Kerrik Lammens haqida fikr bildirdi

«Manchester Yunayted» bosh murabbiyi Maykl Kerrik «Everton» ustidan qozonilgan g‘alabadan (1:0) so‘ng jamoa darvozaboni Senne Lammensning o‘yini haqida o‘z fikrlarini bildirdi.

BBC xabariga ko‘ra, Kerrik «Yunayted»dagi sobiq jamoadoshi Edvin van der Sar televizor orqali Angliya terma jamoasi va «Liverpul» sobiq futbolchisi Jeymi Karrager bilan birgalikda o‘yinni tahlil qilganidan xabar topgan. Matbuot anjumani davomida Kerrik ikki darvozabon o‘rtasida o‘xshashlik bor-yo‘qligi haqidagi savolga ehtiyotkorlik bilan javob berdi.

«Gapirayotgan gaplarimda ehtiyot bo‘lishim kerak. Ularni solishtirishni istamayman, chunki bu Sennega nisbatan adolatsizlik deb hisoblayman. Ammo o‘xshashliklar, shubhasiz, bor. Darvozabon ishonchli va tayansa bo‘ladigan bo‘lishi lozim. U xaos (tartibsizlik) keltirib chiqarish o‘rniga, uni bartaraf etishi va vaziyatni tinchlantirishi kerak. O‘ylaymanki, Senne aynan shunday.

Ba’zida u juda vazmin va kamsuqum, lekin uning ichida haqiqiy "po‘lat" iroda bor. Ba’zilar uchun bu katta rol, o‘z muhitingda o‘zingni qulay his qilish muhim. Buning uchun gohida vaqt kerak bo‘ladi, gohida esa yo‘q, lekin u xotirjamlik va o‘zini tuta bilish qobiliyatiga ega. Bu uning oldida harakat qilayotgan o‘yinchilarga juda katta yordam beradi», — deya Kerrikning so‘zlarini keltiradi BBC.