Кириш Регистрация

STD.UZ/REAL

Реал Мадрид

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Кейлор Навас: "Келажакни ўйлаб, сиқилиш бефойда"

Коста-Рика терма жамоаси ва «Реал» клуби дарвозабони Кейлор Навас мавсумолди тайёргарлиги бошланиши олдидан Marca нашрига махсус интервью берди. У суҳбат чоғи хусусан, аввалги мавсум якунларига тўхталди ва бўлажак чемпионат ҳам жамоаси учун омадли келишига ишонч билдирди.

- Яна бир неча кундан сўнг янги мавсумга қаратилган тайёргарлик жараёни бошланади. Кейлор Навас ортга боқиб, чемпионлик ва дуодесима (ЧЛдаги 12-ғалаба) ҳақида ўйлаяптими ёки келажакка қараяпти?

- ЧЛдаги зафарни керагидан ортиқ даражада нишонладик. Олдинда муҳим тайёргарликлар босқичи кутиб турибди. Бу вақтда максимал куч билан ишлаш талаб этилади. Зеро, «Реал» футболчилари ҳамиша барча мусобақаларда ғалаба қозониш ҳақида бош қотиришлари керак: Ла-лига, Чемпионлар Лигаси, «Қирол кубоги»... Хуллас, ҳаммасини ўзимизники қилишни истаймиз. Умидворманки, янги мавсум финишида ҳам худди бу йилдагидек байрам уюштиришга асос ярата оламиз.

- Умуман, тайёргарликларни қандай кайфиятда бошлайсиз?

- Бахтлиман ва барчаси аъло даражада. Югуряпман, машқ қиляпман - бир жойда тўхтаб қолиш йўқ. Бу йил мавсум тайёргарлигини жамоа билан бирга ўтказишим муҳим. Чунончи, аввалги мавсум арафасида менда бундай имконият йўқ эди.

- Нима, ўтган мавсум қийналдингизми?

- Ҳа, айниқса даволаниш пайти. Жароҳатим оғир эди ва у менинг руҳий ҳолатимга салбий таъсир қилди. Кейин нималар биландир курашишимга тўғри келди. Аммо ҳозир фақат яхши онларни эслашни истайман. Яъни мавсум охиридаги ҳолатимизни.

- Қанчалик ишончли ҳаракатланишингизга қарамай, де Хеа ёки Доннарумманинг «Реал»га келиши ҳақидаги гап-сўзлар тинмаяпти. Бу борадаги хабарларни эшитганда, қандай ҳолатга тушасиз?

- Тўғриси, бу масалада мутлақо хотиржамман. Ўз ишимни бажарсам, бас. Ҳар қандай ҳолатда ҳам, асосий таркибдаги ўрин учун жиддий кураш олиб боришимга тўғри келишини яхши биламан. Шундай экан, миш-мишларга  эътибор қаратиш ўрнига жамоа ғалабалари ҳақида ўйлаганим маъқулроқ. Аслида келажак ҳақида қайғуриб, сиқилишдан маъно йўқ. Чунки тақдиринг қандай кечиши фақат Яратганга аён. Мисол учун, биз суткага лоақал бир дақиқа ҳам қўшолмаймиз. Хуллас, таътилни оилам, дўстларим билан ўз юртимда хотиржам ўтказдим. Бошқа томондан, янги мавсум ҳақида ўйлаш учун ҳали вақт ҳам бор. Ҳозир шунчаки, роҳатланишни истайман. Вақти келса, ўз ишимга доимгидек катта куч сарфлайман. Жамоада 2 нафар яқин дўстим бор - дарвозабонлар. Уларга ҳамиша ҳурмат назари билан қарайман. Бироқ айни пайт бу йигитлар билан асосий таркиб учун аёвсиз курашишим керак. Қисқаси, ҳар қандай рақобатчига охиригача кескин кураш тақдим эта оламан. Шунингдек, асосий таркибда майдонга тушиш ҳуқуқини шунчаки, совға қилишларини сира кутмайман, бу ҳақда сўрамайман ҳам. Чунки бунинг кераги йўқ. Асосий ақидамга кўра, барчасига ўз меҳнатим билан эришишим шарт.

