Куни кеча "Олтин бутса"ни қабул қилиб олган «Барселона» ҳужумчиси Луис Суарес каталонияликлар сафидаги фаолияти борасида сўзлаб берди.
– Икки йил аввал сиз "Ливерпуль" сафида "Олтин бутса"га эга бўлгандингиз, энди эса "Барселона" таркибида шундай совринни қўлга киритдингиз. Икки йил ичида қандай ўзгаришлар бўлди?
– Назаримда, мен ўзгармадим. Совринларни ютиш учун ўша амбиция ва иштиёқ билан ўйнашда давом этяпман. Жамоа билан қўлга киритиладиган совринлар шахсий совринларни ютишга ҳам ёрдам беради. Бу соврин ҳам шулар сирасидан.
– Икки «Олтин бутса»нинг қайси бирини қўлга киритиш қийин бўлган?
– «Ливерпуль»да ўйнаётганимда, жамоа Англия чемпионлиги учун кураш олиб борадиган жамоа эмасди. Шунингдек, Англия футболи мураккаб ва қийин. Шу боис, ўша совриним кўпроқ аҳамиятга эга. Испанияда ҳам ўйнаш қийин, аммо "Барселона"даги жамоадошларим «Олтин бутса»ни қўлга киритишимда катта ёрдам беришди.
– Айниқса, Месси кўплаб паслар ва пенальти тепиш ҳуқуқини сизга бериб, сизга ёрдам берди, тўғрими?
– Бошқа жамоадошларим каби Леонинг ўрни жуда катта. Лекин Месси — ўзгача. Дунёнинг энг яхши футболчиси билан бирга ўйнайтганимдан фахрланаман. Насиб қилса, набираларимга жаҳоннинг энг яхши футболчиси билан бирга ўйнаганимни сўзлаб бераман. У нафар ажойиб ўйинчи бўлганини, балки яхши инсон бўлганини ҳам айтиб бераман.
Матнда хатолик топсангиз, ўша хатони белгилаб, бизга жўнатинг (Ctrl + Enter).