Кириш Регистрация

STD.UZ/NASAF

Насаф

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Мақсуд Каримов: «Насаф - бу тақдирим»

Айтиш жоиз, айни дамда хоразмлик кўплаб иқтидорли футболчилар мамлакатимизнинг етакчи жамоалари сафида тўп суришаётир. Шубҳасиз, бир неча йиллардан буён «Насаф» шарафини муносиб ҳимоя қилиб келаётган Мақсуд Каримов бу рўйхатнинг юқори ўринларидан бирида туради. Зеро, муболаға эмас, у бугунги кунда қаршилик мухлисларнинг севимли футболчиларидан бирига айланган.

Мақсуд Каримов. 1985 йилнинг 2 март куни Хоразм вилояти Урганч шаҳрида туғилган. Оиладаги икки ўғил ва икки қизнинг тўнғичи. Турмуш ўртоғи - Шоира инглиз тили фани ўқитувчиси. Фарзандларининг каттаси Муродбек 5 ёшда, кенжаси Абдулазиз 3 ёшда. Олий маълумотли. Урганч давлат университетини бакалавр ва магистратура таълими бўйича тугатган

Амплуаси - марказий ҳимоячи. Бўйи - 180 см. Оғирлиги - 76 кг.

Биринчи мураббийи - Эркин Қадамов

Ютуқлари: ОФК кубоги соҳиби (2011 йил), Ўзбекистон чемпионати кумуш (2011) ва бронза медали (2009, 2010, 2013, 2014 йиллар) эгаси. Ўзбекис­тон кубоги финалчиси  (2011, 2012, 2013 йиллар). Олий лигада жами 212та  учрашув ўтказиб, рақиблар дарвозасини 13 маротаба ишғол қилган. Ўзбекистон терма жамоаси сафида 4 бора майдонга тушган

Мақсуд ёшлик чоғидан тенгқурлари қатори футболга меҳр қўйди. Аввалига маҳалласида, кейинчалик мактабда тенгдошлари билан тўп тепди. Йиллар ўтиб, шаҳар миқёсида уюштирилган мусобақаларнинг бирида мутахассислар назарига тушди. Ўшанда Мақсуд эндигина 12 ёшга тўлганди. Урганч шаҳридаги футбол йўналишидаги мактаб-интернат мураббийи Эркин Қадамов унинг олдига келиб, «Сенда футболчига хос қобилият бор экан. Агарда ҳоҳласанг, бизнинг мактаб-интернатимизда ўқишинг мумкин», - дейди. Болакай уйига қайтиб, бўлган воқеани ота-онасига гапириб беради. Дадаси Аллаберган ака футболни яхши тушунадиган, қолаверса, вақтида бир неча йил Урганчнинг «Спартак» жамоаси сафида вилоят биринчилигида тўп сурганди. Онаси Марзияжон опа ҳам ўғлининг истагига қарши чиқишни истамайди. Улар фарзандларининг етук футболчи бўлиб ўсишига ишонмаган бўлишсада, оқ фотиҳа беришади.

 

- Демак, сиз футболнинг асл сир-синоатларини мактаб-интернатига келиб ўргангансиз. Шундайми?

- Бу тўғри. Бошида футбол ўйинига шунчаки, ҳавас билан қараган эканман. Аслида унинг яширин қирралари жуда кўп. Гўёки, бутун бир олам. Дейлик, техника ва тактика нима эканлигини биринчи устозим Эркин Қадамов ўгитларидан тушуниб етганман.

- Илк бор қайси жамоада ўйнагансиз?

- «Хоразм»  дастлабки жамоам ҳисобланади. 2003 йили мазкур клуб таркибига қўшилганман. Олий лигадаги дебютимни ҳам унинг сафида нишонлагандим. Бу 2006 йилги мавсумга тўғри келган. Афсуски, ўша йили жамоамизнинг омади юришмаганди. Яъни биринчи лигага тушиб кетганди.

- Кейин сиз «Вобкент»га йўл олдингиз...

- Ҳа. Кези келганда таъкидлаш жоизки, ўша йили менга бир нечта жамоа­дан аниқ таклифлар тушганди. Вазиятдан келиб чиққан ҳолда, «Вобкент»ни танлаганман. Ҳали ёш бўлганлигим, тажрибамни ошириш, уни маромига етказиш учун ўртамиёна жамоада ўйнашни маъқул кўрганман. Шунингдек, олийгоҳнинг сўнгги босқичида ўқиётганим боис, давлат имтиҳонларига тайёрланишимда Вобкентнинг Урганчга яқинлиги қўл келганди.

- «Насаф» сафига қандай қўшилгансиз?

- Тасодифни қарангки, шу йили «Вобкент» ҳам кучлилар сафини тарк этди. Мавсум охирида жамоа бош мураббийи Геннадий Кочнев ўз олдига чақириб, мен билан «Насаф» қизиқаётганини айтди. Унинг тавсиясига биноан Қарши шаҳрига йўл олдим. Жамоа сафига қишки йиғин чоғи қўшилдим. Шу бўлди-ю, «Насаф»да қолдим. Бу тақдиримга битилган битик эди, гўё. Мана, 8 йилдирки, «Насаф»да ўйнаяпман. Зеро, юртимизнинг таниқли жамоаларидан бирида тўп сураётганимдан жуда хурсандман. Негаки, ушбу клубда элга танилдим, мухлислар орттирдим. Бундан қувонмай бўладими?

- Клубдаги шарт-шароитлар хусусида гапириб берсангиз...

- Ҳаммаси аъло даражада. Тан олиш жоиз, бу клубда ҳақиқий футбол ҳавоси ҳукм суради. Ҳамма ўз ишига профессионалларча ёндашади. Футболчиларга яратилган шарт-шароитлар ҳам киши ҳавасини келтиради. Қолаверса, юксак тажрибага эга мутахассислар фаолият юритишади. Бу ҳол жамоани юқори натижаларга эришишида омил вазифасини ўтаётир.

- Урганчга келганингизда, ўзингиз таҳсил олган билим масканига бориб турасизми?

- Профессионал футболчининг ҳар бир дақиқаси ҳисобли бўлар экан. Айниқса, мавсум мобайнида вақтнинг тиғизлиги шундоқ билинади. Шунга қарамай, ўтган йилги чемпионат ўйинлари поёнига етгач, мактаб-интернатда уюштирилган тадбирда қатнашишга муваффақ бўлдим. Собиқ тарбияланувчилардан бир гуруҳи билан билим даргоҳига ташриф буюриб, ёш чарм тўп усталари билан учрашдик. Ўшанда давра суҳбати ҳаёжонли дақиқаларни бахш этганди.

- Сиз Хоразм вилоятида туғилиб, вояга етдингиз. Футболнинг дастлабки сабоқларини ҳам буюк алломалар юртида олдингиз. Воҳа футболи келажагини қандай тасаввур қиласиз?

- Ҳозирги кунда бошқа жамоа таркибида тўп сураётган бўлсамда, «Хоразм» ўйинларини диққат билан кузатиб бораман. Ғалабасидан қувонсам, мағлубиятидан сиқиламан. Умуман олганда, жамоамизнинг биринчи лигада қатнашаётгани вақтинчалик ҳолат. Ишончим комил, яқин орада футболчиларимиз олий лига йўлланмасини қўлга киритиб, мазмундор ва мафтункор ўйинлари билан ўз мухлисларига олам-олам қувонч улашишади.

- Ушалмаётган орзунгиз борми?

- Бор: Ўзбекистон чемпиони бўлишни жуда-жуда истайман. Ўйлайманки, бу ниятим эртами-кеч рўёбга чиқади.

Муаллифдан: М. Каримов ҳақидаги статистик маълумотлар бўйи­ча яқиндан ёрдам берганлиги учун «Олмалиқ» клуби матбуот котиби Бахтиёр Шириновга миннатдорчилик билдираман.

 

Мақсуд Каримовнинг олий лигадаги статистикаси

Йил              Жамоа            Ўйин   Гол     

2006             «Хоразм» (Урганч)          30        2

2007             «Вобкент» (Вобкент)       28        3

2008             «Насаф» (Қарши)           12        -

2009             «Насаф» (Қарши)           17        2

2010             «Насаф» (Қарши)           23        -

2011             «Насаф» (Қарши)           21        1

2012             «Насаф» (Қарши)           22        -

2013             «Насаф» (Қарши)           25        2

2014             «Насаф» (Қарши)           23        1

2015 (1 давра)          «Насаф» (Қарши)           11        2

Жами:                                                   212     13

Икром Худойберганов суҳбатлашди.

Киритилди: 20.07.2015 08:44. Ўқилди: 4372 марта. Фикрлар: 2 та.

Суперлига

ОЧЛ

B - Гуруҳи

№ Жамоа Ў О
1 Насаф 6 11
2 Ас-Садд 6 8
3 Шаржа 6 8
4 Ал-Файсалий 6 6

Ёшлар лигаси

Ўзбекистон кубоги

B - Гуруҳи

№ Жамоа Ў О
1 Машъал 0 0
2 Насаф 0 0
3 Сурхон 0 0
4 Қўқон-1912 0 0

Ўзбекистон суперкубоги

№ Жамоа Ў О
1 Насаф 1 3
2 Пахтакор 1 0

Суперлига. II босқич

B - Гуруҳи

№ Жамоа Ў О
1 Насаф 20 34
2 Қизилқум 20 31
3 Қўқон-1912 20 28
4 ОКМК 20 27
5 Сўғдиёна 20 24
6 Нефтчи 20 18

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

D - Гуруҳи

№ Жамоа Ў О
1 Андижон 3 9
2 Насаф 3 6
3 Навбаҳор 3 3
4 Машъал 3 0

Сўнгги учрашув

30.03.2024. Суперлига. 4-тур.
19:00
Андижон		 1-1
Насаф

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.