Кириш Регистрация

STD.UZ/CHELSI

Челси

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Ювилмаган «бегона» 600та футболка ёхуд Ильдефонс Лиманинг ғаройиб қизиқиши

Жорий ёз футбол оламида ақлга сиғмас воқеа кузатилди: вужуди билан мағлубиятларга кўмилган заифгина Андорра миллий жамоаси Венгрия термасига қарши баҳсда нақ 12 йил бадалига илк ғалабасини тантана қилди.

Митти мамлакат вакиллари бундан сал аввалроқ 57та ўйиндан иборат мағлубиятли се-риядан сўнг биринчи очкони қўлга киритишганди. Андорра термасининг тарихий ўйинида 37 ёшли марказий ҳимоячи, мамлакат футболи тарихидаги бош юлдуз - Ильдефонс Лима алоҳида нур сочди.

Унинг жамоада қандай ўрин тутишини англатиш учун оддий статистикани келтириш кифоя: Андорра термаси ўз фаолияти давомида жами 142та ўйин ўтказган ва Лима шундан 107тасида иштирок этган...

*****

Ильдефонс Лима ажойиб статистикага эга бўлсада, ҳаттоки, Европада ҳам у ҳақда унча билишмайди. Россия эса Лима билан яқиндан танишган сайёрамиздаги ўлкалардан биридир. Гап шундаки, андорралик ҳимоячи 2007 йилнинг охирида россиялик мухлисларнинг ғоят асабийлашларига сабабчи бўлганди.

Эсласангиз, Россия термаси Евро-2008 саралаш босқичининг охирги турида айнан шу миттигина мамлакат жамоасига қарши  майдонга тушган ва ҳафсаласиз ўйнаганига қарамай, Дмитрий Сичёв томонидан урилган ягона гол эвазига 3 очко олганди.

Параллел равишда ўтказилган яна бир баҳсда эса хорватлар Англия термасини енгиб, русларга қитъа чемпионати йўлини очишган пайт Андрей Аршавин кутилмаганда, ўз олдида қизил карточка кўрганди.

«Аслида тирсагим рақибга тасодифан тегиб кетди,-дея вазиятни изоҳлади Лима кейинроқ «Советский спорт» мухбирлари билан суҳбатда.

- Бироқ у шу паллада оёғимга тепиб, яхши иш қилмади». Айтганча, Аршавин ўша четлатилиш сабаб, Евро-2008 старт босқичида Испания ва Греция термаларига қарши баҳсларни ўтказиб юборганди.

*****

Ажойиб факт: Лима ҳимояда тўп сурсада, Андорра терма жамоаси тарихидаги энг яхши тўпурардир. У 20 йиллик халқаро фаолияти давомида 11та гол урган (5таси пенальти самараси).

Шунингдек, фахрий футболчини мамлакат термаси сафидаги 100-ўйини муносабати билан алоҳида тақдирлашган. Аммо Лима ҳаттоки, тўп-урарлик бобидаги рекорди эмас, балки ностандарт қизиқиши билан машҳур. У ўйинчилик футболкаларидан улкан коллекция яратган.

Лиманинг айтишича, айни пайт жамғармасида 500та ёки 600тача турли форма бор - аниқ саноғини ўзи ҳам билмас экан. Эътиборлиси, у барча футболкаларни махсус ажратилган ва жиҳозланган хонада сақлайди.

Яъни ҳар бир либос алоҳида илгичда целлофан ёпинчиқ остида туради. Қойилмисиз? Яна бир диққатни тортадиган томони шуки, бирор футболка кир ювиш машинасига тушган эмас.

Мантииқли савол: камтарин жамоа вакили шунча формани қандай тўплаган? Гарчи Лима футбол бобида заррача мақтанолмайдиган мамлакатда туғилган бўлсада, фаолияти етарли даражада тиғиз кечган.

Дейлик, у Италия ва Испаниянинг иккинчи дивизионларида ҳам тўп сурган, 2002 йили ҳаттоки, Мексиканинг «Пачука» жамоаси сафида 3 марта майдонга тушган.

*****

Лима коллекцияси жуда қадрли экспонатларга тўла. Мисол учун, Жон Террига тегишли футболкани айтиш мумкин. Ильдефонс уни 2009 йили мухлислар билан тўлган «Уэмбли»да Англия термасига қарши кечган саралаш ўйинидан кейин олган.

«Бундай воқеадан сўнг фаолиятимни тугатиб қўйсам ҳам бўлаверади»,-дея ҳазиллашганди андорралик ҳимоячи инглизлар билан учрашувдан сўнг.

Энг қизиғи, Лима шундан атиги 2 йилча олдин айнан Терридан қаттиқ ранжиганини яширмаганди. Гап шундаки, «Челси» афсонаси ўшанда терма жамоадаги шерикларига андорраликлар билан футболка алмаштирмаслик ҳақида кўрсатма берган экан:

«Улар атайин қўпол ўйнашади, шунинг учун футболка берманглар». Кўринишидан, Терри кейинчалик ўз фикрини ўзгартирган, шекилли, «Уэмбли»да Лимага ўз либосини ечиб берганди.

