Holand — APLning eng qimmat futbolchisi, Abduqodir Husanov 96-pog‘onada

Transfermarkt portali Angliya Premyer Ligasida to‘p tepadigan futbolchilarining transfer narxini yangiladi. Eng qimmat futbolchi sifatida “Manchester Siti” hujumchisi Erling Holand qayd etildi. Yangilangan qiymatga ko‘ra, norvegiyalik hujumchining narxi 200 million yevroga baholangan. Ikkinchi o‘rinda “Arsenal” vingeri Bukayo Saka (130 mln yevro) joy oldi. Kuchli uchlikni yana bir “Arsenal” futbolchisi Deklan Rays yakunlab bergan — 120 mln yevro.

O‘zbekiston terma jamoasi hamda “Manchester Siti” himoyachisi Abduqodir Husanovning narxi o‘zgarishsiz qoldi. Ayni paytda futbolchining qiymati 35 million yevroga teng. Husanov hozirda Angliya Premyer Ligasida to‘p tepadigan eng qimmat 96-futbolchi hisoblanadi. “Manchester Siti”da esa 16-pog‘onanni egallab turibdi.

Transfermarkt talqiniga ko‘ra APLning eng qimmat 10 futbolchisi:

1. Erling Holand (“Manchester Siti”) — 200 mln yevro
2. Bukayo Saka (“Arsenal”) — 130 mln yevro
3. Deklan Rays (“Arsenal”) — 120 mln yevro
4. Aleksander Isak (“Liverpul”) — 120 mln yevro
5. Koul Palmer (“Chelsi”) — 120 mln yevro
7. Florian Virs (“Liverpul”) — 110 mln yevro
8. Moyses Kaysedo (“Chelsi”) — 110 mln yevro
9. Uilyam Saliba (“Arsenal”) — 90 mln yevro
10. Rayan Gravernberx (“Liverpul”) — 90 mln yevro
12. Dominik Soboslai (“Liverpul”) — 85 mln yevro

Shuningdek, Transfermarkt so‘nggi yangilanishda qiymati keskin pasaygan futbolchilar ro‘yxatini ham e’lon qildi. “Liverpul” ikki futbolchisi — hujumchi Aleksander Isak va yarim himoyachi Florian Virs eng ko‘p arzonlashgan futbolchilar bo‘ldi. Har ikkisining qiymati 20 million yevroga pasaygan. Kuchli uchlikni ham mersisaydliklar a’zosi yakunlagan bo‘lib, Aleksis Makallisterning narxi 15 million yevroga kamaygan.

APLning eng ko‘p arzonlashgan 10 futbolchisi:

1. Aleksander Isak (“Liverpul”) — 120 mln yevro (– 20 mln yevro)
2. Florian Virs (“Liverpul”) — 110 mln yevro (– 20 mln yevro)
3. Aleksis Makallister (“Liverpul”) — 85 mln yevro(– 15 mln yevro)
4. Rodri (“Manchester Siti”) — 75 mln yevro(– 15 mln yevro)
5. Muhammad Saloh (“Liverpul”) — 30 mln yevro (– 15 mln yevro)
6. Bukayo Saka (“Arsenal”) — 130 mln yevro (– 10 mln yevro)
7. Omar Marmush (“Manchester Siti”) — 65 mln yevro (– 10 mln yevro)
8. Xavi Simons (“Tottenhem”) — 60 mln yevro (– 10 mln yevro)
9. Benyamin Sheshko (“Manchester Yunayted”) — 60 mln yevro(– 10 mln yevro)
10. Ben Uayt (“Arsenal”) — 30 mln yevro (– 8 mln yevro)

Ma’lumot uchun, ayni paytda dunyoning eng qimmat futbolchisi Erling Holand hamda Lamin Yamal bo‘lib turibdi. Har ikki futbolchining qimmati 200 million yevroga teng. Kuchli uchlikni esa “Real” hujumchisi Kilian Mbappe yakunlab bergan — 180 mln yevro.