Jota hujumdagi raqobat haqida fikr bildirdi

Angliyaning «Liverpul» jamoasi «Vulverxempton»dan Diogu Jotani sotib olganidan xabaringiz bor. Portugaliyalik futbolchi rasman tanishtirilgach, klub rasmiy sayti uchun intervyu berib o‘tdi. Portugaliyalik futbolchi o‘z intervyusida «Liverpul»ning hujum uchligi haqida fikr bildirdi.

Diogu Jota:

“Ular bilan o‘zimni solishtirishim biroz noto‘g‘ri deb hisoblayman. Sababi, ular jahon darajasidagi yulduzlar. Salah, Mane va Firminolarning birgalikda amalga oshirayotgan ishlariga qoyil qolmaslikning imkoni yo‘q. Bu uchlik birlashgach, «Liverpulm» APL va YECHLda zafar quchishga muvaffaq bo‘ldi. E’tiborlisi shundaki, bu uchlik doimo birgalikda harakat qiladi va gollar kiritadi.

Men ham bu uchlikning a’zosi bo‘lmoqchiman. Ularning safiga qo‘shilishni, klubga g‘alaba keltirishni istayman. Mening klubda birlamchi vazifam ular bilan yaxshi munosabat o‘rnatishdan iborat. Umid qilamanki, tezda do‘stlashib ketamiz. Ular bilan birgalikda o‘rganishni va o‘sishni juda istayapman.

Klubdagi raqobat haqida ortiqcha fikr bildirmoqchi emasman. Ichki raqobat doimo klub foydasiga ishlaydi. Meni  klub rivojlanishi uchun xarid qilishdi. O‘z vazifamni munosib uddalamoqchiman.

Umid qilamanki, hujumdagi uchlikka va «Liverpul» uchun foyda keltira olaman. Yangi jamoam safida kerakli futbolchiga aylanmoqchiman"