Кириш Регистрация

STD.UZ/LOKOMOTIV

Локомотив

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Игорь Йелич: «Араб жамоалари бир-бирига ўхшаш»

Тошкентнинг «Локомотив» клуби Осиё Чемпионлар Лигасидаги юришини «Ал-Ваҳда» жамоа­сига қарши ўйин билан бошлади. Шиддатли ва чиройли голларга бой бўлган баҳс ҳамюртларимизнинг ишончли ғалабаси билан якунланди. Мазкур учрашув якунига етгач, жамоанинг легионер футболчиси Игорь Йеличдан интервью олдик. Гарчи тажрибали ҳимоячи майдонга тушмаган бўлсада, шерикларини захира ўриндиғида қўллаб-қувватлаб турди.

- Игорь, «Локомотив» ОЧЛ-2019 гуруҳ босқичидаги дастлабки учрашувга қандай режа тузганди?

- Бу муҳим ўйинга сўнгги икки кун давомида астойдил тайёргарлик кўрдик. «Ал-Ваҳда»нинг аввалги учрашувлари қайд этилган видеоёзувлар орқали рақибни ўрганиб чиқдик. Кўрганингиздек, учрашув осон ўтмади. Биринчи бўлимни аъло даражада ўтказдик. Тезкор гол ишимизни бирмунча енгиллаштирди, дейиш мумкин. Кўплаб вазиятларни юзага келтирдик, аммо улардан фойдаланишда бироз сусткашликка йўл қўйдик. Қаердадир омад ҳам биздан юз ўгирди. Иккинчи бўлимда ўйин ўзгариб кетди. Дастлабки беш дақиқада рақиб бизни босим остида ушлаб туришга уринди. Барча кўрди, учрашувда устунликка эришдик. Рақибга нисбатан бизда вазиятлар кўп бўлди.

- «Ал-Ваҳда» жамоасидаги легионер ҳужумчи Себастьян Тальябуэдан хавф кутганмидингиз?

- Албатта! Нафақат ундан, балки бошқа футболчилардан ҳам эҳтиёт бўлиш талаб этиларди. Тальябуэ юқори савиядаги ҳужумчи. Бу футболчига қарши ўтган йили ўйнагандим. Бугунги ғалаба тасодиф эмас. Биз мазкур жамоа ва футболчилари ҳақида етарли маълумотга эга эдик. Худди шу клуб билан ОЧЛ-2018 гуруҳ босқичида ўйнаб, икки марта йирик ҳисобда ғалаба қозонганмиз. Бу бизга қўшимча руҳий устунликни тақдим этди.

- Танаффус вақтида Андрей Фёдоров майдонда ҳаракат қилган футболчиларга қандай кўрсатмалар берди? Ҳимояга эътибор қаратишни уқтирдими ёки ҳужумни кучайтиришни?

- Мураббийи кўпроқ ўйинни назорат қилиб, вазиятлардан унумли фойдаланиш кераклигини айтди. Ўзингиз биласиз, бизда чемпионат ҳали бошланмади. Шунинг учун футболчилар 90 дақиқа прессинг ишлатишга тайёрмас. Айрим ҳолларда рақибга қараб ўйнашга ҳам тўғри келади. Бу нормал ҳолат.

- Барча ўйинчилар ҳали формага кириб олмагандек тасаввур уйғотмоқда... Бу ҳолатни қандай изоҳлайсиз?

- Умуман олганда, гапингизда жон бор. Аммо барча футболчиларнинг кайфияти аъло. Биз миллий чемпионат бошланишини ва «Пахтакор»га қарши кечадиган баҳсни интизорлик билан кутмоқдамиз. Мазкур учрашув қизиқарли тарзда ўтади, деб ўйлайман. Чунки бу - дерби. Суперлига бошланишига оз фурсат қолди. Ижобий натижага эришишга ҳаракат қиламиз. «Пахтакор» билан ўйинлар ҳамиша муросасиз кечган. Чемпионатни ғалаба билан бошламоқчимиз.

- Жамоанинг тўлиқ формага кириб олиши учун қанча вақт кетади, деб ўйлайсиз?

- Ҳозиргача иккита расмий учрашувда майдонга тушдик. Иккала баҳсда ҳам ўзимиз учун керакли натижага эришдик. Яна уч-тўртта беллашувдан сўнг яхши спорт формасига кириб оламиз. Ўйин сифати ҳам вақт ўтган сари яхшиланиб боради. Май ойларида оптимал ҳолатда бўламиз. Табиийки, бу ойда ОЧЛ ҳал қилувчи паллага киради.

- Иккинчи турдаги рақиб - «Ал-Иттиҳод» ҳақида нима дея оласиз?

- Тўғриси, Саудия Арабистони жамоаларига қарши майдонга тушмаганман. Рақиб ҳақида тегишли тасаввурга эга бўлиш учун вақт етарли. Энг аввало, ўз хатоларимиз устида ишлаймиз. Кейин турли воситалар орқали уларни ўрганамиз. Тошкент дербисидан сўнг бу ҳақда ўйлашни бошлаймиз. Ҳозирча бор эътиборни «Пахтакор»га қарши кечадиган баҳсга қаратамиз.

- Қатар, БАА, Саудия Арабистони клублари ўртасида қандай фарқ бор?

- Улар орасида тафовут деярли йўқ. Барча араб жамоаларининг ўйин услуби бир-бирига ўхшаш. Асосан тўпни юқоридан етказиб бериш ва кучни максимал даражада сарф этишга асосланган. Араб мамлакатларининг барида кучли легионерлар тўп суришади. Шу тарафлама ҳам ўхшашлик бор.

- Учрашувни захира ўриндиғида кузатдингиз. Сизга мазкур ўйиндаги энг яхши футболчини танлаш ҳуқуқи берилса, кимни танлардингиз?

- Барча жамоадошларим ажойиб тарзда ҳаракат қилишди. Мабодо, бир футболчини танлаш керак бўлса, ўз овозимни Ислом Тўхтахўжаевга берардим.

Киритилди: 11.03.2019 14:16. Ўқилди: 2280 марта. Фикрлар: 1 та.

Суперлига

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

E - Гуруҳи

№ Жамоа Ў О
1 Динамо 0 0
2 Зомин 0 0
3 Локомотив 0 0
4 Қизилқум 0 0

Футзал

Футзал. Клублар ўртасида ОЧ

- Гуруҳи

№ Жамоа Ў О

Ўзбекистон суперкубоги

№ Жамоа Ў О
1 Насаф 1 3
2 Пахтакор 1 0

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

B - Гуруҳи

№ Жамоа Ў О
1 Қўқон-1912 3 9
2 Пахтакор 3 6
3 Локомотив 3 3
4 Бухоро 3 0

Сўнгги учрашув

05.05.2024. Суперлига. 6-тур.
18:00
Навбаҳор		 4-0
Локомотив

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.