-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Абдумажид Қодиров Ўзбекистон футболи жаҳонда!
"Ўғлим, биз албатта Мундиалга борамиз"
Баҳо: +1Киритилган сана: 2013-03-27 13:28
Мана, биз соғиниб кутган ўзимизнинг футбол баҳор билан ҳамнафас юртимизга кириб келди.
Кеча Тошкентда замонавий "Бунёдкор" стадионида ЖЧ-2014 саралаш босқичининг 7-турида Ливан термасига қарши майдонга тушдик. Миллий термамиз кичик 1:0 ҳисобида ғалаба қозонди. Биз ҳали ўз ўйимизда ЖЧ-2014 саралашининг сўнгги босқичида биронтаям ғалабага эришмаган эдик, бу ғалаба биринчиси бўлди ва давом этишини тилаб қоламан. Футболчиларимиз ўз мухлислари кўз ўнгида ижобий натижага эришиши осон кечмади, кучли ҳаяжон билан бирга кучли босим остида ўйнади, лекин футболда шундай бир ибора борки, чиройли ўйинни четга суриб фақат натижа учун ўйналадиган пайтлар ҳам учраб туради. Муҳими ана шу натижа кеча қўлга киритилди.
Маълумки, футбол ҳаёти тўрт йиллик давр билан белгиланиб, ҳар тўрт йилда Жаҳон чемпионати ўтказилиб борилади. Барчангиз яхши биласиз, футболда натижага эришиш осон иш эмас. Бу жамоавий ўйин. Лекин бу сафарги Жаҳон чемпионатига жудаям яқин турибмиз, ҳаммаси ўзимизнинг қўлимизда. Фақат миллий терма жамоамизнинг мураббийлар штабининг тузган тактикаси кейинги икки турда ижобий иш берса кифоя. Биз албатта Мундиалга борамиз.
Ҳа, дарҳақиқат. Бу сўзни раҳматли отам 2005 йилги Жаҳон чемпионати плей-офф босқичида Баҳрайн билан ютқазмасдан туриб, юришимизни тўхтатгандан сўнг менга айтган эди. Шу пайтда мен кўзимга ёш олиб, эҳ, аттанг, яна тўрт йил кутамизми, наҳотки биз ҳар доим мундиал остонасидан орқага қайтиб кетаверамиз экан деб йиғлаганим рост гап.
Отам ўшанда менинг кўнглимни олиб шундай деган эди: "Ўғлим, кўп ҳам хафа бўлаверма, худо хохласа, биз албатта Мундиалга борамиз".
Мен ҳам ўз Ватаним терма жамоасини мундиалда кўришни орзу қилар эдим, бироқ яна тўрт йил орқага сурилгани жуда алам қилган эди ўша вақтда.
Ҳар сафар сўнгги тургача Мундиалга чиқиш учун бизда яхши имконият бўлар эдию, аммо ўз мақсадимиз эриша олмасдик. Лекин, бу сафар миллий терма жамоамизга плей-офф босқичидан кўра гуруҳдан тўғридан-тўғри жаҳон чемпионатига чиқиш имкониятимиз кундек равшан бўлиб кўринмоқда. Қанийди шундай бўлса, биз мухлислар ҳам ўз орзуимизга етиб, ҳар бир ўзбек хонадонида байрам бўлаверса, бу менинг тилагим.
Агарда омадимиз кулиб боқиб, жаҳон чемпионатига йўлланмани қўлга киритадиган бўлсак, минг афсуслар бўлсинким, мундиални отамсиз томоша қилишга мужбурман. Нима ҳам дердик, бу тақдир экан, агарда раҳматли отам ҳаёт бўлганида кеча мен билан миллий терма жамоамизнинг қийин, лекин ўта муҳим ғалабасини ўйимизда бирга нишонлаётган бўлармидик, афсус... Аммо ўзим ота бўлиб, ўғлим билан томоша қилдим ва ўғлимга қараб "Ўғлим, бу сафар биз албатта Мундиалга борамиз" дедим хурсандчилигимни яширмай.
Замонавий футболда омад ҳам катта роль ўйнайди. Бунга бир қанча мисоллар келтириш мумкин. Шу омад деганиям биз томонда бўлиб, агар жаҳон чемпионатига йўл олсак, футболчиларимиз ҳам Ватанимизнинг байроғини янада баландга кўтариб, Ўзбекистон фарзандлари ҳеч кимдан кам эмас эканлигини, ҳеч кимдан кам бўлмаслигини жаҳон чемпионатларида яхши ўйини орқали мухлислар олқишига сазовор бўлади деган умиддаман.
Мен ҳам шу азиз серқуёш ўлкам – Ўзбекистон фарзанди бўлганим учун миллий терма жамоамизнинг Жаҳон чемпионатида иштирок этишини чин дилимдан хоҳлайман.
Биз албатта Мундиалга борамиз!
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
ALBARS 2013-03-31 08:38:08 +2Очколар йиғилар,осон очко йўқ.. Кўнгил тубин гапни энди ёрамиз: Лек ишонч бор,кўнгиллар ҳам тўқ, "Ўғлим мундиалга бизлар борамиз!". Беруний бобомиз излаб топган жой, Амриқола энди яқин орамиз, Кофе эмас,борсакда ичамизлар чой, "Ўғлим мундиалга бизлар борамиз!"... TOLIKBARSA 2013-03-30 19:25:07 +2Маколанггиз тасирли чикибди. Яна шунака маколалардан кутиб коламан. Тез тез ку'риниб туринг. Чарчаманг братан. XOJELIMU 2013-03-30 14:11:31 +2Шу маколани укиб рости кузимга еш келди.хам фахр,хам ватан шаъни.бундай хисни биз узимизда хали туймагандик.КОРАКАЛПОК азаматининг бундай ишлари тахсинга лойик. XOJELIMU 2013-03-30 14:03:39 +2Койилман Абдимажит ака.очиги футболга кизикишимга шу киши сабабчи булган.мактабдалик пайтимизда илк голимни урганимда шу киши мени кучоклаб мактабимиз Раули деганди.(уша пайтлар хамма унга хавас килардида) у киши FC Rеаlчи эмас лекин хаетда реалист инсон.мен шунинг учунхам у инсонни хурмат киламан.кимдир ешлигида Пеле еки Марадонага Роналдога Карлосга Зиданга хавас килиб улгайгандир.лек мен Абдимажит акага хавас килиб туп тепганман.РАХМАТ АБДИМАЖИТ АКА!!! Ишларингизда омад.каламингиз синмасин. BOYJIGIT 2013-03-30 13:47:17 +2Qoyil gap yo etlarim jimrab 6qidim sizga öhwagan aptimist muhlisla köpaysn TURBARS 2013-03-28 01:24:28 +2Мақола жуда таъсирли чиқибди.Юртбошимиз «Ўзбекистоннинг келажаги буюк бўлади» деб хитоб қилганларида кексаларимиз «илоҳим шундай бўлсин ва уни кўриш ёш, келажак авлодга насиб этсин», деб дуо фотиҳа қилганлар.Абдумажид ака худо хохласа раҳматли падари бузуркворингизнинг ва миллионлаб ўзбек футболи ихлосмандларининг орзулари ушалишига оз фурсат қолди. Футболимиз ўз тарихи ва анъаналарига эга, шундай экан биз албатта Жаҳон Чемпионатига чиқишга ҳақлимиз, барчаси ўз қўлимизда.