-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Эскирмайдиган савол: Роналду зўрми ёки Месси?
Баҳо: 0Бўлим: ЖАҲОН ФУТБОЛИ » Машҳурлар » Иқтибослар
Рукн: Таҳлил ва Мақолалар
Миллионлар ўйини бўлмиш футбол ҳақида эшитган, билган ва ўйнаган исталган одамни эскирмайдиган бир савол қизиқтириб келади: Криштиану Роналду зўрми ёки Лионель Месси? Бунда ҳар иккала футболчининг персонал мухлислари маълум ўйинчининг фойдасига танлов қилса, мутахассис ҳамда экспертлар уларни бир-бири билан таққосламаслик зарурлигини таъкидлайди. Шундан келиб чиқиб, қуйида нима учун Месси ва Роналдуни таққосламаслик кераклиги сабабларига тўхталиб ўтилади.
Месси ва Роналду майдонда турли позицияларда ўйнайди
Агар ўйинчилар холисона таққослаганда ҳам, уларнинг турли позицияларда ўйнаши бунга имкон бермайди. Месси майдонда эркин ижодкор бўлиб, маълум бир вазифа билан чекланмайди, у қанотда ҳам ҳужум ортида ҳам бирдек фойдали ўйнаши мумкин. Роналду эса вазиятларни якунлайдиган ҳақиқий ваҳший. Айнан голли вазиятларни якунлаш бўйича Роналду сўнгги йилларда дунёнинг энг яхшиларидан бирига айланди. Роналду ва Месси ўртасидаги таққослашни қабул қилиш учун ҳеч бўлмаганда португалиялик «Манчестер Юнайтед»даги дастлабки йилларида бўлгани каби қанотда ўйнаши керак эди.
Роналду ва Мессининг майдондаги вазифалари турлича
Турли хил позицияларда ўйнаш табиийки, Роналду ва Мессининг майдондаги вазифаларини ҳам белгилаб беради. Мураббийлар улардан турли мақсадлар йўлида фойдаланади, Андреа Пирло португалияликни юқорида таъкидланганидек, вазиятларни якунлашда фойдаланади. Мессидан эса ажойиб узатмалар, зарбалар бериш ва ўйинни назорат қилиш талаб қилинади. Бу борада Мессининг ўзи шундай деганди: «Роналду — якунловчи, мен эса ўйинни қуриш билан шуғулланаман!»
Месси ва Роналдуни таққослаш ҳеч қайси томоннинг ғалабаси билан якунланмайди
Одатда таққослашлар энг яхшисини аниқлаш учун ўтказилади. Шу мантиққа асосланиб айтилса, у ёки бу қарама-қаршиликда кимдир (ёки нимадир) ғалаба қозониши керак. Бироқ Месси ва Роналдунинг ҳолатида бу имконсиз иш, чунки бутун дунёдаги одамларнинг икки афсонадан бирининг фойдасига танлов қилиши эҳтимолдан анча йироқ.
Мухлислар ўртасидаги қарама-қаршиликлар футболга зарар келтиради
Қанчалик ғалати эшитилмасин, Месси ва Роналду ўртасидаги сунъий равишда келиб чиққан рақобат дунё футболига зарар келтиради: ҳар куни миллионлаб инсонлар шу икки футболчидан бирининг яхшироқ эканини исботлаш учун бир-бирлари билан баҳслашади, тортишади, ҳатто ҳақорат қилишгача ҳам боради. Эҳтимол, дунёда бирон бир таққослаш бу даражага етиб бормаган бўлса керак. Лекин ҳар соҳада бўлгани каби футболда ҳам инсонийлик биринчи ўринда туриши керак. Шундай экан, Месси ва Роналдуни таққослашни тўхтатиш вақти етди.
Футбол камситиш ва ҳақорат эмас, балки завқ улашиши керак
Футбол биринчи навбатда ҳиссиётлардан иборатдир, айнан шунинг учун ҳам кўпчилик ушбу спорт тури билан шуғулланади, ўйнайди, томоша қилади. Ва айнан шунинг учун тунлар бедор ўтказилади, ғалабалар ва «камбэк»лар олам-олам қувонч бағишласа, мағлубиятлардан кўзлар ёшларга тўлади. Месси ва Роналду ҳолатида ҳам шундай бўлиши керак, аслида. Ҳар ҳафта Мессининг жарима зарбалари ёки Роналдунинг икки метр баландликдан урган голлари, дриблинглар, паслар, янги рекордларни кўриш қандай ёқимли. Шундай экан, ким зўр экани ҳақида баҳслашиш ёки жанжаллашгандан кўра шунчаки уларнинг ўйинидан завқ олиш лозим. Боиси бу даражадаги футболчиларнинг яна етишиб чиқиши эҳтимоли кам.
Манба: Daryo.uz.Киритилган сана: 15.01.2021 10:05.
Ўқилди: 8855 марта.
Билдирилган фикрлар: 1 та.
Турнир жадвали
№ | Жамоа | Ў | О |
---|---|---|---|
1 | Нефтчи | 3 | 9 |
2 | Андижон | 3 | 7 |
3 | Локомотив | 3 | 7 |
4 | Насаф | 3 | 7 |
5 | Қизилқум | 3 | 6 |
6 | Навбаҳор | 3 | 5 |
7 | ОКМК | 3 | 5 |
8 | Пахтакор | 3 | 4 |
9 | Динамо | 4 | 3 |
10 | Сўғдиёна | 3 | 2 |
11 | Металлург | 4 | 2 |
12 | Олимпик | 3 | 1 |
13 | Бунёдкор | 3 | 1 |
14 | Сурхон | 3 | 0 |
Ўтган ўйинлар
4-тур | Динамо | 2-1 | Металлург |
Навбатдаги ўйинлар
4-тур | ОКМК | - | Бунёдкор |
4-тур | Қизилқум | - | Локомотив |
4-тур | Андижон | - | Насаф |
4-тур | Пахтакор | - | Сўғдиёна |
4-тур | Навбаҳор | - | Сурхон |
4-тур | Олимпик | - | Нефтчи |