Киритилган сана: 2017-05-29 18:07

Луис Энрике бошчилигида “Барселона” Испания кубогини қўлга киритганидан кейин клуб президенти Хосеп Мария Бартомеоу интервью бериб, жамоага ёзда ғайратли футболчилар келишини айтиб ўтди. Хўш, бу ғайратли футболчилар ким бўлиши мумкин? Қуйида шу ҳақда мулоҳаза юритамиз.

ЭКТОР БЕЛЬЕРИН

Албатта, мазкур футболчига “Барселона” анчадан бери қизиқиш билдириб келмоқда. Ўз навбатида “Арсенал” ҳам Бельеринни тишининг ковагида асраб келмоқда. Боиси, бу футболчи ҳимояда ишончли ўйин кўрсатиш билан бир қаторда ҳужумга ҳам тезкорлик билан ўта олади. Буни “Челси”га қарши кечган Англия кубоги финалида ҳам кўрдик — Бельерин дам ҳимояда, дам ҳужумда ўйнади, жуда кескин, шиддатли ҳаракат қилди. “Барселона” ана шундай ҳимоячига муҳтож. Бельерин Дани Алвеснинг ўрнини босиши мумкин, ана шунда ҳимоя мукаммал ҳолатга келади.

ФЕЛИПЕ КОУТИНЬЮ

Айни дамда жамоада авлодлар алмашинувининг бир қисми содир бўлиши кутилмоқда. Яъни бир қатор футболчилар тарк этиб, ўрнини ёшлар эгаллаши керак. Андрес Иньеста ана шундай жамоадаги сафари қариётган футболчилар сирасига киради. Унинг ўрнини эса “Ливерпул”да ўз ўрнига эга бўлиб олган Коутинью боса олади. Бу футболчи исталган қанотда ўйнаши мумкин, демак, “Барселона” раҳбарияти Клопп ва “Ливерпул”нинг оғзини мойлаб, Коутиньюни қўлга киритиши ва уни Иньестанинг ўринбосарига айлантириши айни муддао бўларди.

МАРКО ВЕРРАТТИ

Верратти ҳам “Барселона”нинг жонига ора кирадиган футболчилар сирасига киради. Боиси, жамоанинг ярим ҳимоя чизиғи кучайтирилиши керак, ҳар ҳолда ҳужум ва ҳимоя нисбатан бироз оқсаш кузатилмоқда. Гарчи ўтган мавсумда бу чизиқда кўплаб футболчилар харид қилинган бўлса-да, аксарияти ишончни оқлай олмади. Арда Туран аллақачон захирага михланган, бошқа футболчилар ҳам деярли тузук-қуруқ ўйнаётгани йўқ.

МЕСЎТ ЎЗИЛ

Давоми

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: