Кириш Регистрация

STD.UZ/ATLETIKO

Атлетико

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Чемпионлик сари одимлаётган «Атлетико» «Хетафе»ни синовдан ўтказади (превю)

Шанба оқшомини бироздан сўнг Испания Ла Лигаси 27 тури доирасидаги «Хетафе» ҳамда «Атлетико» Мадрид жамоалари ўртасидаги баҳс якунлаб беради. Мамлакат пешқадами иштирокидаги ушбу ўйин бизнингча ҳам кўпчилик учун бирдек қизиқ бўлса ажаб эмас.

«Атлетико»

\

Диего Симеоне бошчилигидаги жамоа жорий мавсум том маънода яхлит бир армияга айланиб улгурди. Клуб ҳар бир ўйинда ўз стабиллигини бир меъёрда сақлаб келаётганига бугун аллақачон ажабланарли ҳол сифатида қаралмаяпти. «Реал» билан кечган Мадрид дербисидан сўнг «матрасчилар» томон отилган айрим танқид тошлари ҳам учрагани табий ҳол. Симеоне шогирдлари ўшанда ўзлари яратган имкониятларнинг аксариятини кўкка совуришди, сўнгги дақиқаларда ўтказиб юборилган аламли гол таъмини ҳам татиб кўришга мажбур бўлдилар. Натижада энг яқин таъқибчи «Барселона» билан ўртадаги фарқ 3 тагача қисқарди.

Ўшанда кўплаб мухлислар томонидан «Атлетико» чемпионлик пойгасидан чиқиб кетгани тўғрисида турли гап-сўзлар тарқалган эди. Бироқ орадан 3 кун ўтиб жамоа «Атлетик» билан навбатдаги оғир ўйинда майдонга тушди ва ўз имкониятларини яна барчага кўрсатиб қўйди. Марселино Торал бошчилигидаги «Атлетик»нинг сўнгги натижаларидан хабарингиз бор. Жамоа «Атлетико»га қарши тўқнашувгача нақ 8 ўйинлик ғалабасиз серия қайд этган эди. Мана шундай жиддий рақибидан устун келган мадридликлар чемпионлик учун ўз имкониятларини яна ошириб олди. Қайд этиш керак, «Атлетик» устидан қозонилган ғалабадан сўнг Симеоне ўзининг жамоадаги жами муваффақиятли юришлари сонини 309 тага етказиб олди ва бу борада Арагонесдан ўзиб кетди.

Энди ҳам ўзи учун анча қулай рақиб устидан қозонилажак эҳтимолий ғалаба «матрасчилар»ни Ла Лига чемпионлиги йўлида яққол фаворитга айлантириб юбориши шубҳасиз. Дарҳақиқат, жамоанинг қайд этаётган сўнгги натижалари ҳам диққатга сазовор. «Атлетико» жорий мавсум якунига етган 26 баҳснинг атиги 2 тасида мағлубиятга учради. Шунингдек, клубнинг «Хетафе»га қарши умумий статистикаси ҳам бу жамоанинг мадридликларга анчайин қулай рақиб эканлигини кўрсатиб турибди.

Иккала томон ўртасида кечган тўқнашувларнинг сўнгги 13 тасида меҳмонларнинг қўли баланд келган. Камига «Хетафе» бу учрашувлар давомида бирор марта ҳам рақиблари дарвозасини ишғол этишнинг уддасидан чиқа олмаган. Умумий ҳисобда эса бу жамоанинг ўртача голлар тақриби 2,5 фоиздан ҳам ошмайди. Бундан ташқари «Аткетико» сафардаги ўйинларда рақиблари билан қандай ўйнашни жуда яхши билади. «Қизил-оқлар» Ла Лиганинг ортда қолган 7 учрашувидан 6 тасида энг камида 2 та гол уриб келмоқда. Бу ҳам албатта баҳс олдидан эътиборга молик бўлган фактлардан бири.

Ғ - Д - М - Ғ - Д - Ғ

Тахминий таркиб: Облак - Триппьер, Савич, Эрмосо, Лоди - Льоренте, Коке, Лемар, Карраско - Корреа, Луис Суарес

«Хетафе»

«Хетафе»нинг Ла Лигадаги аҳволига умуман ҳавас қилиб бўлмайди. Жамоа хавфли зонадаги клублардан атиги 5 очко кўпроқ тўплаган ҳолда 15 ўринни банд этган бўлса, охирги 5 баҳсдан 4 тасида мағлубият ҳамда атиги бир марта ғалабага эришилган. Бунинг устига «Хетафе»нинг «Атлетико»га қарши баҳсларда ўта ёмон статистикага эга экани ҳақида ҳам юқорида таъкидлаган эдик.

Ҳозир Бардолас шогирдларининг умумий кайфиятини ҳам қониқарли деб айтиб бўлмайди. «Валенсия» устидан қозонилган йирик ҳисобдаги ғалаба кетидан (3:0) бирданига аламли мағлубият ҳам қабул қилиб олинди. Жамоа «Реал Вальядолид»га - энг яқин таъқибчисига кутилмаганда имкониятни бой бериб қўйди ва кўзи «қонга тўлган» жамоаларни ўзига яқинлаштириб олмоқда. Бу каби факторлар бош мураббий Хосе Бардоласнинг курсисини анчадан бери қимирлатиб қўйган. Бироқ раҳбарият унга ҳалиям юқори ишонч билдиришда давом этмоқда ва жамоани примерода олиб қолиш вазифасини юклатди. Албатта, умумий муҳит ҳам бугун етакчига қарши ўйинда жамоанинг оёғидан тортиши турган гап.

Қолаверса, жамоа етакчиларидан бири Мата ҳам қизил карточкаси боис бугунги учрашувда иштирок эта олмайди. Бунинг устига «Хетафе»нинг «Атлетико»га қарши баҳсларда ўта ёмон статистикага эга экани ҳақида ҳам юқорида таъкидлаган эдик. «Хетафе» мадридликларга қарши 36 баҳсдан атиги 4 тасида ғалаба қозонган холос. «Кўклар» шунингдек, сўнгги 7 та уй баҳсларидан 5 тасида рақиблари дарвозасини ишғол қила олмаган. Ушбу тўқншувнинг биринчи даврасида «Атлетико» ўз рақиби устидан 1:0 ҳисобида устун келган. Бугунги баҳс натижаси кўп жиҳатдан меҳмонларнинг тақдирига жиддийроқ таъсир ўтказса ажаб эмас.

М - М - М - М - Ғ - М

Тахминий таркиб: Сория - Дамиан Суарес, Дьене, Кабако, Оливейра - Ньом, Максимович, Арамбари, Кукурелла - Унал, Кучо Эрнандес.

Киритилди: 13.03.2021 21:30. Ўқилди: 2739 марта. Фикрлар: 0 та.

Ла-лига

ЕЧЛ

E - Гуруҳи

№ Жамоа Ў О
1 Атлетико 10 20
2 Лацио 8 13
3 Фейеноорд 6 6
4 Селтик 6 4

Европа лигаси

- Гуруҳи

№ Жамоа Ў О

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

УЕФА Суперкубоги

№ Жамоа Ў О
1 Бавария 1 3
2 Севилья 1 0

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

05.05.2024. Ла-лига. 34-тур.
00:00
Мальорка		 0-1
Атлетико

Навбатдаги учрашув

12.05.2024. Ла-лига. 35-тур.
19:15
Атлетико		 -:-
Сельта

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.