Ильдефонс коллекциясида яна Александр Кержаков футболкаси ҳам бор. 2007 йилги россияликлар учун ҳал қилувчи ўша ўйиндан сўнг Саша билан форма алмаштирган андорралик уй музейидаги футболкалар сони 300 донага етганини айтиб, алоҳида мақтанган эди.

Ўтган йили октябрда Криштиану Роналду Андорра термаси дарвозасига 4та гол урганида, Лима ҳам майдонда эди. Гарчи фахрий ҳимоячи бутун ўйин давомида даҳо футболчига айтарли қаршилик кўрсатолмаган бўлсада, финал ҳуштаги янграгач, ундан эсдалик учун форма сўрашдан тийилмади ва коллекциясини яна бир ёрқин экспонат билан бойитди.

*****

Айтиш жоиз, Лима аслида топ-футболчилардан форма олишга алоҳида талпинмайди. Тўғри, унинг ҳисобида яна Франческо Тотти, Златан Ибрагимович ва Паоло Мальдини каби юлдузларга тегишли футболкалар ҳам йўқ эмас.

Аммо антиқа коллекционер асосан терма жамоалар либосларига қизиқади. Бир қарашда, Ильдефонс айниқса, танилмаган жамоалар вакиллари билан футболка алмаштиришга мойил.

«Ҳозирда 500-600тача футболкага эгаман. Мақсадларимдан бири эса - ФИФА таркибига кирувчи барча мамлакатлар бош жамоаси формасини тўплаш. Мисол учун, ҳозир коллекциямда Арубадек экзотик мамлакат жамоасига тегишли либос бор. Энг муҳими, барча формалар ўйинлардан сўнг олинган. Яъни улар ичида дўкондан харид қилингани умуман йўқ»,-деганди Лима ўтган йили.

Демак, рақамларда ифода этсак, андорралик ҳимоячи шу кунгача 128та терма жамоа либосини тўплашга улгурибди. ФИФА таркибида эса 211та аъзо бор. Унинг охирги «ўлжалари» - бу Кюрасао (жамоанинг барча футболчилари дастхати туширилган) ва Маврикия термалари формалари.

Лима ажойиб коллекциясини тўлдириш йўлида деярли ҳар ишга тайёр туради. У ўзини «мутлақ футболка жинниси» сифатида таърифлайди: апрель ойида ҳаттоки, Руанда ва Сьерра-Леоне терма жамоаларини экипировка билан таъминловчи AMS Clothing фирмаси вакилларига алоҳида мурожаат йўллаб, коллекциясини тўлдиришга ёрдам беришларини сўради.

Футболчининг сўзларига эътибор қаратинг: «Бу футболкалар - бутун фаолиятим тарихи».

Киритилди: 17.08.2017 01:48. Ўқилди: 4416 марта. Фикрлар: 3 та.

АПЛ

ЕЧЛ

- Гуруҳи

№ Жамоа Ў О

Европа лигаси

- Гуруҳи

№ Жамоа Ў О

Англия кубоги

Нимчорак финал
09.02.2021
22:30 Бёрнли
0:2
Борнмут
10.02.2021
00:30 Ман. Юнайтед
1:0
Вест Хэм
22:30 Суонси Сити
1:3
Манчестер Сити
11.02.2021
00:30 Лестер
1:0
Брайтон
00:30 Шеффилд Юнайтед
1:0
Бристол Сити
01:15 Эвертон
5:4
Тоттенхэм
22:30 Вулверхэмптон
0:2
Саутгемптон
12.02.2021
01:00 Барнсли
0:1
Челси
Чорак финал
20.03.2021
17:15 Борнмут
0:3
Саутгемптон
22:30 Эвертон
0:2
Манчестер Сити
21.03.2021
18:30 Челси
2:0
Шеффилд Юнайтед
22:00 Лестер
3:1
Ман. Юнайтед
Ярим финал
17.04.2021
21:30 Челси
1:0
Манчестер Сити
18.04.2021
22:30 Лестер
1:0
Саутгемптон
Финал
15.05.2021
21:30 Челси
0:1
Лестер

International Champions Cup

Англия суперкубоги

УЕФА Суперкубоги

№ Жамоа Ў О
1 Бавария 1 3
2 Севилья 1 0

Англия лига кубоги

Чорак финал
22.12.2020
22:30 Брентфорд
1:0
Ньюкасл
23.12.2020
01:00 Арсенал
1:4
Манчестер Сити
22:30 Сток Сити
1:3
Тоттенхэм
24.12.2020
01:00 Эвертон
0:2
Ман. Юнайтед
Ярим финал
06.01.2021
00:45 Тоттенхэм
2:0
Брентфорд
07.01.2021
00:45 Ман. Юнайтед
0:2
Манчестер Сити
Финал
25.04.2021
20:30 Манчестер Сити
1:0
Тоттенхэм

Сўнгги учрашув

16.04.2024. АПЛ. 33-тур.
00:00
Челси		 6-0
Эвертон

Навбатдаги учрашув

24.04.2024. АПЛ. 29-тур.
00:00
Арсенал		 -:-
Челси

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.