APL. «Manchester Yunayted» 13-daqiqadan boshlab ko‘pchilik bo‘lib o‘ynaganiga qaramay, «Everton»ga mag‘lub bo‘ldi (videosharh)

Angliya Premyer-ligasining 12-turidan o‘rin olgan «Manchester Yunayted» — «Everton» uchrashuvida mehmonlar 1:0 hisobida g‘alaba qozondi. O‘yin Manchester shahridagi «Old Trafford» stadionida bo‘lib o‘tdi.

13-daqiqada mehmonlar tarkibida Idrissa Geye jamoadoshi Maykl Kin bilan kelishmovchilikka borgani uchun to‘g‘ri qizil kartochka oldi va «Everton» maydonda bir o‘yinchi kam qoldi. 29-daqiqada esa «Everton» safida Kirnan Dyusberi-Xoll gol urdi.

"Qizil iblislar" deyarli 80 daqiqa bir kishi kam bo‘lib o‘ynagani qaramay, raqib darvozasiga yo‘l topa olmadi va alamli mag‘lubiyatga uchradi.

Bu o‘yindan so‘ng «Manchester Yunayted» 18 ochko bilan Angliya chempionatining yuqori divizioni jadvalida 10-o‘rinni egallab turibdi. «Everton» ham 18 ochko bilan 11-o‘ringa ko‘tarildi.

Kelasi turda «MYU» 30 noyabr kuni mehmonda «Kristal Pelas»ga qarshi maydonga tushadi, «Everton» esa 29 noyabrda o‘z maydonida «Nyukasl Yunayted»ni qabul qiladi.

Angliya — Premyer-liga. 12-tur
Manchester Yunayted (Manchester) - Everton (Liverpul) - 0:1
Gol: 0:1 — Kirnan Dyusberi-Xoll (29')
Chetlatish: Idrissa Geye (13')