Осиё чемпионлар лигаси ва ОФК кубогининг баҳорги қисми якунига етди. Чорак финал ўйинлари август ойида бўлиб ўтади. Ўтган ҳафтада ФИФА терма жамоаларнинг янги рейтингини эълон қилди. Шулар асосида ОФК техник жадвалига назар ташлаймиз.

2015 йил 8 апрель. Шу куни Тошкентнинг "Локомотив" жамоаси ОЧЛнинг 4-тури доирасида Қатарнинг "Ас-Садд" клубини қабул қилди. Ўша куни "Локомотив" стадионига ўйиндан 1 соат бориб, ўйин қайдномасига кўз югуртирганимда, Абрамов асосий таркибда ҳали ҳеч кимга таниш бўлмаган Икром Алибоев исмли футболчини киритгани эътиборимни тортганди. "Вадим Карленович таваккалчилгигига борибди-да", деган фикр ўтди шу заҳоти. Аммо бу оддий таваккалчилик эмас, ўзбек футболи учун янги кашфиёт ўйинчининг ўзига хос тақдимоти эди. Ёш футболчи Чемпионлар лигасида илк марта иштирок этаётганига қарамай, майдонда “йўқолиб” қолмади ва жамоасининг йирик ҳисобдаги ғалабасига (5:0) ҳисса қўшди.

Осиёда клублар ўртасидаги халқаро мавсум якунига етиб қолди. Ўтган ҳафтада Осиё чемпионлар лигасининг ғолиби номи аниқланди. ОФК коэффициентлар жадвали (ОФККЖ)да ўринга эга ФИФА рейтингининг ноябрь ойи жадвали эълон қилинган. Демак, ОФККЖнинг 2015 йилига якун ясаб қўйсак бўлади.

Осиё чемпонлар лигасининг гуруҳ босқичи якунига етди. Ушбу мавсумда тўртта клуб билан иштирок этган Ўзбекистон ўз тарихида энг паст натижа қайд этди. Бу клубларимизнинг плей-офф босқичига чиқа олмагани ва ОФК коэффициентлар жадвалида жуда паст рейтинг балли тўплагани билан боғлиқ.

Осиё чемпонлар лигасининг гуруҳ босқичида 4та Ўзбекистон жамоаси иштирок этишини билганимизда барчамиз қувонганимиз бор гап. Аммо клубларимиз гуруҳда бунчалар қийналишини тахмин қилмагандик, очиғи.

Ўзбекистон миллий терма жамоаси ФИФА кунларидан фойдаланиб, Осиёнинг иккита терма жамоасига қарши ўртоқлик учрашувларини ўтказди. Миржалол Қосимов шогирдлари Жанубий Корея билан дуранг (1:1) ўйнаган бўлса, Японияга йирик ҳисобда имкониятни бой бериб қўйди (1:5). Ҳар бир ўйин, айниқса, терма жамоалар иштирокидаги ўйинларнинг ўз мақсади бўлади. Ҳар бир ўйин жамоага қандайдир фойда келтириши керак. Акс ҳолда қилинган меҳнат ҳавога учади. Терма жамоамиз Корея ва Японияга қарши ўртоқлик ўйинларидан қандай манфаат олганини (ёки олмаганини) таҳлил қилиб кўрамиз.

Тошкентнинг “Локомотив” клубидай ғалати жамоа бўлмаса керак. “Темирйўлчилар”да пул билан боғлиқ ҳеч қандай муаммо йўқ. Улар исталган мураббийни, исталган футболчини ўз сафларига жалб қила оладилар. Имкониятдан келиб чиқиб, жамоа раҳбарияти клуб олдига ҳамиша энг юқори вазифаларни қўяди. Аммо “Локо” энг чўққига чиқа олмаяпти. Боз устига, 2015 йилги мавсум “Локомотив” учун кутилганидан суст бошланди. Бунинг сабабларини ўрганишга ҳаракат қиламиз.

Осиё чемпионлар лигаси ва ОФК кубогининг 2-тур ўйинлари бўлиб ўтди. Афсуски, Ўзбекистон клубларининг натижалари турдан-турга пасайиб бормоқда. Ушбу турда Қатар ва БАА клубларига қарши баҳс олиб борган жамоаларимиз ОФК коэффициентлар жадвали (ОФККЖ)даги вазиятларини яхшилаб олишини кутгандик, аммо 4та жамоамиз ичида фақат “Насаф” дуранг ўйнайди, холос. Қолганлари эса ютқазишди. Учинчи тур ўйинлари коэффициентлар жадвалига қай даражада таъсир қилганига назар ташлаймиз.

