«Bu klub — mening uyim». Grizmann «Atletiko» muxlislariga murojaat qildi

Madridning «Atletiko» klubi hujumchisi Antuan Grizmann jamoani tark etishi haqidagi xabarlardan so‘ng muxlislarga murojaat qildi. Futbolchi 2026 yil yozida AQSHning «Orlando Siti» klubiga qo‘shilishi kutilmoqda.

«His-tuyg‘ularimni so‘z bilan ifoda etish oson emas, chunki bu klub — mening uyim, sizlar esa — oilamsizlar. Bu yerda unutilmas o‘yinlar, gollar, quvonch va ehtiroslarga to‘la ajoyib sayohat bo‘ldi. Buni faqat “Atletiko”ning bir qismi bo‘lish nimaligini his qilganlar tushunadi.

Ammo kelajakni hozircha chetga surib qo‘yaylik, chunki men hali ketmayapman. Oldimizda yana bir necha oy bor — men bu vaqt ichida maydonda ham, safar o‘yinlarida ham bor kuchimni beraman, Ispaniya Kubogini yutish va Chempionlar ligasida iloji boricha uzoqroq borishni orzu qilaman.

Bizda hali baxtli bo‘lish uchun imkoniyatlar ko‘p. Men bu yerda o‘tkazadigan har bir daqiqamni shu emblemaga bag‘ishlamoqchiman. Eng yaxshi kunlar hali oldinda. Biz buni har doimgidek birga amalga oshiramiz. 2026 yil mavsumi oxirigacha mening bugunim “qizil-oq” bo‘lib qoladi va yuragim ham doim shunday bo‘ladi. Olg‘a, “Atletiko”!», — dedi Grizmann.