OFK reytingida qancha ochko jamg‘ardik?

Osiyo chempionlar ligasi guruh bosqichida dastlabki 2ta tur o‘yinlari (deyarli) yakuniga yetdi. Ha, koronavirus muammosi tufayli Sharq mintaqasida ko‘pgina o‘yinlar hamon o‘tkazilganicha yo‘q. Biz esa OCHL uchrashuvlari o‘z vaqtida o‘tkazilayotgan G‘arb mintaqasiga e’tiborni qaratamiz. Bu haqda Alisher Nikimbayev o‘zining telegramdagi kanali orqali xabar tarqatdi.

Demak, saralash bosqichi va guruh bosqichining dastlabki 2ta tur bahslaridan keyin O‘zbekiston ushbu mavsumda eng ko‘p reyting ochkolari jamg‘arib turgan mamlakat bo‘lib turibdi. Keyingi o‘rinlarni esa Saudiya Arabistoni va Qatar egallab turibdi.

O‘zbekiston — 6.90
Saudiya Arabistoni — 5.60
Qatar — 4.25
Eron — 2.90
Birlashgan Arab Amirliklari — 1.85
Iroq — 1.30

Natijada 2018-2020 yillarda jamg‘arilayotgan ochkolar bo‘yicha O‘zbekiston o‘zi egallab turgan 4-pog‘onani mustahkamlab oldi. "Paxtakor" ushbu mavsumda muvaffaqiyatli yurishini davom ettiradigan bo‘lsa, mamlakatimiz Eronni quvib o‘tib, G‘arb mintaqasida 3-o‘ringa ko‘tarilib olishi mumkin.

G‘arb mintaqasi (2018-2020 yillar)
Saudiya Arabistoni — 41.950 (3+1)
Qatar —  40.000 (3+1)
Eron — 33.250 (2+2)
O‘zbekiston — 25.300 (2+2)
Iroq — 18.233 (1+2)
BAA — 17.583 (1+1)
Iordaniya — 16.067 (1+0)
Turkmaniston — 12.850 (1+0)
Livan — 11.367 (1+0)
Bangladesh — 8.567
Hindiston — 8.233
Tojikiston — 8.133

Ushbu reytingga 2021 yilgi natijalar ham qo‘shiladi va Osiyo chempionlar ligasining 2023 va 2024 yilgi mavsumlari uchun kvotalari taqsimoti aniq bo‘ladi.