Кириш Регистрация

STD.UZ/LOKOMOTIV

Локомотив

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Вадим Абарамовнинг Бразилия сафаридан қилган хулосалари

«Локомотив» бош мураббийи Вадим Абрамов яқинда Бразилияда бўлиб қайтди. Унинг Жанубий Америкага номзод футболчиларни кўздан кечириш учун кетгани айтилганди. Вадим Карленович сафардан қайтгани заҳоти суҳбатга ошиқдик.

- Вадим Карленович, Бразилия сафаридан қандай мақсадни кўзлаган эдингиз?

- «Локомотив» таркибини кучайтирадиган футболчиларни кўздан кечириш учун бордим. Аммо ҳозирча бу ҳақда бирор гап айтолмайман. Чунки ҳали ҳеч нарса аниқ эмас.

- Наҳотки, Бразилиядек давлатга бориб келиб, бирор футболчи билан шартнома имзоламаган бўлсангиз...

- Йўқ. Биз шошма-шошарлик билан иш юритмаймиз. Маълум футболчиларни кўриб қайтдим ва улар орасида менга ёққанлари ҳам бор. Баъзиларини кўрикка таклиф қилганмиз. Жамоа режасига кўра, 14 январда йиғин бошлашимиз керак. Унинг давомида бразилиялик футболчиларни ҳам синаб кўрамиз.

- Сафар давомида бразилиялик футболчиларнинг бизникилардан қандай устун жиҳатларини пайқадингиз?

- Ҳеч қандай. Улар ҳам худди биздагидек футбол ўйнайдилар. Аслида ўзимизда кучли футболчилар етарли. Фақат бизнинг ўйинчилар рақибни алдаб ўтишда дадил ҳаракат қилолмайдилар, техник жиҳатдан муаммо бор. Бунинг илдизи анча чуқур. Бразилияда болалардан натижа талаб қилмайдилар. Улар учун ёш футболчиларда техника шаклланиши муҳим. Бизникилар эса натижа ортидан қувишади. Бола бўладими, ўсмирми - фарқи йўқ, ғалаба қозониши шарт. Ҳозир маҳаллий футболчиларимиз орасида фақат Александр Гейнрих қўрқмай рақибни алдаши мумкин. Бразилияда эса бундайлар етарлидан кўп. Бир вақтлар бизда ҳам Тўлаган Исоқов, Биродар Абдураимов каби техника бобида мукаммал футболчилар ўйнашган. Ҳозиргилар эса тўпдан тезроқ қутулишни ўйлашади.

- Демак, жамоа таркибига техник жиҳатдан кучли футболчилар жалб қилишни кўзлагансиз. Шунга яраша жамоа ўйин услуби ҳам ўзгарадими?

- Ҳозирча ҳеч нарса аниқ эмас. Фақат таркибни аниқлаб, етарлича шакл­лантириб олгачгина услуб ҳақида гапириш мумкин.

- Сиз жамоага таклиф этишни кўзлаётган футболчилар орасида илгари Европада ўйнаганлари ҳам борми?

- Европада ўйнаб қайтган футболчиларнинг молиявий талаблари жуда баланд. Аммо шунга яраша юқори савияда ўйин кўрсатишаётгани кам. Масалан, «Сан-Паулу»да ўйнаётган Патони олайлик. У иккинчи бўлимдагина захирадан майдонга тушди. Бу вақтга келиб, барчаси ҳал бўлиб улгурганди.

- Айтишларича, бразилиялик футболчилар кўпчиликни ташкил қилишса, жамоадаги ички муҳит бузилар экан...

- Биз ким тўғри келса, шартнома имзоламоқчи эмасмиз. Жамоага қабул қилинадиган футболчининг инсонийлик жиҳатларига ҳам катта эътибор қаратамиз. Аммо шу билан бирга таъкидлаб ўтиш лозим, барибир, энг аввало, футбол иқтидори катта ўрин тутади. Қолганини йўлга солиш мумкин, ахир.

- Садриддин Абдуллаев ва Фарҳод Тожиевнинг Малайзия чемпио­нати қуйи лигасида ўйнаш учун кетишганини қандай изоҳлайсиз?

- Афсусдаман. Бундай савиядаги футболчиларнинг кучсиз чемпионат, боз устига, қуйи лигада ўйнашлари жуда аламли. Афтидан, Малайзияда яхши пул таклиф қилишган, чоғи. Аммо бунинг учун уларни айбламоқчи эмасман. Чунки ҳар ким келажагига ўзи эгалик қилади.

- Игнатий Нестеровнинг ҳам жамоадан кетиши ҳақида хабарлар урчиди. Уни жамоада сақлаб қолишни истармидингиз?

- Албатта. Бизни олдинда оғир мавсум кутиб турибди. 3та мусобақада кураш олиб боришимиз керак. Игнатий Нестеров тажрибали дарвозабон ва жамоамизга ёрдам бера олади.

Киритилди: 09.12.2014 13:14. Ўқилди: 9194 марта. Фикрлар: 70 та.

Суперлига

№ Жамоа Ў О
1 Насаф 13 26
2 ОКМК 13 23
3 Сўғдиёна 13 23
4 Андижон 13 19
5 Навбаҳор 13 19
6 Олимпик 13 19
7 Нефтчи 12 19
8 Пахтакор 12 19
9 Сурхон 13 16
10 Қизилқум 13 15
11 Динамо 13 14
12 Локомотив 13 10
13 Бунёдкор 13 8
14 Металлург 13 7

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

E - Гуруҳи

№ Жамоа Ў О
1 Динамо 0 0
2 Зомин 0 0
3 Локомотив 0 0
4 Қизилқум 0 0

Футзал

Футзал. Клублар ўртасида ОЧ

- Гуруҳи

№ Жамоа Ў О

Ўзбекистон суперкубоги

№ Жамоа Ў О
1 Насаф 1 3
2 Пахтакор 1 0

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

B - Гуруҳи

№ Жамоа Ў О
1 Қўқон-1912 3 9
2 Пахтакор 3 6
3 Локомотив 3 3
4 Бухоро 3 0

Сўнгги учрашув

27.06.2024. Суперлига. 13-тур.
20:00
Нефтчи		 1-1
Локомотив

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.