Келаси йилдан бошлаб Осиё минтақасида Осиё кубоги-2019 ва ЖЧ-2018 мусобақаларига саралаш босқичи бошланади. Ушбу икки мусобақанинг саралаш босқичи бирлаштирилганидан хабарингиз бор албатта.
ОФК 2015-2018 йиллар учун тақвим режасини эълон қилди. 2015 йил тақсим режасига кўра, умумлаштирилган ЖЧ-2018 ва Осиё кубоги-2019 саралашининг гуруҳ босқичи 2015 йил 11 июнь куни бошланади. 40та жамоа 5тадан 8та гуруҳга бўлинишади. Ушбу саралаш босқичи 2016 йилнинг 29 март кунига қадар давом этади.
Демак, мазкур саралаш босқичига қуръа ташлаш маросими 2015 йилнинг март-апрель ойларида бўлиб ўтади. Қуръа учун жамоаларни саватчаларга ажратишда эса ФИФАнинг ўша пайтдаги рейтинги асос қилиб олинади. Ҳозирги пайтда ФИФА рейтингида Осиёниинг учинчи жамоаси бўлиб турган Ўзбекистон ўша пайтга бориб қитъанинг энг яхши саккиз жамоаси сафидан чиқиб кетмаса, биз қуръа пайтида 1-саватчада бўламиз. Агар саватчаларга ажратиш 2014 йил июль ойи ФИФА рейтинги асосида тузиб чиқилганида, бу саватчадан қуйидаги жамоалар ўрин олган бўларди: Япония, Эрон, Ўзбекистон, Иордания, БАА, Жанубий Корея, Уммон, Саудия Арабистони (бу жамоалар билан бир гуруҳга тушмаймиз).
Дастлабки гуруҳ босқичида ўз гуруҳларида ғолибликни қўлга киритган жамоалар ва 2-ўринни эгаллаган орасида энг яхши кўрсаткичга эга бўлган яна 4та жамоа Осиё кубоги-2019 йўлланмасини қўлга киритиш билан бирга (2-ўринни эгаллаганларнинг барчаси Осиё кубоги-2019 йўлланмасига эга бўлади), ЖЧ-2018 саралашининг сўнгги босқичида иштирокни давом эттиради. Қолган 24 жамоа эса Осиё кубоги-2019нинг қолган 12та йўлланмаси учун курашни иккинчи босқичида давом этади.
ЖЧ-2018 саралашининг якуний босқич 2016 йилнинг 1 сентябрь куни бошланади ва 2017 йилнинг 5 сентбрича давом этади. Октябрь ва ноябрь ойларида эса қитъада ва қитъалараро плей-офф баҳслари бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).