Кириш Регистрация

STD.UZ/ATLETIKO

Атлетико

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

ЕЧЛ-2022/2023: Кимнинг имконияти қандай?...

Хабарингиз бор, 25 август куни Истанбулда Европа Чемпионлар лигасининг 2022|2023 йилги мавсуми гуруҳ босқичига қура ташлаш маросими бўлиб ўтди.

Унда 32та жамоа иштирок этди: 26таси тўғридан-тўғри йўлланма соҳиблари, 6таси эса «плей-офф» босқичи орқали етиб келишди. Чемпионлар лигаси гуруҳ босқичи тақвими ЖЧ-2022 муносабати билан 8 ҳафтага қисқартирилган. Гуруҳ босқичи 6 сентябрдан 2 ноябрга қадар давом этади. Финал учрашуви Истанбулдаги «Отатурк» стадионида бўлиб ўтади. Қуйида эса ҳар бир гуруҳдан кейинги босқичга чиқишга кимнинг имконияти қандайлиги ҳақидаги қисқача мулоҳаза билан танишишингиз мумкин.

«А» ГУРУҲИ: «АЯКС», «ЛИВЕРПУЛЬ», «НАПОЛИ», «РЕЙНЖЕРС»

Жуда қизиқарли гуруҳ. «Аякс» ва «Наполи» - ҳужумкор ўйнашга мойил жамоалар. «Ливерпуль» ҳақида-ку гапиришга ҳожат йўқ. Тўртликдаги «Рейнжерс» яққол аутсайдерга ўхшамоқда. Бироқ, улардан ҳам интрига кутиш мумкин. Юрген Клопп шогирдлари гуруҳдан чиқмаслиги даргумон, шу боис «плей-офф»га 2-йўлланма учун кураш ниҳоятда қизғин кечади. Умуман олганда, ўйинларни томоша қилиш учун ҳам, интрига учун ҳам жуда яхши гуруҳ.

«В» ГУРУҲИ: «ПОРТУ», «АТЛЕТИКО», «БАЙЕР», «БРЮГГЕ»

Ушбу квартетда яққол фаворитни ажратиб кўрсатиш мушкул. «Порту» ўтган мавсумда Португалия чемпионатида «конкида учиб ўтди», лекин ЕЧЛда гуруҳдан чиқолмади. «Аждарлар» «Атлетико» билан рақобатлашганди. Диего Симеоне шогирдлари 7 очко жамғариб, «Ливерпул»дан кейин «плей-офф»га йўл олди, «Порту» эса 5 очко билан 3-ўринда қолганди. Келинг, янги мавсумда бу қарама-қаршилик қандай ривожланишини кўрамиз. Жорий ТОда таркибини бироз кучайтирган «Байер» «Порту» ва «Атлетико» билан рақобатлашишга ҳаракат қилади. «Брюгге»ни ҳам четга чиқармасилик керак, чунки таркибда бир нечта кучли ва қиммат футболчилари бор.

«C» ГУРУҲИ: «БАВАРИЯ», «БАРСЕЛОНА», 

«ИНТЕР», «ВИКТОРИЯ»

Шубҳасиз, «ўлим» гуруҳи! «Бавария» ақл бовар қилмайдиган даражада кучли футбол намойиш этмоқда, асосан ёшлардан иборат «Барселона» эса ҳали йўлда. Левандовскинигш «Бавария»га қарши ўйинларда кўриш анча қизиқ. «Интер» ЕЧЛ-2010 финалида айнан «Бавария»ни мағлуб этиб ғолиб чиққан. Аммо умуман олганда, қарама-қаршиликда тўлиқ тенглик. «Барселона» учун эса «Интер» анча қулай рақиб. Каталонияликлар ЕЧЛда Милан клубини 10та учрашувдан 6тасида мағлуб этишган, 3 марта дуранг ўйнаган ва фақат битта мағлубият аламини тотиб кўрган. Чехиянинг «Виктория»си қанчалик бахтли экан-а! Ҳар қандай ўйин Пльзен учун байрам бўлиши аниқ.

«D» ГУРУҲИ: «АЙНТРАХТ», «ТОТТЕНХЭМ», «СПОРТИНГ», «МАРСЕЛЬ»

Жуда тенг гуруҳ. Иштирокчиларнинг ҳар бири нафақат «плей-офф»га чиқишга, балки квартетда ғалаба қозонишга ҳам ишониши мумкин. «Айн­трахт» ўтган мавсумда Европа лигасида ғолиб чиқди ва бу билан тўхтаб қолмайди. «Тоттенхэм» Антонио Конте бошчилигида ўз тараққиётида навбатдаги қадамни ташламоқчи. Лиссабоннинг «Спортинг» клуби - ҳужумкор футбол намойиш этадиган жамоа. «Марсель» эса ЕЧЛга қайтишни анчадан бери кутаётганди.

