Кириш Регистрация

STD.UZ/BUNYODKOR

Бунёдкор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Отабек Ғуломхўжаев: «Финалда кучли прессинг эвазига КХДР ўйинини издан чиқардик»

2015 йилни “Бунёдкор” футбол мактаби Хитойдаги мусобақа ғолиблиги билан бошлагани ҳақида хабар бериб ўтган эдик.

15 ёшли “қалдирғочлар” Хитойнинг Чэнду шаҳрида ташкил этилган халқаро мусобақанинг бош совринига эга чиқдилар. Отабек Ғуломхўжаев ва Ёрқин Назаров шогирдлари ҳал қилувчи финал баҳсида Шимолий Кореянинг “Юсонён” жамоасини пенальтилар сериясида мағлубиятга учратиб, турнир ғолибига айландилар.

Жамоа аъзолари Тошкентга қайтиб келишгач, чемпионлар мураббийи Отабек Ғуломхўжаев билан сухбатлашдик.

- Ғалаба муборак!
- Катта раҳмат!

- Жамоангиз муваффақият қозонган мусобақа ҳақида веб-сайтимиз орқали маълумот бериб бордик. Лекин мусобақада эришилган муваффақият ҳақида ўзингиз билан гаплашсак. Финалда ғолиб чиқишнинг бош омили нимада бўлди?
- Мусобақа давомида Шимолий Кореядан ташриф буюрган рақибларимиз билан икки бор тўқнашдик. Рақибимиз футболчилари бизникилардан жудаям бақувват кўринишга эга эдилар. Югуриш, бўйининг узунлиги ва йириклиги бўйича ҳам шимолий кореяликлар яққол ажралиб туришарди. Қолаверса, улар жисмонан бақувват кўринишда бўлишгани учун учрашув бўладиган кунларда ҳам оғир машғулотлар ўтказишарди. Гуруҳ босқичи доирасида “Юсонёна”га қарши баҳсда ҳимоявий тактика қўлладик. Лекин рақиб барибир ўз мақсадига эриша олди ва ғалаба қозонди. Шундан кейин финал баҳсидаги ўзаро иккинчи ўйинимизда тактикамизга ўзгартириш киритдик. Майдонда тез фикрлаш ва қарор қабул қилиш, тўп билан аниқ ишлаш, техник жиҳатдан бехато ҳаракат қилиш ва жамоавий ўйинга суюнишга урғу бердик. Шу орқали рақиб жарима майдонидаёқ кучли прессинг қўллаб, Шимолий Кореядан ташриф буюрган футболчиларга бўш худудлар яратиб бермадик. Вақт ўтиши билан бу услубимиз рақиб ўйинини издан чиқарди. Улар асабийлаша бошлашди. Натижада кўп тўп йўқотишиб, кўплаб хатоларга йўл қўя бошладилар. Иккала жамоада ҳам ғалаба қозониш учун имкониятлар бўлди. Лекин асосий вақтда ғолиб аниқланмади.

- Сиз Шимолий Кореянинг кучли жисмоний имкониятларга эга эканлигини таъкидладингиз. Шунга қарамасдан бундай рақибга қарши прессинг қўлладингиз. Бундай услубнинг қўллашингизга нима туртки бўлди?
- “Бунёдкор” футбол мактабида ёш футболчиларга прессингга ихтисослашган футбол тактикасини ўргатиш ўқув қўлланмаси ишлаб чиқилган. Академияда таҳсил олаётган барча ёш тоифасидаги футболчиларга айнан шу йўналишда таълим берилмоқда. Жисмонан бақувват футболчиларга қарши прессинг қўллаш энг тўғри тактикадир. Улар кўп вақт тўпсиз қолишди. Бу эса улар учун кутилмаган ва ёқимсиз омил бўлди.

- Пенальтилар серияси қандай ўтди?
- Ҳар иккала жамоа аъзолари биринчи зарбаларни аниқ йўллашди. Кейин дарвозабонимиз Жасурбек Умурзоқов икки марта зарбани қайтариб, муҳим роль ўйнади. Биз 4:3 ҳисобида ютдик.

- Жамоанинг келажаги борасида нималар дея оласиз?
- Қўл остимда шуғулланаётган болаларнинг аксарияти кейинчалик ҳақиқий футболчи бўлиб етишади, деб умид қиламан. Ҳозирги таркибдаги 11 нафар футболчимиз ўз ёш тоифасида 2014 йилда Ўзбекистон терма жамоасига таклиф этилдилар. Энг асосийси, футболчилар ўзларига бўлган масъулиятни ку саъйин ошириб, машғулотларда тинимсиз меҳнат қилишда давом этишмоқда.

- Умуман, ушбу мусобақада иштирок этиш қандай юзага келади. Сафар ҳаражатлари қандай қопланди?
- Ушбу сафаримизни ташкил этилишида “Ўзбекистон – Корея дўстлик жамияти”нинг фаол ҳиссаси бор. Ушбу жамият раиси Файзуллаев Шокир Насибуллаевичдан миннатдормиз. Сафар давомида биз билан бирга бўлиб, барча ташкилий масалаларни ҳал қилишга жамиятнинг ижрочи директори Сергей Пак кўмаклашди. Хитойга бўлган сафаримизнинг ҳаражатлари жамият, клуб ва ташкилий қўмита томонидан қопланди. Мусобақани ташкил этишдан асосий мақсад Шимолий ва Жанубий худудларда спортни оммалаштириш ва малака алмашишдир. Ушбу ташкилотнинг штаб-квартираси Жанубий Кореянинг Йончон шаҳрида жойлашган.

- Жамоа аъзолари футбол учрашувларидан ташқари яна нималар билан банд бўлди?
- Машғулотлар ўтказдик. Шаҳарнинг эътиборга молик жойларини кузатдик. Дарвоқе, Чендуда айни пайтда ер юзида жуда ҳам оз миқдорда қолган пандалар зоопаркига ташриф буюрдик. Умуман Хитой сафаридан олам-олам таассуротлар билан қайтдик.

- Кейинчалик ҳам мана шундай мусобақалар ташкил этилиши режалаштирилмоқдами?
- Биздаги маълумотларга кўра, ташкилотлар 2015 йил мобайнида яна иккита мана шундай мусобақа ташкил этишни режалаштиришмоқда. Биринчиси баҳор ойларининг бирида Пхеньянда. Иккинчиси кузда Йончонда. Бизнинг жамоамиз ушбу турнирларда ҳам иштирок этади.

Мирзаҳаким Тўхтамирзаев суҳбатлашди.

Киритилди: 04.02.2015 22:44. Ўқилди: 6119 марта. Фикрлар: 7 та.

Суперлига

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

C - Гуруҳи

№ Жамоа Ў О
1 Бунёдкор 0 0
2 Металлург 0 0
3 Нефтчи 0 0
4 Юниред 0 0

Футзал

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

C - Гуруҳи

№ Жамоа Ў О
1 ОКМК 3 7
2 Металлург 3 4
3 Бунёдкор 3 3
4 Қизилқум 3 3

Сўнгги учрашув

05.04.2024. Суперлига. 5-тур.
19:15
Бунёдкор		 0-0
Динамо

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.