Мемфис Депай: «Бу мавсум - бизники бўлади». «Лион» ҳужумчиси мазкур мавсум Фарангистонда «ПСЖ»нинг якка ҳукмронлигига жамоаси билан бирга чек қўйиши ҳақида гапирганди. Афтидан, голландиялик футболчининг сўзларида жон бор. Гарчи, ўтган мавсум жамоа ўйинида энг муҳим фигуралар бўлган Набиль Фекир ва Тангуй Ндомбеле «Лион»нит арк этган бўлсада, клуб ўйинида ҳеч қандай пасайиш кўзга ташланмаяпти. Аксинча, «Лион» янада ваҳшийлашган. Жамоа 1-турда Леонардо Жардим бошчилигидаги «Монако»га ҳеч қандай имкон қолдирмаганди. Энди эса «Анже»ни янчиб ташлади. Мазкур баҳсда жамоа етакчилари Депай ва Мусса Дембеле дубл қайд этишгани эътиборга лойиқдир. Шу тариқа, «Лион» йирик 6:0 ҳисоби билан ғалаба қозониб, жадвалнинг энг юқорисида ўз номини қайд этиб қўйди.

3 та қизил карточка кўрсатилган баҳсда Патрик Вийера бошчилигидаги «Ницца» ғалаба қозонди. Мусобақа карвонбошиларидан яна бири «Ницца» бўлиб турибди. «Ним» майдонида меҳмон бўлган жамоа жудаям асабий тарзда ўтган учрашувда ғалаба қозонишни уддалади. Гап шундаки, 2:1 ҳисобида ғалаба қозонаётган клуб характер кўрсатишни уддалади ва ғалабани ушлаб қола олди. Учрашувга ҳакам томонидан қўшиб берилган 7-дақиқада «Ним» жамоасининг 2 нафар аъзоси Пабло Мартинез ва Энтони Брианконлар ҳам майдондан четлатилди ва балки, ушбу учрашув мавсумдаги энг кўп карточҳка кўрсатилган баҳс сифатида тарихга киради. Зеро, учрашув бош ҳаками шу куни 14 та маротаба чўнтагидан турли рангдаги карточкаларни чиқаришга мажбур бўлди.