Spalletti «Yuventus»ning «Atalanta» ustidan qozongan g‘alabasiga izoh berdi

Turinning "Yuventus" jamoasi bosh murabbiyi Luchano Spalletti Italiya Seriya A 32-turida "Atalanta"ga qarshi (1:0) uchrashuv natijasi haqida fikr bildirdi.

«Dastlabki 30 daqiqada juda qiynaldik, chunki «Atalanta» yaxshi jamoa va ular doimiy pressing orqali bizga uzatma berish imkonini bermadi. Biz faqat himoyalanishga majbur bo‘ldik. Ikkinchi bo‘limda o‘yin butunlay o‘zgardi, biz teng o‘ynadik. Odatda biz ustunlikdan foydalanolmay, hisobda oldinda bo‘lib turib ham yutqazardik, bu safar esa aksincha bo‘ldi.

Bunday o‘yinlarda eng muhimi — uch ochko. Afsuski, o‘yin oldidan jamoa to‘liq tayyor emas edi: Kenan Yildiz va Fransishku Konseysauda sog‘liq bilan bog‘liq muammolar bor edi. Men ularni asosiy tarkibda tushirib, holatini ko‘rmoqchi bo‘ldim. Ikkalasi ham to‘liq formada emas edi, Kefren Tyuram-YUlyenda ham muammolar bordi.

Birinchi bo‘limda ham xatolar qildik, xususan, Konseysauga qanotda raqibni yakkama-yakka holatda o‘tib ketish imkonini bermadik — bu uning kuchli jihati. Keyin ayrim o‘zgartishlar kiritdik va ikkinchi bo‘lim butunlay boshqacha kechdi.

Italiya Kubogi o‘yinidagi («Yuventus» 0:3 hisobida yutqazgan) xatolarimiz biz uchun juda qimmatga tushgandi. Bugun esa raqib qanotdan qanotga o‘ynab, himoyamizni yoyishga harakat qildi va bizni orqaga chekinishga majbur etdi. Biz esa pozisiyamizni saqlab qola olmadik. Bu bizning zaif tomonimiz — ayrim paytlarda himoya chizig‘imiz juda orqaga chekinib ketadi», — dedi Spalletti.

Hozirgi holatga ko‘ra, «Atalanta» 32 o‘yindan so‘ng 53 ochko bilan 7-o‘rinda bormoqda. «Yuventus» esa 60 ochko bilan 4-o‘rinni egallab turibdi.