Рональд Куман "Барселона"нинг янги бош мураббийига айланди. Бу ҳақда Каталония клуби расмий сайтида хабар берилди.

Мураббийнинг жамоа билан келишуви 2022 йилнинг ёзигача амал қилади. Бугун кечқурун мутахассиснинг тақдимоти бўлиб ўтади.

Aввалроқ, "Барселона" Кике Сетьенни жамоа Чемпионлар лигасида "Бавария"га шармандали ҳисобда ютқазганидан сўнг истеъфога чиқарганди.

Эслатиб ўтамиз, Куман "Барселона"да 1989 йилдан 1995 йилгача ўйнаган. Клуб билан биргаликда у тўрт маротаба Испания чемпионлигини, уч бор мамлакат Суперкубогини, бир марта Испания кубогини, Европа кубогини (Чемпионлар Лигаси пешқадами) ва УЕФA Суперкубогини қўлга киритган.

Бундан ташқари, мутахассис илгари "Барселона"да ёрдамчи мураббий сифатида ишлаган.