Киритилган сана: 2014-04-04 15:13

Хабарингиз бор, Бразилияда ўтадиган ЖЧ мусобақасига ҳам кам вақт қолди. Бугун сизларга амалдаги Жаҳон ва Европа чемпионлари таркибидан кимлар Бразилияга бориши мумкин деган саволни муҳокама қилиб чиқамиз. 

Аниқ бориши кутилаётган футболчилар

Икер Касильяс, Серхио Рамос, Жерар Пике, Жорди Альба, Альваро Арбелоа, Хави, Андрес Иньеста, Серджи Бускетс, Хаби Алонсо, Сеск Фабрегас, Хесус Навас, Хуан Мата, Педро, Альваро Негредо, Диего Коста.

"Қизил фурия" қўмондони Висенте Дель Боске Бразилияда ўтадиган навбатдаги ЖЧга асосан Барселона ва Реал футболчиларини олиши турган гап. Чунки, тўп билан майдон марказида ажойиб ҳаракат қиладиган Барса ва қарши ҳужумда рақибни доғда қолдирадиган футболчилар айнан шу икки клубда жам бўлганини яҳши биласиз. 

Испанлар бу йилги ЖЧда яқол фоварит эмасликларини ўтган йили бўлиб ўтган Конфедерациялар Кубогида кўрсатиб қўйишди. Дель Боске, албатта ЖЧга бирдан янги авлодни олиб бормайди. У эскираётган кеманинг баъзи бир жойларини таъмирдан чиқариб, улкан океанга чиқади.  

Испанларнинг ожиз томонлари

Дастлаб ҳимоячилардан бошласак, ўнг қанотда тўп сураётган Альваро Арбелоа ўтган Европа чемпионатидаёқ жамоанинг энг оғриқли нуқталаридан бири эканлигини кўрсатиб қўйган эди. Арбелоани ўрнини боса оладиган Хуанфран, Карвахал, Монтойя, Карлос Мартинес ва Аспиликуэтакаби  бир қатор футболчилар бор. Юқорида номлари кўрсатилган ҳар қайси футболчи Испанларни кучайтира олади. Универсал футболчилардан бири бўлган Кокени ҳам эсдан чиқармаслик керак. 

Марказий ҳимоя

Шубҳасиз марказда Серхио Рамос  Пике жуфтлиги ўрин олиши аниқ, заҳира футболчиси борасида бироз савол туғилиши мумкин, Дель Боске Бартра, Иньиго Мартинес ва Рауль Альбиольлардан бирини танлаши керак бўлади. Тахминимча, ЖЧга Рауль Альбиоль боради. Чунки қариянинг 16 йиллик тажриба жамоага катта ёрдам бериши мумкин. 

Дарвозабон

Шубҳасиз, дарвозабонлар борасида Испания термасида муаммолар йўқ дея оламиз. Касильясни ЖЧга бориши аниқ. Клубдаги рақобатга қарамай, мураббий жамоа сардорининг тажрибасига ишонади. Иккинчи ва учинчи дарвозабонлар борасида эса Деь Боскеда бироз иккиланишлар бўлиши аниқ. Валдеснинг "Эспаньол" қарши ўйинда кутилмаганда жароҳат олиши туфайли ЖЧ ни ўтказиб юбориши аниқ бўлди. Хўш, кимлар қолди? Давид Де Ҳеа, Диего Лопес ва Пепе Рейна. Ушбу дарвозабонлардан аниқ биттаси қолиб кетади. Де Хеа "МЮ"таркибида мана 3 йилдикрки ажойиб ўйинлар намоиш этмоқда. Керакли вазиятларда эса жамоасининг жонига оро кирмоқда. Гарчи "МЮ" чемпионлик пойгасидан чиқиб кетган бўлса ҳам. Лопес эса "Реал"да ўзининг ажойиб ҳаракатлари билан жамоанинг етакчисини заҳира ўриндиғига миҳлаб қўйди. Рейнанинг тажрибаси борасида эса Италия футболига бефарқ бўлмаган муҳлислар яхшигина ҳабардорлар. Ушбу уччала дарвозабондан ким жамоада қолишини эса мураббий ҳал қилади. 

