Кириш Регистрация

STD.UZ/ARSENAL

Арсенал

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Қарғиш теккан отахон ёхуд нуқул айсбергларга тўқнашадиган капитан

Ўтган ҳафтада ЕЧЛ доирасида бўлиб ўтган матчда Лондоннинг «Арсенал» клуби мусобақани муддатидан аввал тарк этди. Ҳар доимгидек, бу сафар ҳам Лондондан ташриф буюрган футболчиларга кейинги босқичга чиқиш учун битта гол етишмади.

Мазкур учрашувни кўрган мухлисларнинг хаёлига «Яна шундай бўлдими?» деган савол келиши табиий. Боиси, мана бир неча йилдирки, Арсен Венгер шогирдлари ҳар сафар «Эсиз, яна битта гол урмадик-да», дея бош чангаллаб келишмоқда.

ПАНД ЕГАН АЛЬПИНИСТ
Ёдингизда бўлса, Арсен Венгер «Бавария» билан тўқнаш келганда ҳам шунга ўхшаш ҳолат кузатилганди. Биринчи ўйиндаги нурсиз ўйин туфайли қайд этилган ёмон натижа жавоб ўйинига ҳам бевосита таъсир кўрсатганди. Бу сафар ҳам шундай бўлди. Энг ёмони, ўтган сафардаги мағлубиятларни рақибларнинг кучли экани билан изоҳлаган тўпчилар мухлислари бу галги омадсизликка қандай изоҳ беришни ҳам билмай қолишди. Негаки, рақиб унчалик кучли бўлмаган жамоа — Франциянинг «Монако»си эди.

Фаолияти давомида кўп чўққиларни забт этган, оқибатда унча-мунча пастликларни писанд ҳам этмай қолган бир альпинист ана шундай тепаликлардан бирига чиқаётганда қоқилиб тушди. Оқибатда оёғи синиб, юролмай қолди. Бунинг сабаби шундаки, альпинист тепаликка унчалик писанд билан қарамаганди. Тўғри, бу тепалик чўққидек баланд эмасди, аммо унда ҳам инсон қоқилиши мумкин бўлган тўсиқлар бор эди. Альпинист шуни ёддан чиқарганди. Арсен Венгернинг аҳволини ҳам ана шундай альпинистга қиёслаш мумкин. Қуръадан кейин «Хайрият, мушкулимиз осон бўлди, ишқилиб, чорак финалда ҳам шундай осон рақибга тўқнаш келайлик-да», деб ўйлаган бош мураббий ва футболчилар якунда чорак финалдан қуруқ қолишди. Тўғри, биринчи матчда «Арсенал» устунликка эришди, ҳужумлар уюштирди, аммо, барибир, футболчиларнинг ҳаракатларидан лоқайдлик, ўта хотиржамлик сезилиб турарди. Оқибатда «Арсенал» жуда паст кўринган тепаликнинг кутилмаган тиканларига дуч келди. Жавоб ўйинида «Монако» ўртадаги устунликни сақлаб қола билди.

«2:0 — ВАЗИЯТДАН КЕЛИБ ЧИҚҚАН ҲИСОБ»
Ўйиндан кейин берган интервьюсида «Арсенал» ярим ҳимоячиси Месут Ўзил «Бундай ўйиндан кейин турнирдан чиқиб кетиш аламли», қабилидаги гапларни гапирди. Худди «Арсенал» мусобақани ноҳақ тарк этгандек. Ваҳоланки, «Монако» биринчи учрашувда ажойиб натижа қайд этганди. Жавоб матчида эса шундан келиб чиқиб ҳаракат қилди. Агар «Монако» биринчи матчда дуранг ўйнаганда ёки мағлуб бўлганда, Венгер шогирдларига Монакода иккита гол киритиш осон бўлмасди. Айтмоқчимизки, 2:0 ҳисобидаги ғалаба фақатгина «Арсенал»нинг кучли бўлганини эмас, балки мезбонларнинг ҳам унчалик тажовузкор ҳаракат қилмаганини кўрсатиб турибди.

ВЕНГЕРГА ҚАРҒИШ ТЕККАНМИ?
Шу ўринда ҳақли савол туғилади: нега «Арсенал» нуқул шундай қисматга дуч келаверади? Олдинги мавсумларда Лондон жамоаси каби фақат кучли клублар билан тўқнаш келгани учун нимчорак финалда қолиб кетаверган Франциянинг «ПСЖ» жамоаси бу сафар совуқ анъанага барҳам берди. «Челси»дек кучли рақибни мусобақадан чиқариб юборди. Наҳотки шундай жасорат «Арсенал»нинг қўлидан келмаса? Ёки Арсен Венгерга қарғиш текканмикин? Ҳар ҳолда, бу мураббийнинг, кўплаб имкониятлар берилишига қарамай, мақташга арзигулик натижалар қайд этишни унутиб қўйгани. Энг қизиғи, Арсен Венгер ё фақат айсбергларга тўқнашади, ёки «Арсенал»га рақиб бўлган ўртамиёна клублар ҳам дарҳол айсбергга айланади. Оқибатда, клубнинг бошига «Титаник»нинг куни тушади. Бунга ким сабабчи, албатта, Арсен Венгер. Ахир кеманинг фалокатига бош жавобгар капитан бўлиши табиий. Қолаверса, охирги вақтлардаги нурсиз ўйинлари сабаб жамоа АПЛ чемпионлиги учун даъвогарлар сафидан чиқариб ҳам юборилди. Хўш, Арсен Венгер бу омадсизликларнинг сабабини топиб, муаммони бартараф эта оладими? Бу кетишда кейинги сафар ЕЧЛ нимчорак финалида «Арсенал» қандай рақибга тушишидан қатъи назар, мухлислар юрак ҳовучлаб туришадиёв.

АЛАМЗАДА ОТАХОН
Мағлубиятни ҳазм қила олмаган Арсен Венгер кўплаб ҳунар кўрсатишга ҳам улгурди. Аниқроғи, бундай қилиқларини биринчи ўйиндаёқ бошлаганди. Гап шундаки, мағлубиятдан аламзада бўлган франциялик мутахассис рақиб жамоа бош мураббийси билан кўришишни ҳам истамаган. Буни қарангки, унинг ҳамкасби ҳам анчагина кекчи ва ғурурли чиқиб қолди. Боиси, «Монако» устози Леонарду Жардим бу сафар «Арсенал» устозининг қўлини сиқиб қўйишни истамаган. Жардимни тушунса бўлади, аммо Арсен Венгернинг хатти-ҳаракатлари профессионалларга хос эмас. Чунки ютқазиш ёки ютқазмасликдан қатъи назар, рақибга ҳурматсиз муносабатда бўлмаслик керак.

ВЕНГЕРНИНГ СЎНГГИ ИЛИНЖИ
Энди бор эътибор Англия премьер лигасига қаратилади. Балки, бу сафар Арсен Венгер жамоа натижаларини яхшилай олар. Фақат энди ЕЧЛдаги омадсизликларни унутиб, руҳий тушкунликдан қутулиш керак. Шундагина клуб мавсум охирига қадар, ҳеч бўлмаганда, кучли учликка кириши мумкин. Клубнинг ҳозирги ҳолатидан келиб чиқиб айтадиган бўлсак, бу ҳам «Арсенал» учун яхши натижа ҳисобланади.

Киритилди: 24.03.2015 10:53. Ўқилди: 5269 марта. Фикрлар: 5 та.

АПЛ

ЕЧЛ

Европа лигаси

A - Гуруҳи

№ Жамоа Ў О
1 Арсенал 0 0
2 Буде-Глимт 0 0
3 ПСВ 0 0
4 Цюрих 0 0

Англия кубоги

Нимчорак финал
09.02.2021
22:30 Бёрнли
0:2
Борнмут
10.02.2021
00:30 Ман. Юнайтед
1:0
Вест Хэм
22:30 Суонси Сити
1:3
Манчестер Сити
11.02.2021
00:30 Лестер
1:0
Брайтон
00:30 Шеффилд Юнайтед
1:0
Бристол Сити
01:15 Эвертон
5:4
Тоттенхэм
22:30 Вулверхэмптон
0:2
Саутгемптон
12.02.2021
01:00 Барнсли
0:1
Челси
Чорак финал
20.03.2021
17:15 Борнмут
0:3
Саутгемптон
22:30 Эвертон
0:2
Манчестер Сити
21.03.2021
18:30 Челси
2:0
Шеффилд Юнайтед
22:00 Лестер
3:1
Ман. Юнайтед
Ярим финал
17.04.2021
21:30 Челси
1:0
Манчестер Сити
18.04.2021
22:30 Лестер
1:0
Саутгемптон
Финал
15.05.2021
21:30 Челси
0:1
Лестер

International Champions Cup

Англия суперкубоги

Англия лига кубоги

Чорак финал
22.12.2020
22:30 Брентфорд
1:0
Ньюкасл
23.12.2020
01:00 Арсенал
1:4
Манчестер Сити
22:30 Сток Сити
1:3
Тоттенхэм
24.12.2020
01:00 Эвертон
0:2
Ман. Юнайтед
Ярим финал
06.01.2021
00:45 Тоттенхэм
2:0
Брентфорд
07.01.2021
00:45 Ман. Юнайтед
0:2
Манчестер Сити
Финал
25.04.2021
20:30 Манчестер Сити
1:0
Тоттенхэм

Сўнгги учрашув

01.10.2025. ЕЧЛ. 2-тур.
23:59
Арсенал		 2-0
Олимпиакос

Навбатдаги учрашув

04.10.2025. АПЛ. 7-тур.
19:00
Арсенал		 -:-
Вест Хэм

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.