Кириш Регистрация

STD.UZ/PAXTAKOR

Пахтакор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

“Бухоро” футбол клуби ҳамда Шавкат Саломов жаримага тортилди

Суперлиганинг 5-туридан ўрин олган “Бухоро” ва “Пахтакор” клублари ўртасидаги учрашув инспекторининг билдиргисига асосан ЎФА Тартиб-интизом қўмитасининг йиғилиши бўлиб ўтди.

“Бухоро” — “Пахтакор” ўйини учун стадионга ташриф буюрган мухлислар аввалига учрашувни бошқариб бораётган ҳакамни, кейинроқ эса “Пахтакор” футбол клубини ҳақоратли сўзлар билан оммавий равишда ерга урди, деб ёзилади ПФЛ инспекторининг билдиргисида. Унда айнан қайси дақиқалар ҳақида сўз кетаётгани ҳам кўрсатилган. Жумладан, 20, 26 ва 55-дақиқаларда ишқибозлар учрашув ҳакамини, 40 ҳамда 56-дақиқаларда эса рақиб жамоани ҳақоратлашдан тийилмаган.

Мазкур ҳолат мусобақаларни ўтказиш регламентининг 4-бўлим 5.55-бандига зиддир. Унга кўра, стадионга ташриф буюрган мухлисларнинг ҳақоратли ва камситиш устига қурилган сўзларни айтишига чеклов қўйилган бўлиб, жазо сифатида келаси турнинг мухлисларсиз стадионда ўтиши мумкинлиги, жамоадан 3 очко олиб ташланиши мумкинлиги, клубнинг мусобақадан чиқариб юборилиши ёки 500 миллион сўмгача жаримага тортилиши эҳтимоли борлиги кўрсатиб ўтилган.

ЎФА Тартиб-интизом қўмитаси Бухоро шаҳридаги мазкур ўйин тафсилотларини ўрганиб чиқди ва “Бухоро” клубини 300 миллион сўм жаримага тортишга қарор қилди.

Шунингдек, “Бухоро” — “Пахтакор” ўйинининг 36-дақиқасида мезбонлар вакили Шавкат Саломов бош ҳакам Темур Тўхтасиновнинг қарорига қаршилик кўрсатишга уринди. Бунда футболчи оғзаки қаршилик билан чекланмай, ҳакамнинг қўлини ҳам ушлаб олган. Шундан келиб чиқиб, Шавкат Саломов регламентнинг 5.6 бандига асосан айбдор деб топилди ва 10 миллион сўм жаримага тортилди. Мазкур ҳолатни ўз вақтида жазоламаган ҳакам Темур Тўхтасинов эса Суперлиганинг 6 ва 7-тур ўйинларига, шунингдек, Ўзбекистон Кубогининг 1/16 финал ўйинларига қўйилмайди. Бу вақт давомида у фақатгина Про-Лига беллашувларини бошқариши мумкин.

Шавкат Саломов мисолида Тартиб-интизом қўмитаси Суперлига ва Про-Лига футболчиларига эслатиб ўтади. Футбол ҳакамлари билан мулоқотга фақатгина жамоа сардорлари кириши мумкин. Аммо уларга кескин қаршилик кўрсатиш, уларга ҳалал бериш мумкин эмас. Шавкат Саломов “Бухоро” футбол клубининг сардори, бироқ келаси сафар у футбол ҳакамларига тегингудек бўлса, жазо чоралари бундан жиддийроқ бўлади. Бу қолган футболчиларга ҳам таалуқлидир.

 

Агар “Бухоро” футбол клуби раҳбарияти ўз фан-клуби ва мухлислари билан ишламаса, улар ўртасида тушунтириш ишларини олиб бормаса ва оқибатда шунга ўхшаш ҳунук ҳолатлар такрорлангудек бўлса, жазо чоралари янада жиддийроқ бўлади. Бу борада “Бухоро” клуби алоҳида, шунингдек, Суперлига ҳамда Про-Лиганинг қолган клублари ҳам “Бухоро” мисолида яна бир марта ёзма равишда огоҳлантирилади.

 

ПФЛ мухлисларни стадионга қайтариш ва улар учун барча шароитларни яратиб бериш устида иш олиб боришдан тўхтамайди. Ўйинларнинг иш вақтидан кейинга қўйилаётгани ҳамда тўғридан-тўғри телетрансляция қилинаётгани катта ютуқ. Шунингдек, стадионларда оилавий секторларнинг бўлиши шартлиги ҳам назорат қилиб борилмоқда. Ташкилот принципиал аҳамиятга эга бўлган ўйинларнинг кўпайиб бораётгани, футболчилар ўртасидаги шиддат ва рақобатнинг ошаётганини қадрлайди.

Шу билан бирга ўзини ҳурмат қилган инсон ҳар қандай ҳолатда ҳам ўзини назорат қила олиши керак деб ҳисоблайди. Ҳақоратларга, камситишларга тўла стадионларда ёш болалар ва аёллар ҳам бор эканини унутмаслик керак. ПФЛ шундан келиб чиқиб, юқоридаги каби ҳолатларга жиддий эътибор қаратишда давом этади ҳамда футбол мухлисларидан провокацион тадбирларга, чақирувларга қўшилмасликни сўрайди.

Киритилди: 07.04.2018 14:07. Ўқилди: 5942 марта. Фикрлар: 11 та.

Суперлига

№ Жамоа Ў О
1 Нефтчи 28 61
2 Насаф 28 58
3 Пахтакор 28 56
4 Динамо 27 53
5 Бунёдкор 28 46
6 ОКМК 28 44
7 Навбаҳор 28 38
8 Сўғдиёна 28 37
9 Қизилқум 28 35
10 Сурхон 28 31
11 Қўқон-1912 28 30
12 Андижон 27 29
13 Машъал 28 29
14 Бухоро 28 26
15 Хоразм 28 24
16 Шўртан 28 15

Элит ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

H - Гуруҳи

№ Жамоа Ў О
1 Пахтакор 3 9
2 ОКМК 3 6
3 Насаф 3 3
4 Навоий ФА 3 0

Футзал

Ҳамдўстлик кубоги

A - Гуруҳи

№ Жамоа Ў О
1 Пахтакор 0 0
2 Спартак 0 0

Ўзбекистон суперкубоги

№ Жамоа Ў О
1 Насаф 1 3
2 Пахтакор 1 0

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

Лига кубоги

B - Гуруҳи

№ Жамоа Ў О
1 Қўқон-1912 3 9
2 Пахтакор 3 6
3 Локомотив 3 3
4 Бухоро 3 0

Сўнгги учрашув

08.11.2025. Суперлига. 28-тур.
16:00
Қўқон-1912		 0-0
Пахтакор

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.