Кириш Регистрация

STD.UZ/MILAN

Милан

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Стефано Пиоли: "Милан"дан кетиш осон бўлмади"

«Милан» собиқ бош мураббийи, ҳозирда Саудия Арабистонининг «Ал-Наср» клубини бошқараётган таниқли мутахассис Стефано Пиоли Италия Суперкубоги финали олдидан MilanNews.it нашрига интервью берди

Суҳбат чоғида Пиоли «Милан»нинг ҳозирги ўйинларини кузатиш унинг учун оғир бўлаётганини яшириб ўтирмади.

- «Милан»нинг натижаларини кузатиб боряпсизми? Жамоа ўйини борасида қандай фикрдасиз?

- «Милан»дан доимо қизиқарли ва чиройли ўйин кутаман. Тўғриси, жамоанинг бу мавсумдаги учрашувларини унчалик кузатмадим. Боиси, «россонеррилар»нинг ўйинларини ойнайи жаҳон орқали томоша қилиш оғир ботди. Шунинг учун миланликларнинг жорий йилги натижаларига умумий баҳо беришим қийин. Яширмайман, ЕЧЛ доирасида «Реал»га қарши баҳснинг иккинчи бўлимни кўрдим, йигитлар кучли рақибга қарши яхши ўйнашди ва ажойиб ғалабани қўлга киритишди. Аммо, «А» Серияда «Ювентус»га ютқазиб қўйилгани яхши бўлмади. Тушунаман, ҳар мавсумнинг ўзига хос кўтарилишлари ва пасайишлари бўлади. Лекин, «Милан» ҳар доим ғалаба қозониш учун ҳаракат қилиши керак.

- Апеннин оролларини бир муддат тарк этишингизнинг боиси нима?

- Мавсум тугаши билан Италияда мураббийлик қилмасликка қарор қилдим. Тўғриси, мамлактдаги сўнгги 5 йиллик фаолиятим ҳиссий жиҳатдан анча толиқтирди. Аввалига Саудия Арабистонида мураббийлик қиламан деб ўйламагандим, бу имконият кейинчалик пайдо бўлди. Биласизми? «Ал-Наср» раҳбарияти билан яхши учрашув бўлиб бўлди. Улар тўғри футбол ғояларини тақдим этишди. Мен кўпинча даст-лабки ҳис-туйғуларга асосланиб қарор қабул қилганим боис, мазкур таклифга розилик билдирдим. Бошқа тарафдан эса Миландан узоқроқда яшаш яхшиликка хизмат қилгандир. Чунки, уйда қолиш ва «Милан»нинг ўйинларини четдан кузатиш қийинроқ бўларди. Қолаверса, мураббийлик қилишни яхши кўраман - касбимдан етарлича завқ оламан десам ҳам бўлади. Баъзи ҳамкасбларим узоқ фаолиятдан сўнг танаффус қилишни хоҳлашади, лекин мен ишсиз туролмайман.

- Саудияда Италия суперкубоги учрашувларида иштирок этиш учун келган шогирдларингизни кўриб қандай ҳис-туйғуларни бошдан кечирдингиз?

- Бу қувонч ва умидларга тўла ажойиб учрашув бўлди. Оғир айрилиқдан сўнг уларни яна кўриш менга завқ бағишлади. Йигитларнинг финал олди машғулотларини кузатиб, «Милан» захира ўриндиғи ёнида ўтирар эканман ўзимни ҳали ҳам ўша ерда эканлигимни ҳис қилдим (кулади). Миланеллода ўрнатган ҳурмат ва дўстлик мен билан абадий қолади. Бунга яққол мисол «россонерилар» билан учрашганимдан хабар топгандан кейин Жиру ҳам дарҳол менга қўнғироқ қилиб ҳиссиётларим билан қизиқди.

- Златан Ибрагимович бошқарувчи сифатида ишонч уйғотадими?

- Ўйлайманки, Златан жуда ақлли бошқарувчи ва «Милан» учун қўлидан келганини қилишга ҳаракат қилади. Мен уни бошлиқ эмас, футболчи сифатида яхши билардим. Лекин ишончим комилки, Ибрагимович жамоа шаъни учун бор кучини ишга солади. Кутилмалар катта албатта, аммо ғалаба қозона олмаслик муваффақиятга эриша олмасликни англатмайди. У ҳам бошқалар каби хато қилади, ўрганади ва ривожланади. Агар мен «Милан» мухлиси бўлганимда, Златанга ишонган бўлардим.

- Криштиану Роналду билан ишлаш сиз учун нимани англатади?

