Насаф

STD.UZ/NASAF

Насаф

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Суперлига. “Насаф” ва “Локомотив” дуранг ўйнади, ОКМКдан йирик ғалаба

Суперлига. “Насаф” ва “Локомотив” дуранг ўйнади, ОКМКдан йирик ғалаба

Футбол бўйича Ўзбекистон Суперлигасининг 13-туридан ўрин олган навбатдаги учта учрашув ўз якунига етди. Унда Олмалиқнинг “ОКМК” жамоаси сафарда “Қўқон-1912” жамоасига ҳеч қандай имконият қолдирмаган бўлса, “Локомотив” — “Андижон” ҳамда “Машъал” — “Насаф” қарама-қаршиликларида дуранг қайд этилди.

“Локомотив” — “Андижон”

Тошкентдаги “Локомотив” стадионида кечган учрашув голларга ва драматик бурилишларга бой бўлди. Биринчи бўлим танаффусига қараб кетаётган бир паллада мезбонлар ҳисобни очишга муваффақ бўлди. 43-дақиқада Абдуллоҳ Йўлдошев “темир йўлчилар”ни олдинга олиб чиқди — 1:0.

Иккинчи таймнинг 53-дақиқасида Сардор Мирзаев орадаги фарқни оширди. Бироқ меҳмонлар қисқа вақт ичида мувозанатни тиклашга эришди: 68-дақиқада Алехандре Андрокинашвили ҳамда 72-дақиқада Драган Черан тўп киритиб, ҳисобни 2:2 кўринишига келтирди. Учрашувнинг 79-дақиқасида Николай Иванов томонидан урилган гол “Локомотив”ни иккинчи марта ҳисобда олдинга олиб чиққан эди. Аммо ўйин якунланиши арафасида, яъни 89-дақиқада Ҳамидулло Каримов мувозанатни тиклаб, андижонликларни мағлубиятдан қутқариб қолди — 3:3.

Ўзбекистон Суперлигаси, 13-тур

“Локомотив” — “Андижон” 3:3
Голлар: 1:0 — Абдуллоҳ Йўлдошев (43), 2:0 — Сардор Мирзаев (53), 2:1 — Алехандре Андрокинашвили (68), 2:2 — Драган Черан (72), 3:2 — Николай Иванов (79), 3:3 — Ҳамидулло Каримов (89)

“Машъал” — “Насаф”

Турнинг яна бир учрашуви Қаршидаги “Марказий” стадионида бўлиб ўтди. Унда номинал мезбон “Машъал” “Насаф”га қарши майдонга тушди.

Ўйин муборакликларнинг тезкор голи билан бошланди. 18-дақиқада Страхиня Бошняк “Машъал”ни ҳисобда олдинга олиб чиқди. Биринчи бўлим якунланиши арафасида, яъни 39-дақиқада Сардорбек Баҳромов жавоб голини уриб, мувозанатни тиклади.

Иккинчи бўлимда ҳар икки жамоанинг уринишларига қарамай, дарвозаларга бошқа тўп киритилмади ва учрашув 1:1 ҳисобидаги дуранг билан якунланди.

Ўзбекистон Суперлигаси, 13-тур

“Машъал” — “Насаф” 1:1
Голлар: 1:0 — Страхиня Бошняк (18), 1:1 — Сардорбек Баҳромов (39)

“Қўқон-1912” — “ОКМК”

Турнинг энг сермаҳсул учрашувларидан бири Қўқондаги “Марказий” стадионида бўлиб ўтди. Унда “Қўқон-1912” жамоаси Олмалиқнинг “ОКМК” клубини қабул қилиб, йирик ҳисобда имкониятни бой берди.

Биринчи бўлимда ҳар икки жамоа эҳтиёткорона ҳаракат қилди ва танаффусга қадар дарвозалар ишғол қилинмади. Бироқ иккинчи таймда меҳмонлар кетма-кет голлар уриб, ўйин тақдирини ҳал қилди. Дастлаб 47 ва 59-дақиқаларда Асадбек Собиржонов дубль қайд этган бўлса, 55-дақиқада Нодирбек Абдураззоқов ҳам ўз номини таблога ёздириб қўйди — 0:3.

66-дақиқада Иброҳим Йўлдошев қўқонликларнинг ягона жавоб голига муаллифлик қилди. 74-дақиқада эса Сиаваш Ҳақназари олмалиқликларнинг тўртинчи голини уриб, учрашувга якуний нуқтани қўйди — 1:4. Шу тариқа “ОКМК” сафардан йирик ғалаба билан қайтди.

Ўзбекистон Суперлигаси, 13-тур

“Қўқон-1912” — “ОКМК” 1:4
Голлар: 0:1 — Асадбек Собиржонов (47), 0:2 — Нодирбек Абдураззоқов (55), 0:3 — Асадбек Собиржонов (59), 1:3 — Иброҳим Йўлдошев (66), 1:4 — Сиаваш Ҳақназарий (74)

Манба: daryo.uz

Киритилди: 22.07.2026 22:41. Ўқилди: 1151 марта.

← Клуб хабарлари

Суперлига

№ Жамоа Ў О
1 Нефтчи 25 58
2 Пахтакор 26 56
3 Навбаҳор 26 52
4 ОКМК 26 45
5 Насаф 26 42
6 Бухоро 26 42
7 Локомотив 26 40
8 Қизилқум 26 35
9 Динамо 26 34
10 Андижон 26 31
11 Сўғдиёна 26 30
12 Сурхон 26 30
13 Бунёдкор 25 26
14 Қўқон-1912 26 24
15 Хоразм 26 23
16 Машъал 26 4

Элит ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

Ўзбекистон суперкубоги

№ Жамоа Ў О
1 Нефтчи 1 3
2 Пахтакор 1 0

Суперлига. II босқич

B - Гуруҳи

№ Жамоа Ў О
1 Насаф 20 34
2 Қизилқум 20 31
3 Қўқон-1912 20 28
4 ОКМК 20 27
5 Сўғдиёна 20 24
6 Нефтчи 20 18

Про-лига

Лига кубоги

D - Гуруҳи

№ Жамоа Ў О
1 Андижон 3 9
2 Насаф 3 6
3 Навбаҳор 3 3
4 Машъал 3 0

ОЧЛ-2

A - Гуруҳи

№ Жамоа Ў О
1 Ал-Ваҳда 3 9
2 Кувайт СК 3 6
3 Насаф 3 1
4 Холидия 3 1

Сўнгги учрашув

31.10.2026. Суперлига. 26-тур.
17:00
Сурхон		 1-1
Насаф

Навбатдаги учрашув

08.11.2026. Суперлига.
16:00
Бухоро		 —
Насаф

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.
счётчик