли қўлларда эканлигига шубҳам йўқ. Жамоа таркибида асосан клуб тарбияланувчиларига ишонч билдирилаётганлиги менга жуда-жуда ёқди. Чунки футболчи клубга нисбатан қанчлик содиқ бўлса, жамоа шунчалик ҳамжиҳат ва кучли бўлади. “Бунёдкор” доимо ўз олдига юксак мақсадларни қўйиб келади. Ўйлайманки, “Бунёдкор” билан кўплаб совринларни қўлга киритаман.

- Мана бир неча кун мобайнида “Бунёдкор” машғулотларида иштирок этиб келяпсиз. Дастлабки таассуротларингиз қандай?
- Ўйлашимча, “Бунёдкор” футбол клубида яратилган шароитларга анча-мунча жамоалар ҳавас билан қарайди. Машғулот ўтказишимиз учун ҳамма қулайликлар қароргоҳимизда яратилган. Суъний ва табиий майдонлар қишнинг совуқ кунларида ҳам худди бирдек ям-яшил ҳолатда. Ҳозирги пайтда машғулотларимиз учун муҳим саналган тренажёр зали, ёпиқ майдон, ётоқхона ва бошқа керакли нарсаларнинг барчаси базамизда муҳайё этилган. Бош мураббий Сергей Лушан ранг-баранг ва жудаям қизиқарли машғулотлар олиб бормоқда. Таркибдаги футболчилар билан ҳам тез тил топишиб кетдим. Қисқа қилиб айтганда, “Бунёдкор”даги футболчилар фақат футбол ҳақида ва фақат ғалаба ҳақида ўйлашлари лозим!

- “Бунёдкор” учун янги мавсум февраль ойидаёқ бошланади. Бунгача жамоа тўлиқ тайёр бўлиб улгурадими?
- Бу жиҳатни мураббийлар штаби инобатга олган ва шунга қараб режа ишлаб чиқишган. Ўйлайманки, бу борада муаммо бўлмайди. Шахсан ўзим 17 февралгача тўлиқ тайёр бўламан.

- ОЧЛ-2015 “плей-офф” босқичидаги рақиб “Ал-Жазира” ҳақида қандай фикрдасиз?
- Кўпчилик рақибнинг кучли жамоа ва юлдузли таркибга эга эканлиги ҳақида гапиряпти. Шахсан мен “Ал-Жазира”га одатдагидек рақиб сифатида қараяпман. Чунки футболчи учун майдондаги рақиб барибир рақиб жамоа бўлиб қолавериши керак, деб ҳисоблайман. Аксинча, Вучинич ва Жусилей сингари юлдузларга қарши кечадиган баҳсда биз улардан кам эмаслигимизни исботлаб беришимиз керак.

- Янги мавсумдан нималар кутяпсиз?
- Ўзбекистондаги бир йиллик фаолиятим мобайнида жамоаларнинг ўйин услуби, шунингдек футболчиларнинг қандай маҳоратга эга эканлиги билан танишиб улгурдим. Бу эса юртингиз футболида ўзимни янада яхши ҳис қилишим учун кўмак беради, деб ўйлайман. Футболчи сифатида 2015 йилда ўзим ҳақида янада яхши таассурот қолдиришга ҳаракат қиламан.

- “Бунёдкор”даги фаолиятингиз муваффақиятларга бой бўлишини тилаб қоламиз.
- Раҳмат.

Баҳодир МИРЗАЕВ суҳбатлашди

Киритилди: 23.12.2014 17:37. Ўқилди: 5149 марта. Фикрлар: 6 та.

Суперлига

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

C - Гуруҳи

№ Жамоа Ў О
1 Бунёдкор 0 0
2 Металлург 0 0
3 Нефтчи 0 0
4 Юниред 0 0

Футзал

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

C - Гуруҳи

№ Жамоа Ў О
1 ОКМК 3 7
2 Металлург 3 4
3 Бунёдкор 3 3
4 Қизилқум 3 3

Сўнгги учрашув

05.04.2024. Суперлига. 5-тур.
19:15
Бунёдкор		 0-0
Динамо

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.