• Янгиликлар
• Терма жамоалар ва таркиблар
• Мусобақа тақвими
• Гуруҳлар ва натижалар
• Регламент ва совринлар
• Стадионлар
• Ҳакамлар

Ўтган учрашувлар

Финал
10.07.2016
23:59		Португалия	1-0	Франция
Ярим финал
07.07.2016
23:59		Германия	0-2	Франция
06.07.2016
23:59		Португалия	2-0	Уэльс
Чорак финал
03.07.2016
23:59		Франция	5-2	Исландия
02.07.2016
23:59		Германия	1-1	Италия
01.07.2016
23:59		Уэльс	3-1	A PHP Error was encountered Severity: Notice Message: Undefined offset: 994 Filename: minisite/header_page.php Line Number: 507
30.06.2016
23:59		Польша	1-1	Португалия
Нимчорак финал
27.06.2016
23:59		Англия	1-2	Исландия
21:00		Италия	2-0	Испания
26.06.2016
23:59		Венгрия	0-4	A PHP Error was encountered Severity: Notice Message: Undefined offset: 994 Filename: minisite/header_page.php Line Number: 507

Тўпурарлар

№	ИСМ-ШАРИФИ	ЖАМОА	ГОЛ
1	Антуан Гризманн	Франция	6
2	Луиш Нани	Португалия	3
3	Димитри Пайет	Франция	3
4	Альваро Мората	Испания	3
5	Криштиану Роналду	Португалия	3
6	Оливье Жиру	Франция	3
7	Гарет Бэйл	Уэльс	3
8	Грациано Пелле	Италия	2
9	Биркир Бьярнасон	Исландия	2
10	Иван Перишич	Хорватия	2
тўлиқ жадвал »

Хабарлар

• Евро-2016: Гуруҳ босқичи рамзий терма жамоаси

  

  Мана, Евро-2016да гуруҳ раунди якунланганидан кейин «ҳаёт-мамот» ўйинлари ҳам бошланиб кетди. Лекин қуйида гуруҳ босқичи доирасидаги 3та тур якунларига назар соламиз. Қани «плей-офф» йўлида қайси футболчилар жонкуярлик бобида ва ўйин сифати бўйича ажралиб туришди? Мухлисларнинг олқиши кимларга кўпроқ йўналтирилди? Бу саволларга Евро-2016нинг энг катта қисми якуни бўйича Soccer.ru сайти томонидан тузилган рамзий жамоага қараб ҳам муайян даражада жавоб олиш мумкин.

  Дарвозабон

  Ханнес Халльдорсон (Исландия). Агар шу кипернинг дарвозадаги ишончли ҳаракатлари бўлмаганида, мухлислар исландча эртакдан бебаҳра қолишарди. Эътибор беринг, Ханнес гуруҳ босқичи давомида бартараф этилган зарбалар сони бўйича етакчилик қилди. Аниқ рақамлар асосида айтсак, исланд дарвозабони жами 19та зарба йўлига ғов бўлди. Демакки, Халльдорсон 1та ўйинда ўртача ҳисобда 6та зарбани бартараф этган. Муҳими, у бирорта ўйинда биттадан ортиқ гол қўйиб юбормади. Ваҳоланки, букмекерлар Исландия термасининг португалларга қарши дебют ўйинидан олдин рақиб етакчиси Криштиану Роналду 3та гол уриб, қитъа чемпионати тарихидаги тўпурарлар рўйхатида Мишель Платинига тенглашиб олишини тахмин қилишганди. Бироқ Халльдорсон  чинакам қоя бўлиб, бундай башоратлар «белига тепди».

  Ҳимоячилар

  Дарио Срна (Хорватия). Ҳақиқий сардор ва етакчи, шунинг баробарида ажойиб футболчи. Дарио 34 ёшида ҳам Хорватия термасида етакчилардан бири бўлиб қоляпти ва ўйин ҳамда шерикларига муносабат бобида барчага намуна кўрсатмоқда. Статистик рақамлар эса гуруҳ раундининг энг яхши ўнг қанот ҳимоячиси мақомига айнан Срна муносиб эканлигини билдиряпти. Шу жойда «Шахтёр» (Донецк) вакилининг иродасини ҳам эътироф этиш жоиз. Туркия термаси билан ўйин тугагач, Срна оғир жудоликка учради  - отаси ҳаёт билан видолашди. Ушбу ёқимсиз воқеа ҳам хорватлар сардори характерини буколмади. Дарио 3та ўйинда ҳам майдонда тўлиқ вақт ҳаракатланди. Қаранг, фахрий ҳимоячи битта ўйинда ўртача  ҳисобда рақибларидан 3,7 марта тўп олиб қўйди ва 74 фоиз яккакурашларда устун келди.

