Кириш Регистрация

STD.UZ/PAXTAKOR

Пахтакор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Баҳодир Пардаев: «Пахтакор»да муҳит жуда ажойиб»

"Пахтакор"га иккинчи даврада қўшилган Баҳодир Пардаев 7 гол уриб, чемпионликка муносиб ҳисса қўшди. Олий лигада ҳар 85 дақиқада тўп киритган ҳужумчи чемпионатда бир голни уриш учун ўртача энг кам вақт сарфлади. Баҳодир клуб офисига ташриф буюриб, саволларга жавоб берди.

— Жамоага тез кўникиб кетаман деб ўйлаганмидингиз? Иккинчи давранинг ўзида 7 гол уришга эришдингиз.
— Тўғриси, "Пахтакор"да муҳит ажойиб эканлиги менга қўл келди. Аввал ўзим ўйнаган жамоаларда бундай ҳолатни кўрмагандим. Футболчилар ўзаро кўп мулоқотда бўлишади ва барча ўзини эркин ҳис қилади. Керак пайтда мураббийлар ҳам ёрдамини аямайди. Шунингдек, "Бунёдкор"да мен билан бирга ўйнаган Анвар Солиев жамоага кўникишимда катта ёрдам берди. Анвар ака билан "Пахтакор"га ўтишдан аввал маслаҳатлашганимда у менга иккиланмасдан ўтишим кераклигини айтганди. Ҳозирча жамоавий ўйинга тўлиқ мослашиб бўлдим деб айта олмайман. Чунки бунга кўпроқ вақт кетади. Шунга қарамай, "Пахтакор"нинг муҳитига кўникиб кетдим. Бунинг учун барча жамоадошларимга раҳмат айтаман.

— Олий лигада гол уриш учун энг кам вақт сарфлаган ҳужумчи бўлдингиз. Бунга қандай эришдингиз?
— Ҳужумчининг вазифаси гол уриш. "Пахтакор" мени ўз таркибига қўшиб олаётган пайтда шунчаки юришим ёки кўринишим учун таклиф қилмаган. Ҳужумчи тўп киритиши ва учрашувларда жамоа учун ўйнаши лозим. Билдирилган ишончни оқлаш учун уриндим. Чемпионлик учун кичик бўлса-да, ҳиссамни қўшганимдан хурсандман. Бундан ташқари, аввал менга имконият берилмагани учун бошқаларга ўйнай олишимни исботлашим зарур эди.

— Жамоамизда иккинчи даврани ўтказдингиз. Ундан қандай таассуротлар қолди?
— "Пахтакор"га қарши ўйинларда ҳар бир жамоанинг бор кучи билан ҳаракат қилганини алоҳида таъкидлаган бўлардим. Чемпионлик йўлида энг қийин баҳсни Наманганда ўтказдик. Мезбонлар бизга ҳар бир ҳолатда жиддий қаршилик кўрсатишди. Чемпионатимизда шундай ўйинлар кўп бўлса, бундан футболчиларга фойда бўларди. Ўша кунги ғалаба руҳиятимизни кўтариб юборди. Энг муҳим учрашувлар сифатида "Насаф" ва "Локомотив"га қарши беллашувларни айтаман. 4 кун ичида икки кучли рақиб билан ўйнадик. Уларнинг иккаласида ҳам асосий рақиблар устидан зафар қучдик.

— Бошқа жамоалар сафида ўйнагансиз. "Пахтакор" улардан нимаси билан фарқ қилади?
— Биринчи ўринда жамоа ичидаги муҳитнинг ажойиб эканлиги билан. Буни олдинроқ ҳам айтиб ўтдим. Шунингдек, жамоавий руҳият ҳам "Пахтакор"да жуда яхши ҳолатда. Бунда Самвел Бабаян ва мураббийлар штабидаги инсонларнинг ҳиссаси катта. Машғулотлар, ўйинга тайёрланиш ва руҳиятимизни кўтариб юборишда улар катта ҳажмдаги ишни амалга оширишди. Бундай иш услубини "Бунёдкор"ни Зико бошқарган пайтда кўргандим. Менежеримиз ёшлар жамоаси иштирокидаги учрашувларни ҳам кузатиб, ҳар бир футболчи ҳақида зарур маълумотга эга бўлиб боради. Академия жамоаларига ҳам бефарқ эмас. Унга шу тарафдан қойил қолдим.

— Кейинги мавсум олдингизга қандай мақсад қўйяпсиз?
— Биринчи навбатда жамоа билан бирга олий лига ва кубокда ғалаба қозонишни, Осиё Чемпионлар лигасида яхши натижа қайд этишни хоҳлайман. Ҳужумчи сифатида эса ҳар бир учрашувда тўп киритиш ва "Пахтакор" ғалабаларига ҳисса қўшишни истайман.

Киритилди: 02.12.2014 12:09. Ўқилди: 3955 марта. Фикрлар: 2 та.

Суперлига

Элит ОЧЛ

Ёшлар лигаси

Ўзбекистон кубоги

H - Гуруҳи

№ Жамоа Ў О
1 Пахтакор 3 9
2 ОКМК 3 6
3 Насаф 3 3
4 Навоий ФА 3 0

Футзал

Ҳамдўстлик кубоги

A - Гуруҳи

№ Жамоа Ў О
1 Пахтакор 0 0
2 Спартак 0 0

Ўзбекистон суперкубоги

№ Жамоа Ў О
1 Насаф 1 3
2 Пахтакор 1 0

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

Лига кубоги

B - Гуруҳи

№ Жамоа Ў О
1 Қўқон-1912 3 9
2 Пахтакор 3 6
3 Локомотив 3 3
4 Бухоро 3 0

Сўнгги учрашув

13.05.2025. Ўзбекистон кубоги. 3-тур.
19:00
Пахтакор		 6-3
Насаф

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.