Блиц-сўров

- Гаражингизда нечта машина бор?

- 4та. 2тасини клуб берган, яна 2тасини ўзим сотиб олганман.

- Whatsapp тармоғидаги статусингиз...?

- Билмадим. Кўрсам майлими, бўладими? «Яхши дамлар ҳамиша келади»

- Охирги марта қачон йиғлагансиз?

- Йиғлаш? Нима учун? Хурсандчиликданми ёки қайғудан? 6 ой бурун кўз ёши тўккандим, адашмасам. Ўшанда ишларим кўнгилдагидек эмасди.

- Агар футбол ўйини бўлмаганида, Навас нима билан шуғулланарди?

- Билмадиму, аммо ҳамиша реклама мутахассиси ёки компания асосчиси бўлишни истаганман. Бунинг учун ўқиш керак. Футболдан кетгач, ўзимни шу соҳаларга уришим мумкин. Барчаси шунга қараб кетяпти.

- ЧЛ кубогини қаерда ютишни истардингиз?

- «Бернабеу»да.

- Despacito қўшиғи ёқтирасизми ёки аксинча, ёмон кўрасиз?

- Кўп рақсга тушаман. Агар аёлим ёнимда бўлса, айнан шу қўшиқни қўйиб, бирга ўйнаймиз.

- Кийиниш хонасидаги энг яхши лақаб?

- Эслолмайман. Бундай нарсалар худди севимли қўшиғимни айтиш эсдан чиққандек, хаёлга келмайди. Умуман, лақабларим кўп. Улардан бири - «Маэ». Коста-Рикада дўстларга шундай мурожаат қилишади.

- Пике ҳақида қандай фикрдасиз?

- Ажойиб футболчи. Жаҳон миқёсида энг кучли марказий ҳимоячилардан бири. Унга фақат футбол нуқтаи назаридан баҳо беришим мумкин. Лекин қандай шахслигини билмайман.

- Охирги марта нима харид қилдингиз?

- Пойафзал. Менга теннис кедалари ёқади.

- Зиданни битта ибора ёрдамида таърифлай оласизми?

- Сеҳргар.

- Болалигингиздаги энг ёмон қилиғингиз нима?

- Бир марта машина ойнасини синдирганман. Ўртоқларим билан кўчада ўйнаётгандим, шунда ўтиб кетаётган машиналарга тош отиш фикри туғилган. Қарангки, айнан мен отган тош машина ойнасига теккан.

- «Реал» учун Мессини харид қилган бўлармидингиз?

- У ажойиб футболчи. Лекин жамоадошларим ҳам чакки эмаслар. Шундай экан, харид қилмасдим.

Киритилди: 20.07.2017 11:25. Ўқилди: 4766 марта. Фикрлар: 1 та.

Ла-лига

ЕЧЛ

C - Гуруҳи

Жамоа Ў О
1 Реал Мадрид 6 16
2 Наполи 6 7
3 Брага 6 4
4 Унион Берлин 6 2

Клублар ўртасида ЖЧ

Нимчорак финал
12.12.2023
23:00 Ал-Иттиҳод
3:0
Окленд Сити
Чорак финал
15.12.2023
19:30 Леон
0:1
Урава Редс
23:00 Ал-Аҳли
1:3
Ал-Иттиҳод
Ярим финал
18.12.2023
23:00 Флуминенсе
2:0
Ал-Аҳли
19.12.2023
23:00 Манчестер Сити
3:0
Урава Редс
3-урин учун
22.12.2023
19:30 Ал-Аҳли
-:-
Урава Редс
Финал
22.12.2023
23:00 Флуминенсе
-:-
Манчестер Сити

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

УЕФА Суперкубоги

Жамоа Ў О
1 Бавария 1 3
2 Севилья 1 0

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

16.03.2024. Ла-лига. 29-тур.
20:15
Осасуна
2-4
Реал Мадрид

Навбатдаги учрашув

01.04.2024. Ла-лига. 30-тур.
00:00
Реал Мадрид
-:-
Атлетик Бильбао

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.