  Жером Боатенг (Германия). Евро-2016 доирасидаги дастлабки 3та ўйинда ҳам фаол тўп сурган Германия термасининг энг яхши ҳимоячиси. Боатенгни украинларга қарши ўйиндаги биттагина сеҳрли ҳаракати учун алоҳида олқишласак арзийди. Умуман, Жером ақлга сиғмас «подкат»ларни етарлича амалга оширди. Ҳимоячи айниқса, индивидуал томондан ёрқин кўриндики, у Шимолий Ирландия термаси билан баҳсда жароҳатлангач, немислар бежиз безовталанишмади. Яхшики, жароҳат жиддий эмас экан.

  Леонардо Бонуччи (Италия). Италия термасининг уйғун ҳимоя учлигида барчанинг мақоми тайин: Кьеллини - юрак, Барцальи - виждон, Бонуччи эса - мия. Леонардонинг энг мураккаб вазифаларни нечоғли совуққонлик билан бажаришини кузатиш - алоҳида завқ. У бунда вақтни сира беҳуда сарфламайди. Хусусан, Бонуччининг бельгияликлар билан ўйинда Жаккерини голига ассистентлик қилганини ҳам унутмаслик керак.

  Артур Енжейчик (Польша). «Краснодар»нинг польшалик ҳимоячиси аслида асосан ўнг қанотда тўп суради, аммо у суперуниверсал ва миллий жамоасида чап томондаги ишларни ҳам идеал даражада уддалади. Тўқнашувли курашларда яққол устунлик, тўп ошириш бўйича юқори фоизли аниқлик ва позицион ишончли ҳаракатлар - бу каби кўрсаткичлар рамзий жамоага нега айнан Артур танлангани юзасидан чиқадиган саволларга жавоб.

  Ярим ҳимоячилар

  Тони Кроос (Германия). Кўринишидан, Кроос клуб футболи мавсумида унчалик чарчаган эмас ва ЧЛдаги ғалаба билан чекланиб қолишни хаёлига ҳам келтирмаяпти. Мана, у Франция майдонларида тўлиқ вақт давомида Германия термаси диспетчери ролини қойиллатиб уддалаяпти. Хуллас, бундестим ўйинида равишни айнан «Реал» хавбеки белгилаяпти.  Дейлик, ҳужум йўналишини танлаяпти ва унга суръат бағишламоқда. Шунингдек, Кроос феноменал даражада аниқ узатма соҳибидир - деярли 95 фоиз ҳолатда уриниши аниқ чиқиб, бундестим ҳужуми давомийлик касб этди.

  Андрес Иньеста (Испания). «Барселона» вақтида Кроосни сотиб олиш ғоясидан воз кечиб, унинг учун курашда  «Мадрид»га қўшимча имкониятлар яратганди. Эҳ, ўшанда каталонияликлар немис футболчисидан қўл узишмаганида эди, мухлислар икки буюк «дирижёр»нинг ўзаро ҳамкорлигини ўзгача қизиқиш билан кузатишарди. Андрес деярли хато қилаётгани йўқ, у шунингдек, Чехия термаси билан ўйинда ўз ҳисобига самарали узатма ёзиб қўйди. Агар Кроос майдон бўйлаб навигацион функцияларни ўз зиммасига олаётган бўлса, Иньеста рақиб жарима майдони атрофида ўта нафис ҳаракатларни амалга оширмоқда. Чинакам футбол профессори, айниқса, ўзгача ҳаракатланиш масаласида.

  Иван Перишич (Хорватия). Гуруҳ раундининг энг ёрқин ўйинчиларидан бири. Перишич ўз ҳисобига 2та гол ёзишдан ташқари, бир марта жамоадошига ассистентлик қилди. Тезкор, шиддатли ва портловчи - ҳа, Иван бу хусусиятлари билан Евро-2016 қаҳрамонлари қаторига кирди.

  Димитри Пайе (Франция). Тахминларга кўра, Гризманн ва Погба Франция миллий жамоасини ўз ортларидан эргаштириб боришлари керак эди. Лекин буларга терс ўлароқ, Димитри Пайе бош ролга кўтарилди. У Руминия, Албания ва Швейцария термаларига қарши кечган учрашувларда мезбонлар таркибида нафақат энг ёрқин, балки энг фойдали футболчи бўлди. Дейлик, руминлар устидан қозонилган ғалаба бус-бутун айнан Пайенинг хизматлари самарасидир.

  Ҳужумчилар

  Гарет Бэйл (Уэльс). Бэйл - ўз жамоасининг мислсиз етакчиси. У бу мақомга нақадар ҳақли эканлигини гуруҳ босқичидаги 3та ўйинда ҳам гол уриш орқали исботлади. Боз устига, Гарет дастлабки 2та турда Козачик ва Хартни жарима нуқтасидан берган қойилмақом айланма зарбалари билан доғда қолдирди. Россия термаси билан ўйинда эса ўз жамоаси муваффақиятига чиройли нуқта қўйди. Бир қарашда, уэльсликлар бундай Бэйл ёрдамида ҳали кўп арзирли натижаларга эришадилар, шекилли.