Осиё чемпионлар лигасида 2-тур ўйинлари бўлиб ўтди. Афсуски, Ўзбекистон клублари бу турда ғалаба қозона олишмади. Жамоаларимизнинг иккитаси дуранг ўйнаган бўлса, иккитаси ютқазди. Коэффициентлар жадвалига назар ташлашда давом этамиз.

Ўзбекистон футбол федерацияси президенти Мираброр Усмонов Терма жамоалар маркази раҳбарияти (Асқар Толибжонов, Рустам Акромов)нинг кейинги фаолиятини Ўзбекистон олимпия терма жамоасининг Рио-2016 йўлланмасини қўлга киритиш/киритмаслиги билан боғлаб қўйгани блогеримиз Қаҳрамов Аслановга ёқмади. Тасодифан киритиладиган гол ва бунинг ортидан қозониладиган ғалаба ёки мағлубият туфайли раҳбариятни истеъфога чиқариш ёки уларнинг фаолиятини давом эттириш тўғри эмас деб ҳисоблайди Асланов. Мен эса ҳамкасбимнинг фикрига қўшилмайман. Фикрларимни асослаб бераман.

Ўзбекистон клублари Осиё чемпионлар лигасини ёмон бошлашмади. Миллий чемпионатимизда ҳали мавсум бошланмаганини инобатга олсак, жамоаларимизнинг 1-турда қайд этган натижаларини бемалол ижобий баҳолашимиз мумкин. Буни ОФК коэффициентлар жадвали ҳам кўрсатиб турибди: ўзбек клублари Ғарб минтақаси давлатлари орасида энг юқори баллга эга бўлишди.

Кеча бўлиб ўтган Испания чемпионати доирасида "Гранада" ва "Барселона" жамоалари ўртасидаги ўйинда (1:3) ҳакамлик нуқтаи назаридан мураккаб вазият юзага келди. Месси томонидан рақиб дарвозасига урилган каталонияликларнинг учинчи голини таҳлил қилиб чиқамиз.

Сўнгги 2-3 йилда Ўзбекистон миллий жамоасининг ўртоқлик ўйинлари нисбатан кўпайиб қолди. Ҳар ҳолда, мамлакатимиз бош жамоаси ФИФА томонидан белгиланган 12-13та алоҳида сананинг камида 9-10тасида расмий ёки ўртоқлик ўйинларида майдонга тушмоқда. Бу ёқимли ҳолат, албатта. Бугун шу мавзуга чуқурроқ ёндашиб, терма жамоамизнинг йиллик режасига назар ташлашга қарор қилдик.

Ўзбекистон миллий терма жамоаси Осиё кубоги-2015даги иштирокини чорак финалда якунлади. Плей-оффда Жанубий Корея билан тенгма-тенг ўйнаб, фақат қўшимча бўлимларда ютқазганимизни ҳисобга олганда, жамоадан, мураббийлар штабидан кўп ҳам хафа бўлишга ҳаққимиз йўқдек. Лекин бундай фикрлаш мухлислар томонидан қараганда тўғри. Биз эса, келинг, натижаларни четга суриб қўямиз-да, мураббийлар штабининг ишига баҳо беришга ҳаракат қилиб кўрамиз.

Осиё чемпионлар лигаси мавсумига якунига етиб қолди. Финалнинг дастлабки ўйини бўлиб ўтди. 1 ноябрь куни жавоб учрашуви бўлиб ўтади. Хабарингиз бор, Сиднейда бўлиб ўтган илк баҳсда “Вестерн Сидней Вондерерс” минимал ҳисобда ғалаба қозонди. Жавоб ўйини “Ал-Ҳилол” майдонида бўлиб ўтади. ОФК коэффициентлар жадвалига (ОФККЖ) якуний хулоса ясасак ҳам бўлади.

Мазкур ҳафтада Осиё чемпионлар лигаси ва ОФК кубогида чорак финалнинг жавоб ўйинлари бўлиб ўтди ва ярим финалга чиққан жамоалар номи маълум бўлди. Ушбу мусобақада иштирок этаётган мамлакатлар вакиллари ОФК коэффициентлар жадвалида ўз ҳисобларига маълум рейтинг балларини қўшиб олишди.

Куни кеча ФИФА терма жамоаларнинг янги рейтингини эълон қилди. Ушбу рейтинг жадвали ОЧЛ квоталарини белгилашда аҳамиятга эга эканидан хабарингиз бор. Рейтингда терма жамоалар ҳисобидаги очколар ОФК коэффициентлар жадвалининг (ОФККЖ) “терма жамоалар” қисмида давлатларга маълум балларни этади. ФИФАнинг июль ойи рейтингидан келиб чиқиб, ОЧЛ коэффициентлар жадвалидаги ўзгаришларни кўриб чиқамиз.

