Суперлига: Кимда қандай натижа? Ёхуд статистикалар гапирганда…

Ўзбекистон Суперлигасининг иккинчи тур баҳслари ўз якунига етди. Ушбу турда кўплаб кутилмаган натижалар қайд этилди. Шунингдек, бу турда бир нечта ўйинларда дуранг натижалар қайд этилди.

Келинг! 2-турда бўлиб ўтган ўйинларнинг статистикалари ҳақида батафсил тўхталиб ўтамиз:

Биринчи ўйин Бекободда “Металлург” ва “Сўғдиёна” жамоалари ўртасида бўлиб ўтди. Икки жамоа ҳам ушбу ўйин икки хил натижа билан етиб келган эди. “Сўғдиёна” ўз уйида “Нефтчи”дан енгилган бўлса, “Металлург” меҳмонда “Локомотив” билан дуранг ўйнаган эди.

“Металлург” ва “Сўғдиёна” ўртасидаги ўйин нисбатан тенг кучлар остида ўтди. Ўйинда бекободликлар 51 фоиз тўпга эгалик қилган ҳолда 77 бор ҳужум уюштирди. Бироқ, уюштирилган ҳужумларнинг 46тасиги хавфлилик тусини олди холос.

“Сўғдиёна” эса 49 фоиз тўпга эгалик қилиб, 76 бор ҳужум уюштирди. Жиззахликлар томонидан уюштирилган ҳужумларнинг 46таси эса хавфли тарзда ташкил қилинди.

Мезбонлар ўйин давомида “Сўғдиёна” дарвозаси томон умумий 7 бор зарба берди. Лекин берилган зарбаларнинг иккитасигина дарвоза томон аниқ борди холос. Жиззахликлар ўйин давомида “Металлург” дарвозаси томон 8 бор зарба берди. Лекин ушбу жамоа ҳам атиги 2та аниқ зарба берди.

Жамоалар ўйин давомида умумий 10 бор бурчак тўпини амалга оширишди. Бекободликлар 6 бор бурчак тўпини амалга оширишган бўлса, жиззахликлар 4 бор бурчак тўпини амалга оширишди.

Ушбу ўйинда икки жамоанинг ҳам дарвозабони сифатли ҳаракат қилди. Чунки жамоалар томонидан йўлланган иккитадан аниқ зарбани дарвозабонлар қайтаришга эришди.

Икки жамоага ҳам очко зарурлиги сабабли футболчилар бироз эмоцияга берилишди. Шу сабабли бош ҳакам “Металлург” футболчиларига 3та, “Сўғдиёна” футболчиларига эса 2та сариқ карточка кўрсатди.

Кўриб турганингиздек, “Металлург” ва “Сўғдиёна” ҳақли тарзда 0:0 ҳисобида дуранг ўйнаган. Буни юқорида айтиб ўтганимиздек, статистикалар ҳам айтиб турибди.

Иккинчи ўйин Тошкентда “Пахтакор” ва “Насаф” жамоалари ўртасида бўлиб ўтди. Суперлигада бир неча йиллардан бери рақобат қилаётган ушбу жамоалар янги мавсумнинг иккинчи туридаёқ тўқнаш келишди.

Мутахассислар ва мухлислар ушбу ўйинда “Насаф”нинг имкониятларини юқори баҳолаган эди. Бироқ, “Пахтакор” ҳам ҳали кучсизланмаганини исботлаб қўйди.

Ўйинда “Пахтакор” 55 фоиз тўпга эгалик қилган ҳолда бироз устунликка эришди. Буни дарвоза томон берилган зарбалардан ҳам кўришимиз мумкин.

“Шерлар” ушбу ўйинда қаршиликлар дарвозаси томон 15 бор зарба берди. Ушбу йўлланган зарбаларнинг 6таси дарвоза соҳаси томон аниқ бўлди холос. “Насаф” эса йўллаган 8та зарбасидан 4таси дарвозага аниқ борди. Лекин икки жамоа футболчилари томонидан йўлланган аниқ зарбаларнинг барчаси дарвозабонлар томонидан қайтарилди.

“Пахтакор” ўйин давомида 4 бор бурчак тўпини амалга оширган бўлса, “Насаф” 2 бор бурчак тўпини амалга оширди.

Янги мавсум олдидан “Пахтакор” мутахассислар томонидан кучсизланиб қолгани айтилган эди. Бироқ, ушбу ўйинда “шерлар” ҳали ҳам кучли жамоа экани маълум бўлди. Чунки, Тошкент жамоаси ўйин давомида 91та ҳужум уюштирди. Ушбу ҳужумларнинг 61таси хавфли бўлди. “Насаф” эса 88та ҳужум уюштирган бўлиб, 48тасида хавфлилик даражаси юқори бўлган холос.