Яримҳимоя қўрғони

Испания термасининг яримҳимояси шубҳасиз дунёда тенгсиз дея оламиз. Зеро, Микель Артета, Бруно Сориано, Андер Эррера ва Андер Итурраспелар ҳатто 11 кишилик яримҳимоячилардан ташкил топган Испания термасидан ўрин ола олишмайди.   

Хави, Андрес Иньеста, Серхио Бускетс, Хаби Алонсо, Сеск Фабрегас, Хесус Навас, Хуан Мата, Педро, Давид Силва, Иско каби номларнинг ўзиёқ Испания термасининг нақадар қудратга эга эканлигини кўрсатиб беради. 

Икки қанотлардан ҳужумлар қилиш вазифаси эса Педро ва Хесус Навасларга топширилади. Уларнинг ўрнини Мата ва Касорла ҳам босиши мумкин. 

Иско еҳуд Мата ?

Карло Анчелотти тактикаси қурбони бўлган Иско ва "МЮ" да порлаши кутилган, аммо порламай қолган Мата борасида ҳам Дель Боске ҳалли яҳшилаб ўйлаб олиши керак. Қарияга қолганда, ҳеч икиланмасдан иккаласини ҳам Бразилияга олиб борган бўларди. Иккаласидан бири ЖЧ га бормалиги аниқ. 

Марказий ҳужум чизиғи

Испанларнинг ҳозирда марказий ҳужум чизиғи анчагина кучли, тўғри, ўтган Европа ва ЖЧ чемионатлари сингари бўлмасада, умуман олганда у қадар ёмон эмас. Номзодларни кўриб чиқсак, Льоренте бу чизиққа у қадар тўғри келмайди. Умуман Льоренте Испания термаси савиясига жавоб бера олмайди, ҳозирги ўйинлари билан албатта. Торрес бу  ўзгача футболчи. У истаса, Бразилияда ўтадиган ЖЧ қаҳрамони бўла олади.  Давид Вилья жароҳатидан сўнг у қадар сермаҳсул ўйин намоиш этаётгани йўқ. Негредо ва Сольдадолар эса ўз клубларида яхши ўйнай олишлари эҳтимол мумкиндир, аммо иккаласи ҳам МТЖда ишончни оқлай олмайди. Диего Коста ҳозирда анчагина яхши формада. Балким, у испанларнинг ҳужум чизиғини ўз қўлига олар. Буни энди вақт кўрсатади. Фабрегасни ҳам унутмаслик керак. Зеро, у ҳам ҳужумда исталган рақибга муаммо туғдира оладиган кучга эга. 

Тўлиқ таркиб 

Дарвозабонлар: Икер Касильяс («Реал Мадрид»),Пепе Рейна («Наполи»), Диего Лопес («Реал Мадрид») -  Дэвид Де Хеа(«МЮ») ?  

Ҳимоячилар: Серхио Рамос, Альваро Арбелоа (иккаласи ҳам – «Реал Мадрид»), Жерар Пике, Хорди Альба (иккаласи ҳам – «Барселона»), Хуанфран («Атлетико»), Рауль Альбиоль («Наполи»).

Яримҳимочилар: Серхио Бускетс, Хави, Андрес Иньеста, Сеск Фабрегас (бари – «Барселона»), Хаби Алонсо, Иско (иккаласи ҳам «Реал Мадрид»), Коке («Атлетико»), Хесус Навас, Давид Сильва («Манчестер Сити»), Хуан Мата  «Манчестер Юнайтед»), Санти Касорла («Арсенал»).

Ҳужумчилар: Диего Коста, Давид Вилья (иккаласи ҳам – «Атлетико»), Альваро Негредо («Манчестер Сити»), Педро («Барселона»), Торрес («Челси»).

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: