Миржалол Қосимов: “Навоийда икки очко йўқотдик”
Олий лигадан ўрин олган “Қизилқум” – “Бунёдкор” (3:3) ўйинидан кейин “қалдирғочлар” устози ўз фикрларини айтди.
"Учрашувни яхши бошлагандик. Биринчи бўлимда кўрсатган фаол ўйинимиз натижасида танаффусга 2:0 ҳисобидаги устунлик билан чиқиб кетдик. Бироқ, иккинчи бўлимдаги 15 дақиқани инобатга олмаганда хотиржамликка берилдик. Натижада рақиб бизни жазолади. Ҳисоб 2:2 бўлиб турган паллада Гадоев гол уриб, жамоамизни яна олдинга олиб чиққанди. Бироқ қолган дақиқаларда ҳам йигитларимизнинг кўзи очилмади. “Қизилқум”ни ўз майдонида яхши ўйин кўрсатишини билардик. Афсуски, ютадиган ўйинда дуранг қайд этдик. Йўқ жойдан икки очко йўқотдик", - деди Миржалол Қосимов.
Манба: fcbunyodkor.com
Киритилди: 22:28, 08.09.2017. Ўқилди: 5235 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар