Кириш Регистрация

STD.UZ/ARSENAL

Арсенал

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Евро-2016: «Ливерпуль» бошқа барча клубларни ортда қолдирди

Айни дамда миллионлаб футбол ишқибозларининг диққат марказида турган Европа чемпионати мухлисларга бир қатор қизиқарли фактларни тақдим этмоқда. Ана шундай маълумотлардан бири — турнирда қатнашаётган футболчилар сони бўйича клуб ва чемпионатлар статистикасини эътиборингизга ҳавола этамиз.

«ЛИВЕРПУЛЬ» ҲАР ЖАБҲАДА ЕТАКЧИ
Таъкидлаш керакки, ўтган мавсумда Юрген Клопп бошқарувни ўз қўлига олгач, «Ливерпуль» клубининг ўйини кескин ўзгарди. Шиддатлилик ошди. Буни Европа чемпионати статистикаси ҳам исботлаб турибди. Яъни «Ливерпуль»нинг 12 нафар футболчиси турли терма жамоалар сафида Европа чемпионатида иштирок этмоқда. Шунингдек, Англия терма жамоасида ҳам мазкур клубнинг 5 нафар ўйинчиси ҳаракат қилмоқда.



ИККИНЧИ ЎРИНДА «ТОТТЕНХЭМ»
Ушбу статистика бўйича иккинчи ўрин ҳам инглиз клубига тегишли. Моурисио Почеттино қўл остида мавсумни ажойиб ўтказган «Тоттенхэм» Чемпионлар лигасига йўлланмани қўлга киритганди. Буни қарангки, Европа чемпионатида ҳам «Тоттенхэм»нинг аҳамияти катта бўлди. Бу клубнинг 11 нафар ўйинчиси терма жамоалар шарафини ҳимоя қилишмоқда. Чунки худди «Ливерпуль» каби «Тоттенхэм»нинг ҳам 5 нафар аъзоси Англия терма жамоаси сафида тўп сурмоқда.



КУЧЛИ УЧЛИКДА «МАНЧЕСТЕР ЮНАЙТЕД»
Гарчи ижобий натижа қайд эта олмай, якунда истеъфога чиққан бўлса-да, голландиялик мутахассис Луи ван Гал бир қатор иқтидорларни кашф этди. Ана шу иқтидорли ўйинчилар эса бевосита ўз терма жамоалари эътиборини ҳам жалб эта олишди. Шу боис «Манчестер Юнайтед» мазкур жадвалнинг учинчи ўрнига жойлашди. Айни пайтда Франция яшил майдонларида 10 нафар «қизил иблис» ўз жамоалари шарафини ҳимоя қилишяпти.



«БАРСЕЛОНА» ТЎРТИНЧИ ЎРИНДА
Каталониянинг «Барселона» клуби бу борада бироз пассивроқ. Бир томондан, бунга клубнинг асосий ўйинчилари Америка қитъасида ҳаракат қилиши сабаб бўлгандир. Жумладан, Суарес Уругвай, Неймар Бразилия, Месси эса Аргентинада ўйнайди. Шундай бўлса-да, «Барселона» бошқа жамоаларга қараганда, мазкур рўйхатда яхшироқ статистика қайд этиб келмоқда. «Кўк-анорранглилар»нинг 9 нафар ўйинчиси Европа чемпионатида ҳаракат қиляпти. Қолаверса, Каталония клуби яна бир ажойиб кўрсаткичга эга — жамоанинг 5 нафар ўйинчиси Испания термаси шарафини ҳимоя қилмоқда.



«БАВАРИЯ» ҲАМ ТЎҚҚИЗ АЪЗОСИ БИЛАН
Мюнхеннинг «Бавария» клуби ҳам «Барселона» билан бир хил натижани қайд этган. Ўтган мавсумни яхши ўтказган немис клуби тўққизта футболчисини терма жамоалар шарафини ҳимоя қилиш учун жўнатди. «Бавария»нинг Германия чемпионатида тенгсиз эканлигини эса қуйидаги факт исботлаб турибди — мазкур жамоанинг 5 нафар ўйинчиси Германия терма жамоаси таркибидан жой олган.



«ФЕНЕРБАХЧЕ» ҲАМ ОРТДА ҚОЛМОҚЧИ ЭМАС!
Туркиянинг «Фенербахче» клуби терма жамоаларга футболчи жўнатиш борасида «Барселона» ва «Бавария» билан бир хил кўрсаткичга эга. Мазкур жамоанинг тўққиз ўйинчиси Франциядаги турнирда бевосита иштирок этмоқда. Шунингдек, «Фенербахче» қуйидаги статистикаси билан бошқа клубларга нисбатан устунликка эга — клубнинг нақ 6 нафар аъзоси миллий терма жамоа сафида ҳаракат қилади.



ЖАРОҲАТЛАР ПАНД БЕРДИ
Бу йил Европа Чемпионлар лигасида тенгсиз деб топилган Мадриднинг «Реал» клуби ушбу рўйхатда унчалик яхши натижага эга эмас. Бу эса бевосита кўплаб футболчиларнинг жароҳат олгани билан боІлиқ. Хусусан, финалда Испания термаси шарафини ҳимоя қилиши керак бўлган Даниэль Карвахал жароҳат олди. Умуман, кутилмаган жароҳатлар клубнинг баъзи футболчиларини Европа чемпионатидан маҳрум қилди. Шундай бўлса-да, ҳозирда «қироллик клуби»нинг 8 нафар аъзоси ўз терма жамоалари сафида ўйнашмоқда.



«АРСЕНАЛ»ДА ҲАМ САККИЗ ЎЙИНЧИ
Лондоннинг «Арсенал» жамоасидан ҳам саккиз ўйинчи Европа чемпионатида тўп сурмоқда. Футболчилар рўйхатига эътибор қаратадиган бўлсак, бу борада «Арсенал» ўзига хос ютуқ қайд этганини кўриш мумкин. Яъни Лондон клуби янги иқтидор соҳибини кашф қилди. Бу футболчи — Беллерин эса Испания сафида ҳаракат қиляпти.



ОХИРГИ ҚАТНАШЧИ — «БАЗЕЛЬ»
Швейцариянинг «Базель» клуби гарчи Европада кучли клублар сирасига кирмаса-да, таркибида ўз терма жамоалари учун муҳим аҳамият касб этадиган ўйинчилар тўп суради. Ана шундай футболчиларнинг саккиз нафари эса ҳозирда Европа чемпионатида терма жамоалар билан биргаликда омадини синаб кўришмоқда.



ЭНГ КЎП ИШТИРОКЧИ ҚАЙСИ ЧЕМПИОНАТДАН?
Мазкур саволга жавоб излаш жараёнида ҳам қизиқарли маълумотларга дуч келдик. Бугун дунёнинг энг кучли чемпионати дея тан олинган Англия премьер-лигаси бу борада яққол пешқадам — АПЛнинг нақ 103 нафар ўйинчиси «ЕВРО-2016» иштирокчиси ҳисобланади. Унинг энг яқин таъқибчиси — Германия чемпионатида ўйнайдиган футболчилар орасида Европа чемпионатида ўйнайдиганлар сони эса деярли икки баробар кам. Бу борадаги тўлиқ статистика қуйидаги жадвалда берилган.



Низомжон Исломов

Киритилди: 20.06.2016 19:54. Ўқилди: 17432 марта. Фикрлар: 4 та.

АПЛ

ЕЧЛ

Европа лигаси

A - Гуруҳи

№ Жамоа Ў О
1 Арсенал 0 0
2 Буде-Глимт 0 0
3 ПСВ 0 0
4 Цюрих 0 0

Англия кубоги

Нимчорак финал
09.02.2021
22:30 Бёрнли
0:2
Борнмут
10.02.2021
00:30 Ман. Юнайтед
1:0
Вест Хэм
22:30 Суонси Сити
1:3
Манчестер Сити
11.02.2021
00:30 Лестер
1:0
Брайтон
00:30 Шеффилд Юнайтед
1:0
Бристол Сити
01:15 Эвертон
5:4
Тоттенхэм
22:30 Вулверхэмптон
0:2
Саутгемптон
12.02.2021
01:00 Барнсли
0:1
Челси
Чорак финал
20.03.2021
17:15 Борнмут
0:3
Саутгемптон
22:30 Эвертон
0:2
Манчестер Сити
21.03.2021
18:30 Челси
2:0
Шеффилд Юнайтед
22:00 Лестер
3:1
Ман. Юнайтед
Ярим финал
17.04.2021
21:30 Челси
1:0
Манчестер Сити
18.04.2021
22:30 Лестер
1:0
Саутгемптон
Финал
15.05.2021
21:30 Челси
0:1
Лестер

International Champions Cup

Англия суперкубоги

Англия лига кубоги

Чорак финал
22.12.2020
22:30 Брентфорд
1:0
Ньюкасл
23.12.2020
01:00 Арсенал
1:4
Манчестер Сити
22:30 Сток Сити
1:3
Тоттенхэм
24.12.2020
01:00 Эвертон
0:2
Ман. Юнайтед
Ярим финал
06.01.2021
00:45 Тоттенхэм
2:0
Брентфорд
07.01.2021
00:45 Ман. Юнайтед
0:2
Манчестер Сити
Финал
25.04.2021
20:30 Манчестер Сити
1:0
Тоттенхэм

Сўнгги учрашув

28.09.2025. АПЛ. 6-тур.
20:30
Ньюкасл		 1-2
Арсенал

Навбатдаги учрашув

01.10.2025. ЕЧЛ. 2-тур.
23:59
Арсенал		 -:-
Олимпиакос

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.