Кириш Регистрация

STD.UZ/ARSENAL

Арсенал

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Шартномалардаги ажабтовур бандлар

Футбол оламида нималар юз бермайди, дейсиз. Жумладан, келишувга эришиш учун томонлар шартномага ғаройиб бандларни киритишган. Эътиборингизга ўта антиқа шартларни ҳавола этамиз.

Тунги клубларга оид банд
Ўз вақтида Роналдиньо ўта ноёб иқтидор соҳибларидан бири, балки кўнгилочар кечалар шайдоси ҳам эди. Уни ўз таркибида кўришни истаган «Фламенго» (2011-2012 йилларда ўйнаган) ўзаро шартномага тунги клублар хусусидаги бандни киритганди. Шартга кўра, футболчи ҳафтада икки марта шунақа муассасаларга кириш ҳуқуқига эга бўлган. Маълум бўлишича, бу банд ҳужумчининг талаби билан шартномага киритилган. Фақат шундан кейин у келишувга имзо чеккан. Бразилиялик афсона «Фламенго» либосида 44 марта майдонга тушиб, 19та гол ва 13та самарали узатмани амалга оширган.

«Арсенал»га ўзгача муносабат
2013 йилда «Ливерпуль» соҳиби Жон Генри «Арсенал»нинг «қизиллар» ҳужумчиси Луис Суаресни харид қилиш хусусидаги таклифини ўткир киноя билан қарши олганди. Ўшанда лондонликлар уругвайлик футболчи учун 40 млн. фунт таклиф этишган, кейин яна 1 фунт қўшиб қўйишганди. Ҳа, ҳа, айнан 1 фунт! «Нима деб, ўйлайсиз, Лондонда улар нима чекадилар?», - деб ёзганди Генри жаҳл билан ўз твиттерида. Таклифдан қаттиқ ранжиган «Ливерпуль» контрактларнинг бирига ўзгача бандни киритди. Ҳужумчи Роберто Фирмино билан тузилган шартномада харид баҳоси 83 млн. фунт қилиб белгиланган. Уни исталган клуб харид қилиши мумкин. Фақат «Арсенал»дан ташқари.

Фазога парвоз тақиқланади

1999 йилда Сандерленд» «Валенсия»дан ярим ҳимоячи Стефан Шварцни харид қилганди. Ўшанда ЖЧ-94нинг бронза медали соҳиби учун инглиз клуби 4 млн. фунт сарфлаганди. Контракт тузилаётган паллада қизиқарли маълумот ошкор бўлди. Швециялик футболчининг агенти фазовий парвозлардан бирига ўзи учун буюртма берган экан. Англияликлар агент Шварцни ҳам парвозга жалб этишидан хавотирланиб, шартномага парвозларни тақиқловчи бандни қўшиб қўйишди. Стефан «Сандерленд»да 4 йил тўп суриб, кейин фаолиятини якунлади.

Пазандалик курслари
Африкалик ярим ҳимоячи Рольф-Кристель Гье Мьян 1997 йилда Германияга йўл олиб, 15 йилдан кўпроқ тўп сурганди. «Айнтрахт» сафига ўтаётганида, футболчи клуб мутасаддилари олдига ўз рафиқаси учун пазандалик курсини топиб бериш талабини қўйганди. Гье Мьян 2012 йилда бутсаларини михга илиб, Германияда қолди.

Қизил бутсаларга тақиқ
Таниқли нидерландиялик ярим ҳимоячи Рафаэль ван дер Варт 2015 йилда «Бетис» билан шартнома имзолаганди. Унга ғайри-табиий шарт қўшимча қилинганди - футболчи қизил рангли бутсаларни кийиши мумкин эмасди. Маълум бўлишича, қизил ранг «Бетис»нинг ашаддий рақиби бўлган «Севилья»нинг рамзи экан. Мана шу шартни бажариш эвазига Рафаэль ҳар ой клубдан 115000 евро қўшимча ҳақ олган, тақиқ футболчига 1,6 млн.га яқин даромад келтирган.

Шаҳар ташқарисидан уй олмоқчи эди, ўйинчоқ уйга  эга бўлди
Ҳужумчи Жузеппе Рейна иштирокидаги кулгили воқеа. 90-йилларда «Арминия»га йўл олган футболчи клуб мутасаддиларидан ҳар мавсум арафасида шаҳар четида уй қуриб беришни талаб қилганди. Рейна шу тариқа 3та кўчмас мулк объектига эга бўлмоқчи эди. Чунки шартнома 3 йилга мўлжалланганди. Бироқ футболчи жиддий хатоликка йўл қўйган - уйнинг ўлчамлари ва қаерда бўлиши кўрсатилмаганди.

Хатоликдан унумли фойдаланган «Арминия» Рейнага ҳар мавсум арафасида Lego ишлаб чиқарган ўйинчоқ уйларни совға қилиб, каттагина маблағни тежаб қолди. Шаҳар четидаги уй эса Рейна учун орзулигича қолаверди.

«Учмас голланд»нинг ўзига  хос шарти
Афсонавий Деннис Бергкамп аэрофобия хасталиги туфайли «Учмас голланд» лақабини олганди. Самолёт трапига яқинлашиши билан, унинг вужудини кучли қўрқув эгаллаб оларди. Шу сабабли 1995 йилда Деннис «Арсенал»га келганида, шартномасида у ҳар қандай авиапарвозларидан озод этилганлиги белгилаб қўйилди. Натижада футболчи яқинроқ масофадаги сафар учрашувларига клуб автобусида ёки шахсий машинасида борар, олисдаги ўйинларни ўтказиб юборарди. 1999 йилда Флоренциядаги ЕЧЛ учрашувида иштирок этиш учун 2 кун автомашинада йўл босганди.

Тоғ чанғисига тақиқ
Норвегиялик ҳимоячи Стиг Инге Бьёрнебю 1992 йилда «Ливерпуль»га ўтиб, 8 йил тўп сурганди. Футболдан ташқари, чанғида трамплиндан сакраш ҳам унинг севимли спорти эди. Стигнинг отаси таниқли чанғичи бўлиб, 2та қишки Олимпия Ўйинларида иштирок этганди. Бундан хабардор бўлган «Ливерпуль» раҳбарияти Бьёрнебюга тоғчанғи трассаларига яқинлашишни тақиқлаб қўйишди. У трассадан 200 м. узоқликдагина туриши мумкин эди.

С.РАҲМОНОВ тайёрлади.

Киритилди: 21.11.2022 23:56. Ўқилди: 2842 марта. Фикрлар: 0 та.

АПЛ

ЕЧЛ

B - Гуруҳи

№ Жамоа Ў О
1 Арсенал 10 17
2 ПСВ 8 10
3 Ланс 6 8
4 Севилья 6 2

Европа лигаси

A - Гуруҳи

№ Жамоа Ў О
1 Арсенал 0 0
2 Буде-Глимт 0 0
3 ПСВ 0 0
4 Цюрих 0 0

Англия кубоги

Нимчорак финал
09.02.2021
22:30 Бёрнли
0:2
Борнмут
10.02.2021
00:30 Ман. Юнайтед
1:0
Вест Хэм
22:30 Суонси Сити
1:3
Манчестер Сити
11.02.2021
00:30 Лестер
1:0
Брайтон
00:30 Шеффилд Юнайтед
1:0
Бристол Сити
01:15 Эвертон
5:4
Тоттенхэм
22:30 Вулверхэмптон
0:2
Саутгемптон
12.02.2021
01:00 Барнсли
0:1
Челси
Чорак финал
20.03.2021
17:15 Борнмут
0:3
Саутгемптон
22:30 Эвертон
0:2
Манчестер Сити
21.03.2021
18:30 Челси
2:0
Шеффилд Юнайтед
22:00 Лестер
3:1
Ман. Юнайтед
Ярим финал
17.04.2021
21:30 Челси
1:0
Манчестер Сити
18.04.2021
22:30 Лестер
1:0
Саутгемптон
Финал
15.05.2021
21:30 Челси
0:1
Лестер

International Champions Cup

Англия суперкубоги

Англия лига кубоги

Чорак финал
22.12.2020
22:30 Брентфорд
1:0
Ньюкасл
23.12.2020
01:00 Арсенал
1:4
Манчестер Сити
22:30 Сток Сити
1:3
Тоттенхэм
24.12.2020
01:00 Эвертон
0:2
Ман. Юнайтед
Ярим финал
06.01.2021
00:45 Тоттенхэм
2:0
Брентфорд
07.01.2021
00:45 Ман. Юнайтед
0:2
Манчестер Сити
Финал
25.04.2021
20:30 Манчестер Сити
1:0
Тоттенхэм

Сўнгги учрашув

14.04.2024. АПЛ. 33-тур.
20:30
Арсенал		 0-2
Астон Вилла

Навбатдаги учрашув

20.04.2024. АПЛ. 34-тур.
23:30
Вулверхэмптон		 -:-
Арсенал

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.