Кўриб турганингдек, ўйинда “Пахтакор” нисбатан устунлик қилган. Бироқ, “Насаф”нинг тартибли ҳимояланиши сабабли жамоалар 0:0 ҳисобида дурангга имзо чекишди.

Учинчи ўйинда “Олимпик” ва “Локомотив” жамоалари ўртасида бўлиб ўтди. Олимпиячиларимиз биринчи турда “Насаф”дан енгилган бўлса, “Локо” “Металлург” билан дуранг ўйнаган. Шу сабабли икки жамоа учун ҳам очко муҳим эди.

Ўйинда “Олимпик” кўпроқ тўпга эгалик қилган бўлса ҳам “темирйўлчилар” нисбатан устунликка эришди. Ушбу баҳсда “Олимпик” 51 фоиз тўпга эгалик қилиб, рақибининг дарвозаси томон 4 бор зарба берди. Лекин Кападзе шогирдлари иккита аниқ зарба беришга эришди холос.

“Темирйўлчилар” ўйин давомида рақиби томон 6 бор зарба берган бўлса, шундан 4таси дарвоза соҳаси томон аниқ борди. Лекин йўлланган аниқ зарбаларнинг барчаси дарвозабонлар томонидан қайтарилди.

Ўйинда “Олимпик” 2 бор бурчак тўпига мурожаат қилган бўлса, “Локо” 4 бор ушбу нуқтадан зарба берди.

“Олимпик” жамоаси янги мавсумда нисбатан қўполроқ ҳаракат қиляпти. Чунки олимпиячиларимиз “Насаф” ва “Локомотив”га қарши ўйинларда қизил карточка олди. Бундан ташқари, “Олимпик” ва “Локо” ўйинида ҳам олимпиячиларимиз бош ҳакам томонидан 3 бор сариқ карточкага ҳам лойиқ кўрилди. Шунингдек, ушбу ўйинда “Локомотив” футболчилари ҳам 4 бор сариқ карточка олишди.

Ушбу баҳсда “Олимпик” бир киши кам бўлишига қарамасдан 89 бор ҳужум уюштиришга эришди. Ушбу уюштирилган ҳужумларнинг 64таси хавфли тарзда ташкил қилинди. “Локомотив” эса ушбу баҳсда 76 бор ҳужум уюштирган бўлиб, шундан 59тасида хавфлилик даражаси юқори бўлган.

Эътиборли жиҳати, Про лигадан қайтган “Локомотив” ушбу ўйинда минимал ҳисобда (1:0) ғалаба қозонди. Ва очколарини 4тага етказиб олди.

Кейинги баҳс Наманганда “Навбаҳор” ва ОКМК жамоалари ўртасида бўлиб ўтди. Қизиқарли жиҳати ушбу ўйинда ҳам дуранг натижа қайд этилди. Бироқ, ушбу ўйин қолганларидан фарқли ҳолатда 1:1 ҳисобида якунланди.

Кутилганидек, ўйинда “Навбаҳор” нисбатан устунликка эришиб, 56 фоиз тўпга эгалик қилган ҳолда олмалиқликлар дарвозаси томон 11 бор зарба берди. Лекин йўлланган зарбаларнинг 7таси дарвоза соҳаси томон аниқ борди.

ОКМК ушбу ўйинда наманганликлар дарвозаси томон 5 бор зарба беришга эришган бўлса, шундан иккитасигина Ўткир Юсупов дарвозаси томон аниқ борди холос.

Эътиборли жиҳати, ушбу ўйинда ОКМК жамоаси посбони жуда ҳам ажойиб тарзда ҳаракат қилди ва 6та зарбани қайтаришга эришди. Ўткир Юсупов эса 1та сейф қилишга эришди.

Ушбу баҳсда албатта жиддий қарама-қаршиликлар кузатилиши аниқ эди. Шу сабабли бош ҳакам икки жамоанинг умумий 7 нафар футболчисига сариқ карточка кўрсатишга мажбур бўлди. Шунингдек, ушбу баҳсда жамоалар 9 бор бурчак тўпига ҳам мурожаат қилди (“Навбаҳор” — 5, ОКМК — 4).

Ўйинда “Навбаҳор” 86та ҳужум уюштиришга эришди. Шундан 53тасидан хавфлилик даражаси юқори бўлди. Олмалиқликлар эса 79та ҳужум уюштирди. Уюштирилган ҳужумларнинг 35таси эса хавфли тарзда ташкил қилинди.

