Transfer olamidagi yangiliklar

Ushbu ruknimizdagi eng so‘nggi yangiliklar bilan tanishtirishda davom etamiz.

“Chelsi” Dembele uchun da’vogar

Londonning “Chelsi” jamoasi      “Lion” hujumchisi Mussa Dembelega asosiy da’vogar bo‘lib turibdi.

“Daily Mail” nashri bergan xabarlarga qaraganda, futbolchini jamoada ko‘rishni shaxsan Frenk Lempardning o‘zi istamoqda.

Murabbiyning fikricha, Dembele yozda jamoani tark etadigan Jiru va Batshuayining o‘rnini bir o‘zi berkitishga qodir hujumchi.

Eslatib o‘tamiz, Dembele bu mavsumda 27 ta uchrashuvda maydonga tushgan o‘z hisobiga 17 ta gol yozib qo‘ygan.

“Manchester Yunayted” himoyachi izlamqda

Angliyaning “Manchester Yunayted” klubi “Napoli” klubi qanot himoyachisi Jovanni Di Lorenso bilan jiddiy qiziqib qoldi.

“Napoli” klubi rasmiy sayti bergan xabarlarga qaraganda, “qizil iblislar” 26 yoshli himoyachi uchun 30 million yevro to‘lashga tayyor ekanligini ma’lum qilgan.

Eslatib o‘tamiz, fulbek bu mavsumda “A seriya”ning 25 ta uchrashuvida maydonga tushdi va o‘z hisobiga 2 ta gol va 4 ta assist yozdirib qo‘ydi.

“Barselona” Alabani qo‘lga kiritadimi?

Kataloniyaning “Barselona” jamoasi “Bavariya” himoyachisi David Alabani o‘z safida ko‘rmoqchi ekanligi haqida avvalroq ma’lumot bergan edik.

Transfermarketweb nashri bergan xabarlarga qaraganda, kataloniyaliklar avstriyalik himoyachini yaqinlashib kelayotgan yozda o‘z tarkibiga qo‘shib oladi.

Klub Alabani qo‘lga kiritish uchun Samuel Umtitini transferga qo‘yishi kutilmqda.

Eslatib o‘tamiz, “Bavariya” himoyachiga shuningdek “Real Madrid” va “Manchester Siti” klublari ham ko‘z tikkan.

Grilish “Aston Villa”da qolib ketadimi?

“Mavsumni ko‘tarinki kayfiyatda o‘tkazayotgan “Astin Villa” sardori – Jek Grilish Birmingemda kamida yana bir mavsumga qolib ketishi mumkin.

O‘tgan kuni futbolchining avtohalokatga uchragani va karantin rejimini buzgani sababli “Manchester Yunayted” uni sotib olish fikridan qaytgan”- deb xabar bermoqda DailyMailnashri.

Manba bergan xabarlarga ko‘ra, “qizil iblislar” rahbariyati futbolchining xurmacha qilig‘idan so‘ng, uning transferidan voz kechgan va endilikda bor e’tibor Jeyms Meddisonga qaratiladi.

Zidan yana bir yosh futbolchini Madridga olib kelmoqchi

Madridning “Real” jamoasi ustozi Zayniddin Zidan yozda “Lion” klubining 16 yoshli yarim himoyachisi – Rayan Sherkini sotib olish taklifi bilan chiqdi.

Le10sport nashri bergan xabarlarga qaraganda, murabbiy o‘spirinning o‘yinidagi o‘sishidan hayratda. Yosh bo‘lishiga qaramay bu mavsum “Liga 1”da 6 ta uchrashuv o‘tkazgan futbolchi Madridga ko‘chib o‘tishga tayyor ekanligini o‘z ijtimoiy tarmoqlari orqali e’lon qilishga ham ulgurdi.

Voqeyalar rivojini kuzatishda davom etamiz.