«Е» ГУРУҲИ: «МИЛАН», «ЧЕЛСИ», «РБ ЗАЛЬЦБУРГ», «ДИНАМО» З.

Бу ердаги икки фаворит аниқ - «Милан» ва «Челси» узоқ вақтдан бери юқори савияда ўйнашяпти. Бу икки буюк клуб ўртасидаги рақобатни кузатиш қизиқарли бўлади. «РБ Зальцбург» - фаворитлар билан курашда очколарга ёпишиб олишни кутадиган амбицияли жамоа. Загребнинг «Динамо»си ҳам анойи эмас, гарчи қоғозда Хорватия клуби квартетдаги энг кучсизидек кўринса ҳам.

«F» ГУРУҲИ: «РЕАЛ», «РБ ЛЕЙПЦИГ», «ШАХТЁР» Д., «СЕЛТИК»

Амалдаги кубок соҳиби - «Реал Мадрид» гуруҳнинг сўзсиз фаворити. Афтидан, Карло Анчелотти жамоаси «плей-офф»га чиқиш учун кўп меҳнат қилиши шарт эмас. «РБ Лейпциг», «Шахтёр» ва «Селтик» «қироллик клуби» билан рақобатлаша оладиган жамоа­ларга ўхшамаяпти. Лекин 2-ўрин учун кураш ўжарликни ваъда қилмоқда. Тедеско жамоасини «Челси»дан қайтган Тимо Вернер кучайтирди. Лекин «Шахтёр» кўплаб етакчиларини йўқотди, аммо барибир Игор Йовичевич жамоаси маълум бир кучга эга. «Селтик» ва «Шахтёр» ҳамон классда «Лейпциг»дан пастроқ, аммо Тедеско жамоасини ҳозирча барқарор деб бўлмайди, шунинг учун бу гуруҳда ҳамма нарса бўлиши мумкин.

«G» ГУРУҲИ: «МАНЧЕСТЕР СИТИ», «СЕВИЛЬЯ», «БОРУССИЯ» Д., «КОПЕНГАГЕН»

Қизиқарли гуруҳ. «Манчестер Сити» Чемпионлар лигасида ғалаба қозониш учун навбатдаги уринишини бошлайди. Гвардиола Дортмунддан сотиб олинган Эрлинг Холандга жиддий пул тикди. Норвегиялик дарҳол ўзининг собиқ жамоасига қарши ўйнайди, бу ҳам қизиқ. «Сити» гуруҳдан чиқиш йўлида муаммоларга дуч келиши даргумон, аммо барибир «Севилья» ва «Боруссия» билан ўйинлар ажойиб бўлиши керак. Дания чемпиони бўлган «Копенгаген» ҳам бу квартетда шунчаки томошабин бўлиш ниятида эмас.

«H» ГУРУҲИ: «ПСЖ», «ЮВЕНТУС», «БЕНФИКА», «МАККАБИ» Х.

Бу ерда иккита яққол фаворит бор. «ПСЖ» Лига 1нинг янги мавсумини янги бош мураббий Кристоф Галтье билан бошлади, аммо Париж клуби олдига ЕЧЛда ғолиб чиқиш вазифаси қўйилган, уларда кайфият кучли. Неймар, Месси ва Мбаппе ҳам мавсум бошида ажойиб формада. «Ювентус» ўтган мавсум йўлланма олишнинг ўзигаёқ анча қийналганди. Ҳозир Аллегри Влаховичга ишонмоқда, Пог­ба ва Ди Мариялар ҳам бор. «Бенфика» ўтган мавсум миллий чемпионатида 3-ўринни эгаллади. Ҳозир эса Рожер Шмидтнинг гуруҳдан чиқиш учун «Юве» билан рақобатлаша оладиган жиддий жамоа­си бор.

М.ПЎЛАТОВ тайёрлади.

Киритилди: 05.09.2022 23:00. Ўқилди: 6336 марта. Фикрлар: 2 та.

Ла-лига

ЕЧЛ

E - Гуруҳи

№ Жамоа Ў О
1 Атлетико 10 20
2 Лацио 8 13
3 Фейеноорд 6 6
4 Селтик 6 4

Европа лигаси

- Гуруҳи

№ Жамоа Ў О

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

УЕФА Суперкубоги

№ Жамоа Ў О
1 Бавария 1 3
2 Севилья 1 0

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

28.04.2024. Ла-лига. 33-тур.
00:00
Атлетико		 3-1
Атлетик Бильбао

Навбатдаги учрашув

05.05.2024. Ла-лига. 34-тур.
00:00
Мальорка		 -:-
Атлетико

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.