Голларга бой бўлган навбатдаги ўйин Андижондаги “Бобур” аренада бўлиб ўтди. Ушбу баҳсда “Андижон” жамоаси “Бунёдкор”ни 5:1 ҳисобида таслим қилди.

Ўйинда “Андижон” 54 фоиз тўпга эгалик қилган ҳолда “қалдирғочлар дарвозаси томон 13 бор зарба берди. Ушбу зарбаларнинг 7таси эса аниқ чиқди. “Бунёдкор” эса андижонликлар дарвозаси томон 6 бор зарба берган бўлса, шундан тўрттасигина аниқ борди холос.

“Андижон” ушбу ўйинда “Бунёдкор”ни ўз жарима майдончаси ичига қамаб қўйди. Буни амалга оширилган бурчак тўпларидан кўриш мумкин. Андижонликлар ўйин давомида умумий 11 бор бурчак тўпини амалга оширган . “Қалдирғочлар” эса бир бор ушбу нуқтадан тўпни ўйинга киритишди холос.

Баҳсда “Андижон” умумий бор ҳужум уюштирган бўлса, шундан 39таси хавфли чиқди. “Бунёдкор” эса 55 бор ҳужум уюштирди. Бироқ, уюштирилган ҳужумларнинг 28тасида хавфлилик даражаси юқори бўлди.

Кейинги баҳс Самарқандда “Динамо” ва “Насаф” жамоалари ўртасида бўлиб ўтди. Ушбу баҳс икки жамоа учун ҳам оғир бўлди. Бироқ, якунда фарғоналиклар 1:2 ҳисобида ғалаба қозонди.

Ўйинда “Динамо” 55 фоиз тўпга эгалик қилган ҳолда “Нефтчи” дарвозаси томон 11 бор зарба берди. Лекин йўлланган зарбаларнинг 4таси дарвоза томон аниқ борди.

“Нефтчи“ ушбу баҳсда рақиби томон 7 бор зарба берган бўлса, шундан иккитасигина аниқ бўлди холос. Лекин фарғоналиклар аниқ йўлланган зарбаларнинг биттасини голга айлантиришган ҳолда ғалабани илиб кетди.

Ушбу баҳсда “Нефтчи” посбони яхши ҳаракат қилди. Чунки Қувватов дарвозаси томон йўлланган зарбаларнинг тўрталасини ҳам қайтаришга эришди.

Абрамов жамоаси ушбу баҳсда “Нефтчи” дарвозаси томон 104 бор ҳужум уюштирди. Уюштирилган ҳужумларнинг 74тасида хавфлилик даражаси юқори бўлди. “Нефтчи” эса ўйин давомида 90та ҳужум уюштирди. Шундан 69таси самарқандликлар дарвозаси ёнида хавф туғдирди холос.

Иккинчи турнинг охирги баҳси бугун “Қизилқум” ва “Сурхон” жамоалари ўртасида бўлиб ўтди. Унда навоийликлар 2:1 ҳисобида ғалаба қозонди.

Ушбу ўйинда “Сурхон” жамоаси 59 фоиз тўпга эгалик қилган бўлишига қарамасдан, “Қизилқум” сурхондарёликлар дарвозаси томон 9 бор зарба беришга эришди. “Сурхон” эса навоийликлар дарвозасига 5 бор зарба берди.

Лекин аниқлик борасида тенглик қайд этилди (3-3). “Қизилқум” дарвозабони 2та сейфни амалга оширган бўлса, “Сурхон” посбони бир тўпни қайтаришга эришди.

Ўйинда “Қизилқум” 101та ҳужум уюштирди. Уюштирилган ҳужумларнинг 49таси хавфли чиқди. “Сурхон” эса 111та ҳужум уюштирган бўлса, шундан 62тасида хавфлилик даражаси юқори бўлди.

Кўриб турганингдек, ушбу турда нисбатан камроқ гол урилди. Шу сабабли кўплаб ўйинларда жамоалар очко йўқотган ҳолда, дуранг натижа қайд этишди. Бундан фойдаланган “Қизилқум” ва “Нефтчи” жамоалари ғалаба қозониб, 6 очко билан пешқадамга айланиб олишди.

Учинчи тур жуфтликлари ва ўйин саналари билан билан танишинг:

14 март:

“Локомотив” — “Пахтакор"

15 март:

“Нефтчи” — “Металлург”

“Сўғдиёна” — “Олимпик"

16 март:

“Сурхон” — “Андижон”

“Насаф” — “Қизилқум”

17 март”:

ОКМК — “Динамо”

“Бунёдкор” — “Навбаҳор”