- Криштианунинг жамоадаги тутган ўрни унинг футболчилик фазилатларидан ҳам ошиб кетади. Роналду Саудияга футболни янги даражага олиб чиқиш учун келган ва бунга ҳеч қандай шубҳа йўқ. Мен фаолиятим давомида кўплаб чемпионларни тарбиялаганман, аммо бу рўйхатда Криштиану биринчи ўринда туради. Уни бошқалардан ажратиб турадиган ягона нарса - менталитет. Роналду барча совринларга эга чиқиб бўлса ҳам мукаммаллик тарафдори бўлиб қолаверади ва ўйинларга ақл бовар қилмайдиган иштиёқ билан тайёргарлик кўради. Гўё у ҳали ҳам 20 ёшда ва нималарга қодирлигини исботлаш учун етарли мотивацияга эга. Ажойиб фикрлаш қобилиятига эга чемпион ижрочининг жамоада мавжудлиги шерикларига ҳам фойда келтиради ва умумий савиянинг ошишига хизмат қилади.

- Саудия Арабистонидаги мураббийларда тактик мулоқотда қийинчиликлар борми?

- Мен доим рақибларимиздан камчилик топиш йўлларини қидираман. Вазифам ўйин давомида улар учун муаммо туғдирадиган услубларни яратишдир. «Ал-Наср»да ўз принципларим ва режаларимни амалга оширишдан олдин, аввало, футболчиларнинг хусусиятларини баҳолай бошладим. Умуман олганда, қайерда бўлсам ҳам Италиядаги каби ишлайман. Қувонарли томони жамоамнинг ҳужум ва ҳимоядаги кўрсатгичлари анча юқори.

- «Милан»ни соғиндингизми?

- Ҳа ва йўқ. Аниқроғи, ўтмиш ҳақида кўп ўйлай олмайман. Тўғри, «Милан» топ-клуб ва уни тарк этиш осон бўлмади. Ортга қарасам, жамоани соғинаман, лекин ҳозир ишлаб турган клубимда бахтиёр эканлигимни ҳам қўшимча қилмоқчиман.

- «Милан» билан боғлиқ энг ёрқин хотираларингиз борми?

- Улар жуда кўп ва энг асосийси Скудеттони қўлга киритганимиз албатта. Балки «Милан»да ишлаш, машғулотлар ва ўйинларнинг қувончи ҳам ёрқин хотираларимнинг бир бўлагидир. Лекин нима бўлган тақдирда ҳам мураббий жамоани қандай ҳолатда қабул қилиб олгани ва кетаётганда ўзидан нималар қолдираётганига эътибор бериши керак деб ўйлайман. Муҳими, «россонеррилар» бош мураббийи сифатида кечирган ҳис-туйғулар ўзим билан абадий қолади.

- «Аталанта» билан ўйиндан кейин пайдо бўлган «Пиоли ёнмоқда» («Pioli is on fire») қўшиғи ҳақида қандай фикрдасиз?

- Бу ажойиб эди. «Пиоли ёнмоқда»нинг ўзига хос жиҳати шундаки, қўшиқ ўйинчилар томонидан яратилган ва шундан кейингина мухлислар буни қабул қилишган. Томошабинлар трибунадан туриб бу иборани ишлатишганда жамоадаги йигитлар жуда хурсанд бўлишди.

Хуршид ЮСУПОВ тайёрлади

Киритилди: 27.01.2025 10:10. Ўқилди: 705 марта. Фикрлар: 0 та.

«A» Серия

№ Жамоа Ў О
1 Наполи 22 53
2 Интер 21 50
3 Аталанта 21 43
4 Лацио 22 39
5 Ювентус 21 36
6 Фиорентина 21 36
7 Милан 21 34
8 Болонья 21 34
9 Рома 21 30
10 Торино 22 26
11 Удинезе 22 26
12 Женоа 22 26
13 Комо 22 22
14 Эмполи 22 21
15 Кальяри 22 21
16 Парма 22 20
17 Верона 22 20
18 Лечче 21 19
19 Венеция 22 16
20 Монца 22 13

ЕЧЛ

Европа лигаси

- Гуруҳи

№ Жамоа Ў О

Италия кубоги

Нимчорак финал
13.01.2021
00:45 Милан
0:0
Торино
19:00 Фиорентина
1:2
Интер
21:45 Наполи
3:2
Эмполи
14.01.2021
00:45 Ювентус
3:2
Женоа
21:30 Сассуоло
0:2
СПАЛ
15.01.2021
01:15 Аталанта
3:1
Кальяри
20.01.2021
01:15 Рома
2:4
Специя
22.01.2021
01:15 Лацио
2:1
Парма
Чорак финал
27.01.2021
00:45 Интер
2:1
Милан
21:45 Аталанта
3:2
Лацио
28.01.2021
00:45 Ювентус
4:0
СПАЛ
29.01.2021
01:00 Наполи
4:2
Специя
Ярим финал
03.02.2021
00:45 Интер
1:2
Ювентус
04.02.2021
00:45 Наполи
0:0
Аталанта
10.02.2021
00:45 Ювентус
0:0
Интер
11.02.2021
00:45 Аталанта
3:1
Наполи
Финал
19.05.2021
23:59 Аталанта
1:2
Ювентус

International Champions Cup

Италия суперкубоги

Финал
21.01.2021
01:00 Ювентус
2:0
Наполи

Сўнгги учрашув

30.01.2025. ЕЧЛ. 8-тур.
01:00
Динамо Загреб		 2-1
Милан

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.