Рустам Мирсодиқов: «Журналистлар ҳам изланиб, бошқача саволлар ҳам беришсин»
"Навбаҳор" - "Металлург" учрашувидан сўнг ўтказилган матбуот анжуманининг биринчи қисмида дастлаб бекободликлар бош мураббийи Рустам Мирсодиқов иштирок этди.
"Доимо журналистлар бир хил савол беришади. Яъни, ўйин ҳақидаги фикрларим билан қизиқишади. Учрашув энди якунланган бўлса, қандай қилиб ўз хулосамни дарҳол беришим мумкин? Сизлар ҳам изланиб, бошқача саволларни беринглар. Агар сизлар ўйинни кўрмаган бўлсангиз, бу ҳақда гапириб беришим мумкин.
Гувоҳи бўлганингиздек, агарда ўйин давомида юзага келтирган имкониятларимизни барчасидан фойдаланганимизда, якуний натижа бошқача бўлиши мумкин эди. Футболда яхши ибора бор: сен урмасанг, сенга уришади. Эртага видеоалавҳани кўриб, ким қандай хато қилгани ва ҳаракат қилгани бўйича хулоса чиқаришим мумкин. Дарвозамизга киритилган дастлабки голда мухлисларнинг қандайдир ҳуштаги туфайли ҳисоб тенглашди. Агарда бундай чалғитиш бўлмаганида, дарвозабонимиз тўпни ерга туширмаган бўларди ва натижа умуман бошқача кўриниш хосил қиларди. Ҳакамларга ҳеч қандай эътирозим йўқ. Фақатгина ўша вазият сабабли дарвозамизга биринчи тўп киритилди. Ахир бу инсофсизлик-ку. Журналистлар шунга ўхшаган ҳолатларни ёзинглар", - дейди Рустам Мирсодиқов.
Манба: www.pfcnavbahor.uz
Киритилди: 23:51, 27.08.2014. Ўқилди: 4045 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар