“Барселона” жамоаси ҳимоячиси Херард Пике ҳаётининг кўпчиликка номаълум қирраларига назар ташлаб ўтамиз.
ҚЎПОЛ ВА ЖАҲЛДОР ЎҒЛОН
...Херард Пике Бернабуэ 1987 йилнинг 2 февраль куни Испаниянинг мухтор Республикаси бўлган Каталонияда дунёга келган. Пике ҳам аввалги қаҳрамонларимиз сингари миллионлар ўйинига бўлган қизиқиш сабабли, 7 ёшида “Барселона” футбол академиясига ўқиша қабул қилинади.
“Барселона” академияси ўша пайтда эндигина ўз ўрнига эга бўлиб бораётганлиги сабабли, яхши футболчиларни етиштириб чиқаришни бошлаганди. Ўша кезларда академиясида Сеск Фабрегас ва Лионель Месси ҳам таҳсил оларди. Улар бир гуруҳда таълим олишади. Кейинчалик эса “Барселона-Б” клубида тўп суришни бошлашади. Унинг болалиги хусусида бугунги кунда “Челси” сафида тўп сураётган Сеск Фабргес шундай деганди:
“Пике гуруҳимиздаги болалар ичида ҳаммадан ажралиб турарди. Чунки у бўйи баланд ва бақувват эди. Бизнинг ўтиб кетишимиз учун умуман имконият бермасди. Болалар ўртасидаги мусобақаларда қўпол ўйин кўрсатар, ҳакамларга ҳам жаҳл қилиб, майдонни бир неча маротаба тарк этган. Шунаг қарамай, Месси ва Пике билан жуда яхши дўст эдик”.
“БАРСЕЛОНА”ГА КЕРАК БЎЛМАГАН ЮЛДУЗ
... Академияда таҳсил олган йигитлар “Барселона”нинг асосий таркибига ўтиб кетишарди. Аммо, биз ҳикоя қилаётган қаҳрамонимизнинг ўйинлари ҳеч кимга маъқул келмайди ҳамда Каталония клубидан кетишига имконият беришади.
Чиндан ҳам унинг иқтидорига шубҳа билан қарашади ҳамда уни “Манчестер Юнайтед”га йўл олишига руҳсат беришади. 2004 йилда Пике ёрқин истибол истаб, Англияга йўл олади ва “қизил иблислар” билан тўрт йиллик шартнома тузади.
Афсуски, Сер Алекс Фергюссон ҳам бу йигитчанинг имкониятларига ишонқирмай, уни заҳирада ўтиришини истайди. Кейинчалик футболчини малакасини ошириш учун “Сарагоса” жамоасига ижарага беради. Ватанига қайтиб, у “Сарагоса”да бир мавсум тўп суради. Эътиборлиси, Пике айнан шу жамоада ўз иқтидорини яққол кўрсатади.
“ҚИРОЛ”НИНГ ТАХТГА ҚАЙТИШИ
...Бу футболчини клубдагилар “қирол” дейишади. Бунинг ўзига яраша сабаблари бор. Чунки Пике чиндан ҳам футболда ўз жойини топиши учун кўп меҳнат-машаққатларни бошидан кечирди.
2008 йилда “Манчестер Юнайтед” билан шартнмаси тугаган қаҳрамонимиз яна “Барселона”га қайтади. Каталонияликлар Пикени узоқ вақт кузатишади ҳамда ортига қайтаришга қарор қилишади. Буниг қарангки, тўрт йил муқаддам “Барселона”га керак бўлмаган футболчининг ортга қайтиши самарали кечади. У испан грандининг асосий футболчиси бўлади.
Ҳимояда Карлес Пуйоль билан биргаликда асосий қаҳрамонга айланади. Ҳамон уни клубнинг ажралмас бир бўлаги деса бўлади.
СОВРИНЛАР КОЛЛЕКЦИОНЕРИ
...Ҳар бир инсоннинг ўзига яраша хоббиси бўлади. Масалан Херард Пике совринларни қўлга киритишни ҳамда уларни коллекция қилишни ёқтиради. Клуб таркибида қўлга киритган мукофотлари учун алоҳида жой ажратган.
“Футболда ютуқларни олиш муҳимдир. Қанча кўп совринларни олсангиз, ўзингизга бўлган ишончингиз янада ошади. Бугунги кунда ютган унвонларим учун уйимда алоҳида хона ажратганман. Шу ерда барчасини учратиш мумкин. Қолаверса, соатлар, футболкалар тўплаш менинг асосий хоббим”, - дейди Пике.
У унвонларни тўплашдан ташқари, турли қимматбаҳо соатлар, рақиб жамоа либосларини ҳам йиғишни хуш кўради. 2010 йилда Пике Испания чемпионати доирасида “Барселона” – “Хетафе” учрашувида рақиб жамоа футболчиси билан футболкасини алмаштиргани сабабли, жаримага тортилади.
Бу ҳақда ўша пайтдаги каталонияликлар устози Хосеп Гвардиола Херарднинг ўйинидан қониқмагани ва ўйиндан кейин рақиб футболчиси билан футболка алшаштирганлиги жаҳлини чиқарганини таъкидлаб ўтганди. Шунга қарамай, футболчи коллекциясида жуда кўплаб жамоаларнинг футболкалари мавжуд.
ШАКИРА ВА ПИКЕ: МУНОСАБАТЛАР ҚАЧОНДАН БОШЛАНГАН
Футболчининг шаҳсий ҳаёти ҳам анча қизиқарли деса бўлади. Гап шундаки, Херард Пике бошқа ҳамкасблари сингари аёлларга ўч эмас.
У ўз тақдирини хонанда Шакира билан боғлаган. Эътибор қилинг, колумбиялик таниқли хонанда Шакира қаҳрамонимиздан салкам ўн ёш катта. Шунга қарамай, уларнинг оилавий ришталари анча аввал бошланган.
Маълум бўлишича, улар бир зиёфатда танишиб қолишган. Шундан сўнг бу жуфтлик пинхона учрашиб юришди. Биласиз, Европада матбуотни чалғитиш осон иш эмас.
Шундай бўлишига қарамай, Пике ва Шакира анча вақт бир-бири билан муносабатларини яшириб келишди. Ниҳоят, 2010 йилда Жанубий Африкада бўлган футбол бўйича жаҳон чемпионатидан сўнг бу жуфтликнинг учрашиб юрганлиги оммага таништирилди.
2011 йилдан эса улар ўзларининг ижтимоий тармоқдаги шахсий саҳифаларида бирга тушган расмларини кўз-кўз қилишни бошлаб юборишди.
Ҳозирда бу жуфтлик икки нафар ўғил фарзандни тарбияламоқда.
Бу бахтли оилада биринчи фарзанд 2013 йилнинг 22 январида дунёга келди. Унга Милан деб исм беришди. 2014 йилнинг 28 августида эса улар иккинчи фарзандни кутаётганлигини маълум қилишди.
Бироқ иккинчи фарзандни дунёга келиши бироз кечикди. Ниҳоят, 2015 йилнинг 29 январида яна бир ўғил фарзанд туғилди. Унга Саша дея исм қўйишди. Сашанинг дунёга келиши бироз қийин кечди. Жарроҳлик амалиёти билан чақалоқни оламни кўришига замин яратишганди.
САҲОВАТПЕША ЖУФТЛИК
Бугунги кунда Пике дуёнинг энг бой футболчиларидан бири ҳисобланади. Рафиқаси Шакиранинг мол-дунёси керагидан ортиқ дейиш мумкин. Бу жуфтлик ишлаб топаётган даромадини яхши йўлда сарфлаб келишади.
Гап шундаки, уларнинг хусусий шифохонаси бор. Улар оғир хасталанган беморларга ёрдам беришади. Қолаверса, болалар уйига ҳам даромадининг маълум бир қисмини ҳадя қилишади. Бу борада улар қолганларга ўрнак бўла олишади.
Каталонияда бир қатор болалар уйи бор. Мана шу жойларнинг бирига Пике ва Шакира номи берилган. Шунингдек, келажакда бирорта фарзандни асраб олишни ҳам ўз режаларига киритиб қўйган.
ТАДБИРКОР ФУТБОЛЧИ
Херард тадбиркорликни ҳам яхшигина йўлга қўйган. У Pique and Shakira номи остида кийим-кечакларни йўлга қўйган. Бу фирма ҳам жаҳон бозорида ўз жойини топиб бораётир.
Боз устига футболчи баъзида сахийлиги тутиб, Испаниянинг қуйи чемпионатларида тўп сурадиган ўртамиёна клубларга ёрдам беради. Бу ерда жамоа футболкалари ишлаб чиқарилади ҳамда уларни таннархидан кескин паст баҳода тарқатишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