Осиё чемпионлар лигасида нимчорак финал босқичининг дастлабки ўйинлари бўлиб ўтди. Шунингдек, бугун ФИФАнинг навбатдаги рейтинг жадвали эълон қилинди. Бу икки нарса ОФК коэффициентлар жадвалида айрим ўзгаришларни юзага келтирди.

Осиё чемпионлар лигаси ва ОФК кубогининг гуруҳ босқичига якун ясалди. ОФК коэффициентлар жадвали (ОФККЖ)да жиддий ўзгаришлари бўлди. Барчасига навбатма-навбат тўхталамиз.

15 ва 16 апрель кунлари ОЧЛда 5-тур ўйинлари бўлиб ўтди. Унда қайд этилган натижалари ОФК коэффициентлар жадвалига (ОФККЖ) айрим ўзгаришларни киритди. Шулар ҳақида тўхталиб ўтамиз.

11 апрель куни ФИФА терма жамоаларнинг янги рейтингини эълон қилди. Ушбу рейтинг ОФК коэффициентлар жадвалига бевосита таъсир қилишидан хабарингиз бор. Шу нуқтаи назарда ўзгаришларга нигоҳ ташлаймиз.

ОЧЛ ва ОФК кубоги мусобақаларининг 4-туридан кейин ОФК коэффициентлар жадвали қандай ҳолатга келганини кўриб чиқамиз.

ОЧЛ ва ОФК кубогининг 3-тур баҳсларидан кейин ОФКнинг коэффициентлар жадвалида кичик ўзгариш юзага келди.

ОФКнинг коэффициентлар жадвалига яна назар ташлаймиз. Ушбу ҳафтада ОЧЛ ва ОФК кубоги мусобақасининг 2-тур баҳслари бўлиб ўтди. Шунингдек, куни кеча ФИФА март ойидаги янги рейтинг жадвалини эълон қилди. Табиийки, коэффициентлар жадвалида ҳам ўзгаришлар юз берди. Демак, жадвалдаги ўзгаришларни иккига бўлган ҳолда — клублар ва терма жамоалар рейтинги сифатида алоҳида-алоҳида кўриб чиқамиз.

Ўзбекистон ва БАА миллий терма жамоалари Осиё кубоги-2015 йшлланмасини ҳал қилиб бўлишган бўлса-да, бугунги бўладиган ўйин ФИФА рейтинги нуқтаи назаридан катта аҳамиятга эга экани кўп гапирилмоқда. Бу нима дегани? ФИФА сайтида берилган очколарни ҳисоблаш имкониятидан фойдаланиб, вазиятни таҳлил қилиб кўрамиз. Ҳозирги пайтда Ўзбекистон 569 очко билан 58-ўринни эгаллаб турган бўлса, БАА биздан кейин ўринда қайд этилган — 565 очко (59-ўрин).

Бугун, 7 февраль куни Россиянинг Сочи шаҳрида навбатдаги қишки олимпиада ўйинлари бошланади. Шубҳасиз, мазкур йирик мусобақа қишки спорт ўйинларини севиб томоша қилувчи мухлислар учун катта байрамдир. Ўзбекистон мустақил делегация сифатида қишки олимпия ўйинларида 6 маротаба иштирок этади.

Ўзбек футболида биз (одатда мухлислар) ўз олдимизга ҳамиша энг юқори мақсадларни қўямиз, аммо ҳаракатларимиз (футбол мутасаддилари ҳаракатлари) ниятга мос тушавермайди. Бунга мисоллар келтириб, эски мавзуларни қўзғаш ниятим йўқ. Ҳозирги кунда “қайноқ” бўлиб турган бошқа вазиятга эътиборингизни қаратмоқчиман.

Ўзбекистон милилй терма жамоасининг ЖЧ-2014 саралаш босқичида муваффақиятсизлик учрашида Ўзбекистон футбол федерацияси ва терма жамоалари маркази томонидан йўл қўйилган хатоларни санашда давом этамиз (мақоланинг биринчи ва иккинчи қисмлари блогда эълон қилинган).

Ўзбекистон миллий терма жамоаси ЖЧ-2014 саралаш босқичида иштироки давомида йўл қўйилган жиддий хатоларни санашни бошлагандик. Бундай мақсад, федерация бошқарувига келган янги раҳбар улардан хулоса чикарсину, янги саралаш циклида бундай хатоларни такрорламасин.

