Xamann – Gvardiola haqida: «Uning vaqti tugab bormoqda»

«Bavariya» va «Liverpul»ning sobiq o‘yinchisi Ditmar Xamannning fikricha, Gvardiola «Manchester Siti»da juda uzoq qolib ketgan.

Xamannning ta’kidlashicha, murabbiy va klubda katta charchoq to‘plangan, bu holat o‘tgan mavsumda ham sezilgan edi.

Uning fikriga ko‘ra, shunday sur’atda «Manchester Siti» Gvardiola qo‘l ostida katta sovrinlar uchun kurasha olmaydi.

«Hammasi bir kuni tugaydi. Biz Kloppning “Liverpul”ni taxminan sakkiz yildan so‘ng tark etganini ko‘rdik. U bu juda og‘ir bo‘lganini, dam olishga muhtojligini aytdi.

Gvardiola o‘z klubida Kloppdan bir-ikki yil ko‘proq ishladi. Bu juda charchatadigan ish. Senda majburiyatlar juda ko‘p: faqat futbol emas, matbuot bilan ishlash, safarlar… Bu insonni butunlay ezib qo‘yadi.

Men buni o‘tgan mavsumda ham his qilganman… Pep mavsum oxirigacha jamoani boshqarishda davom etganiga juda hayron qoldim. Undan aniq umidni uzishmaydi yoki undan voz kechishmaydi, chunki u juda ko‘p narsaga erishgan. Lekin bu yakuniy bosqich ekanini sezib turibman.

Gvardiola yana “Manchester Siti” bilan katta sovrin — APL yoki Chempionlar ligasini yutishini tasavvur qila olmayman. Menimcha, uning vaqti tugab bormoqda. Jamoada 7–8–9 yildan beri o‘ynab kelayotgan futbolchilar bor. Ularga yanada ilhom berish qiyin. Va bu ularning o‘yinida aks etadi. Harakatlari biroz sust ko‘rinadi», — dedi Xamann.