Бугун бўлиб ўтган Ўзбекистон ва Фаластин терма жамоалари ўртасидаги назорат учрашувини стадионда томоша қилган Алишер Никимбаев ўз фикрлари билан ўртоқлашди.
"Умуман олганда, Ўзбекистон ғалаба учун ўйнади. Жамоамиз ўйиннинг аксарият қисмида устунликка эришди. Сречко Катанец бирданига бир неча ўйинчиларни алмаштиргач, Фаластин маълум вақт устунлик қилди. Бу вақтда футболчилар ўзаро боғламларни йўлга қўйишга улгурмагани учун шундай бўлди. Бу вақт оралиғида фаластинликлар икки вазият яратди. Уларда бирида тўп дастлаб тўсинга тегиб, сўнгра дарвоза чизиғи устига тушди.
Ўйин сўнгида гол урдик ва пенальтидан фойдалана олмадик. Булардан ташқари Ўзбекистон терма жамоасида яна бир вазият бўлди.
Катанецнинг таъбини хира қилган ягона нарса — ўйинчиларимиздан бири жароҳат олгани бўлди. Кўп эҳтимол билан у Осиё кубогининг дастлабки учрашувини ўтказиб юборади. Умуман олганда, унинг турнирда иштирок этиши сўроқ остида қолди. Мен унинг исмини атайлаб ёзмаяпман. Бу ҳуқуқни терма жамоа матбуот хизматига қолдираман", — дея ёзди "Футболиум" телеграм канали.