Мираброр Усмонов Ўзбекистон футбол федерацияси президенти лавозимига қайта сайланди. Янги раҳбар сайланишини кутаётган мухлислар эса “шок”ка тушишди ва ўз эҳтиросларини сайт орқали чиқара бошлашди.

Футбол мавсуми якунланиб бормоқда. Ўзбек футболи учун навбатдаги йил якунланиши билан бирга, навбатдаги 4 йиллик цикл ҳам тугади. ЖЧ йўлланмаси учун уринишимиз ҳам яна муваффақиятсиз якунланди.

Ўзбекистон ўсмирлар терма жамоаси жуда кўпчиликни қанчалик ҳайрон қолдириб гуруҳда 7 очко жамғарган бўлса, нимчорак финалда Гондурасга мағлуб бўлиб, яна шунчалик мухлису мутахассисларни ажаблантирди. Кечаги ўйинни кузата туриб, Дилшод Нуралиевнинг айтган баъзи гаплари ёдимга тушиб кетди.

ёхуд Туркия билан ўйин бекор қилинадими?
Ўзбекистон миллий терма жамоаси Осиё қитъаси терма жамоалари ичида (жаҳонда ҳам) энг "ишкалчи" жамоалардан бири десак адашмасак керак. Боиси, ҳар сафар қандайдир форс-мажор, кўз кўриб, қулоқ эшитмаган ҳодисаларга тўқнаш келиб юради. Қайсидир маънода, мен Ўзбекистонни чумолига ўхшатаман.

4 июнь куни Ўзбекистон терма жамоаси саралаш баҳсларида майдонга тушмайди. Бешта жамоа иштирок этаётган гуруҳда дам олиш навбати шу куни терма жамоамиз томонида бўлади. Биз ўйнамасак ҳам, натижа нуқтаи назаридан биз учун жуда катта катта аҳамиятга эга бўлган ўйин бор: ҚАТАР – ЭРОН.

Жанубий Корея айёрона йўл тутишга қарор қилган кўринади. Мен буни куни кеча сезиб қолдим. Кореяликлар ЖЧ-2014 саралашининг Эронга қарши сўнгги тур баҳсини Ульсан шаҳрида ўтказадиган бўлишди.

Бугун ФИФА 2014 йили Бразилияда бўлиб ўтадиган ЖЧнинг Осиё минтақаси саралаш босқичига доир хат йўллади ва ўз навбатида конфедерациямиз ушбу хатни ЖЧ-2014 саралашининг сўнгги босқичида иштирок этаётган 10та ассоциацияга тарқатди. Унга кўра, ФИФА ЖЧ-2014 саралаш босқичининг 18 июнь куни бўлиб ўтадиган сўнгги тур ўйини бир вақтда бошланиши шарт ЭМАСлиги ҳақида хабар берган.

Барчага ғалаба муборак бўлсин! Мухлисларимиз янги стадионда эришилган илк ғалабадан сармаст бўлаётганида мен йўл-йўлакай, уйгача ЖЧга чиқиш имкониятларимизни чамалаб келдим.

2000 йилда туғилган Темур Алимхўжаев бошчилигидаги Ўзбекистон ўсмирлар (U14) терма жамоаси Осиё чемпионатида иштирок этишдан бош тортди. Очиғини айтсам, бу хабарга кўзим тушган заҳоти Федерациянинг бу қарори менга ёқмади.

Кеча, 17 январь куни ФИФА терма жамоаларнинг 2013 йилдаги илк рейтингини эълон қилди. Терма жамоамиз декабрь ойида бирорта ҳам ўйин ўтказмаган бўлса-да, янги рейтингдаги очколари сони 42тага ошди ва жадвалда 11 поғона кўтарилишга муваффақ бўлди. Мухлисларда савол туғилди: ниманинг ҳисобига кўтарилдик?

Ўзбекистон миллий терма жамоаси камида 26 мартга қадар гуруҳ пешқадами бўлиб туради. Унгача биздан пешқадамликни ҳеч ким олиб қўймайди. Терма жамоамиз ЖЧ саралашининг сўнгги босқичида ҳали бунчалик ишонч билан ҳаракат қилмагани учунми, барчамиз шошиб қолдик, барчамиз хурсандчиликдан кўз ёш тўкдик, ҳамон кўзларимизга ишонмаяпмиз.

Спортнинг теннис турига хос бўлган ушбу иборани кўпчилигимиз яхши тушунамиз. Шундай бўлса-да, бу иборага қисқача изоҳ бериб ўтсам. Шунда мақолани янада яхшироқ тушунишингиз осон бўлади. Яширин сетбол учун ўйин давомида махсус бир ҳолат юзага келиши керак.