Ўзини ўзи заҳира ўриндиғига «михлади»
Туркия терма жамоасининг собиқ ҳужумчиларидан бири Юсуф Шимшек 2010 йилда "Бешиктош" клубидан кетгач, қуйи лига вакилларидан таклиф ола бошлади. "Турғутлиспор" клубининг таклифи унга маъқул бўлди ва ушбу жамоа сафида тўп сура бошлади. Клуб сафида бирин-кетин голлар кирити бошлаган футболчи клубнинг алиштириб бўлмас ҳужумчисига айланди. Хизматлари учун бу йилги мавсумда клуб раҳбарияти томонидан ўйновчи-мураббий қилиб тайинланди. Буни қарангки, у мураббий бўлгандан сўнг клубнинг асосий ҳужумчисини, яъни ўзини заҳира ўриндиғига ўтқазиб қўйди. 9 та ўйинда атиги бор ўзини майдонга туширди. Клуб 5 та ўйиндан буён ғалаба қозонаётганини ҳисобга олсак, демак, клубда ўзидан ҳам тажрибали ҳужумчилар мавжуд. Балки тажрибали футболчига футболчиликдан кўра мураббийлик ёқиб қолганга ўхшайди.
Юсуф Шимшек 1975 йилда туғилган. Фаолияти давомида "Денизлиспор", "Фенербахче", "Бурсаспор" ва "Бешиктош" каби клубларда тўп суриб, 75 та гол киритган. Терма сафида 7 марта майдонга тушган.
Киритилди: 11:24, 07.02.2012. Ўқилди: 15012 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар