«Барселона» бугун Испания Ла лигасининг 20-тури доирасида «Гранада»га қарши майдонга чиқишига қарамай, клубнинг янги бош мураббийи Кике Сетьен футболчиларни эрталабки машғулотга таклиф этди.

Mundo Deportivo тарқатган хабарга кўра, маҳаллий вақт билан 11:00да бошланган машғулотда асосан назарий билимлар берилади. Ўйинчилар майдонда шуғулланишмайди.

Шунингдек, ушбу машғулотдан кейин мураббий бугунги ўйинда майдонга тушиши мумкин бўлган футболчилар рўйхатини эълон қилади. Шу тариқа, Сетьен аввалги мураббий Эрнесто Вальверде даврида урфга кирган ўйиндан бир кун аввал қайдномани эълон қилиш анъанасини бузди.

Бундай йўл орқали каталонияликлар бош мураббийи футболчилар майдонга максимал тайёр ҳолатда тушишига ва уларнинг бўшашмаслигига эришмоқчи.