«Lokomotiv»ning chernogoriyalik legioneri 3ta o‘yinga chetlatildi

O‘zbekiston Futbol Assosiasiyasi tartib-intizom qo‘mitasining navbatdagi yig‘ilishi bo‘lib o‘tdi. Unga ko‘ra, bir qator futbolchilar va rasmiylarga nisbatan turli xil sanksiyalar qo‘llanildi.

Coca Cola Superliga

Uchrashuv: “Lokomotiv” – “So‘g‘diyona”

Jarimaga tortildi: Slavko Damyanovich (“Lokomotiv” futbolchisi )

Sabab: Bosh hakam sha’niga haqoratli so‘zlar ishlatgani uchun

Qaror: 3 ta uchrashuvga diskvalifikasiya va jarima intizom chorasi

U-21 Birinchiligi

Uchrashuv: “So‘g‘diyona U-21” – “Paxtakor U-21”

Jarimaga tortildi: Oybek Nurmatov (“So‘g‘diyona U-21” futbolchisi )

Sabab: Raqib futbolchisiga qasddan tirsagi bilan zarba bergani uchun

Qaror: 3 ta uchrashuvga diskvalifikasiya va jarima intizom chorasi

Futzal bo‘yicha O‘zbekiston chempionati

2019 yilning 17 dekabr kuni futzal Oliy ligasining AGMK – “Paxtakor” jamoalari o‘rtasidagi final uchrashuvidan so‘ng “Paxtakor” jamoasi a’zolari Avazbek Avbduvaliyev, Dilshod Irsaliyev, Akmal Hazratqulov va Feruz Faxriddinov ommaviy janjal keltirib chiqargan edi. O‘FA Tartib-intizom qo‘mitasining 2019 yil 19 dekabr sanasidagi yig‘ilishida ushbu futzalchilarga nisbatan intizomiy choralar ko‘rilgan edi.

“Paxtakor” futzalchilari 2020 yilning 22 iyun kuni o‘z ishidan pushaymonligi, ushbu ish qayta takrorlanmasligini bildirib, murojaat qilishgani va pandemiya sharoitidan kelib chiqib, mazkur futzalchilarga belgilangan chetlashtirish choralari qayta ko‘rib chiqildi. Unga ko‘ra:

Avazbek Abduvaliyev, Dilshod Irsaliyev va Akmal Hazratqulovga nisbatan 10 ta uchrashuvga chetlashtirish intizom chorasi 5 ta uchrashuvga almashtirildi va  jarima intizom chorasi qo‘llanildi.

Feruz Faxriddinovga nisbatan 20 ta o‘yinga diskvalifikasiya qilish chorasi esa 10 ta o‘yinga qisqartirildi va jarima intizom chorasi qo‘llanildi.