  Альваро Мората (Испания). Шундай бўлиб чиқдики, рамзий жамоа ҳужумига «Реал»нинг икки футболчиси танланди. Ахир «Қироллик клуби» турнир давомида Моратанинг «Сантьяго Бернабеу»га қайтишини маълум қилди. «Ювентус» иштирокидаги ўйинлардаёқ кўрингандики, Альваро босим ва шиддат кучайган ўйинларда ўзини кўрсатишдан хижолат чекмайди. Мана, у Европа чемпионати гуруҳ учрашувларида ҳам бу хулосани мустаҳкамлади. Мората худди Бэйл каби 3та голга муаллифлик қилдики, шунинг ўзи кўп тош босади.

  Мураббий

  Бернд Шторк (Венгрия). Чинакамига шов-шув кўтарган Венгрия термасидан гуруҳ босқичи рамзий жамоасига бирор футболчи тушгани йўқ. Жамоа аъзоси Жужак тўла ҳақ: венгрлар индивидуал «фигура»ларга тобе эмаслар. Бошқача айтганда, уларнинг муваффақиятли юришларида жамоавий ҳаракатлар ва бирдамлик катта ўрин тутади. Лекин «сенсациячи» термадан кимнидир эътироф этмаслик ҳам унча тўғри эмас. Шуларни ҳисобга олган ҳолда, немис мутахассиси Бернд Шторк рамзий жамоа бош мураббийи мақомига лойиқ кўрилди. Ҳарқалай, венгрларда ажойиб уюшқоқликнинг юзага келгани ва уларнинг анча мураккаб гуруҳда биринчи бўлишганида мураббий имзоси бор, албатта.

  МУҚОБИЛ ВАРИАНТ

  Майкл Макговерн (Ш.Ирландия) - Лукас Пишек (Польша), Фабиан Шер (Швейцария), Жоржо Кьеллини (Италия), Йонас Хектор (Германия) - Балаж Жужак (Венгрия), Золтан Гера (Венгрия), Аксель Витсель (Бельгия), Аарон Рэмси (Уэльс) - Криштиану Роналду (Португалия), Ромелу Лукаку (Бельгия)

  Бош мураббий: Крис Коулмен (Уэльс)

  Гуруҳ босқичининг антирамзий терма жамоаси

  Дарвозабон:

  Чиприан Тэтэрушану (Руминия)

  Ҳимоячилар:

  Игорь Смольников (Россия)

  Сергей Игнашевич (Россия)

  Александр ДРАГОВИЧ (Австрия)

  Лорик Цана (Албания)

  Ярим ҳимоячилар:

  Раҳим СТЕРЛИНГ (Англия)

  Александр ГОЛОВИН (Россия)

  Арда ТУРОН (Туркия)

  Андрей ЯРМОЛЕНКО (Украина)

  Ҳужумчилар:

  Роман ЗОЗУЛЯ (Украина)

  Златан ИБРАГИМОВИЧ (Швеция)

  Бош мураббий:

  Леонид СЛУЦКИЙ (Россия)

  МУҚОБИЛ ВАРИАНТ

  Жо Харт (Англия) - Виктор Нильсон-Линделоф (Швеция), Ҳоқон Болта (Туркия), Киран КЛАРК (Ирландия), Вячеслав Шевчук (Украина) - Марио Гётце (Германия), Ярослав Плашил (Чехия), Роман Нойштедтер (Россия), Марсель Забитцер (Авсрия) - Александр КОКОРИН (Россия), Гарри Кейн (Англия)

  Бош мураббий: Михаил Фоменко (Украина)

  А.АҲМЕДОВ тайёрлади

  Сана: 27.06.2016 18:26. Ўқилди: 5351 марта.

A - Гуруҳи

№	Жамоа	Ў	О
1	Франция	3	7
2	Швейцария	3	5
3	Албания	3	3
4	Руминия	3	1

B - Гуруҳи

№	Жамоа	Ў	О
1	Уэльс	3	6
2	Англия	3	5
3	Словакия	3	4
4	Россия	3	1

C - Гуруҳи

№	Жамоа	Ў	О
1	Германия	3	7
2	Польша	3	7
3	Шим. Ирландия	3	3
4	Украина	3	0

D - Гуруҳи

№	Жамоа	Ў	О
1	Хорватия	3	7
2	Испания	3	6
3	Туркия	3	3
4	Чехия	3	1

E - Гуруҳи

№	Жамоа	Ў	О
1	Бельгия	3	6
2	Италия	3	6
3	Ирландия	3	4
4	Швеция	3	1

F - Гуруҳи

№	Жамоа	Ў	О
1	Венгрия	3	5
2	Исландия	3	5
3	Португалия	3	3
4	Австралия	3	1
тўлиқ жадвал »