Allegri «Milan»ning Chempionlar ligasiga chiqa olmaganini izoh berdi

«Milan» bosh murabbiyi Massimiliano Allegri A seriya 38-turidan o‘rin olgan «Kalyari»ga qarshi bahsdagi mag‘lubiyat (1:2) va jamoaning UYEFA Chempionlar ligasiga yo‘llanma ola olmagani haqida fikr bildirdi. Klub yakuniy jadvalda beshinchi o‘ringa tushib ketdi va kuchli to‘rtlikdagi o‘rinni «Roma» hamda «Komo»ga boy berdi.

— Afsuski, hozir natijani o‘zgartira olmaymiz. Uyda beshta o‘yinda mag‘lub bo‘lsangiz, xuddi shunday holatga tushib qolasiz. Biz yaxshi boshladik va hisobni ochgach, natija o‘z-o‘zidan hal bo‘ladi deb o‘yladik, ammo bunday bo‘lmadi. Biz himoyada juda yomon o‘ynadik, ayniqsa birinchi golda.

Yigitlarimga hech qanday e’tirozim yo‘q, ular Chempionlar ligasiga chiqish uchun qo‘llaridan kelgan barcha ishni qilishdi. Biz «Kalyari»ning har ikki golida ham juda sust harakat qildik, bu oldin kuzatilmagandi. «Jenoa»ga qarshi o‘yinda yaxshiroq harakat qilgandik, ammo bugun kechqurun bosim ko‘proq edi va biz o‘yin taqdirini o‘zgartira olmadik, — dedi Allegri Football Italia nashriga DAZN Italia orqali bergan intervyusida.

Italiya — A Seriyasi, 38-tur
«Milan» — «Kalyari» — 1:2
Gollar: Salemakers, 2 (1:0), Borrelli, 20 (1:1), Rodriges, 57 (1:2).