Кириш Регистрация

STD.UZ/ATLETIKO

Атлетико

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Тарихдаги энг қиммат қишки трансферлар

Қоидага кўра, қишки трансфер ойнасида клублар қиммат шартномалар тузишга қўрқишади. Лекин баъзан январь ойида яхшигина пул сарфлайдиган клублар топилади. Энг сўнгги мисол, Михаил Мудрикнинг "Челси"га 100 миллион евро эвазига ўтгани, украиналик футболчининг трансфери йилнинг шу даврида амалга оширилганлар орасида иккинчи энг қиммат трансферга айланди. Бу трансфер ҳали ўзи оқлайдими йўқми билмаймиз, бугун эса қишда содир бўлган тарихдаги энг қиимат трансферларни ёдга оламиз.

10. Фернандо Торрес (“Ливерпуль” – “Челси”, 2011 йил), 50 миллион евро

10 йилдан кўпроқ вақт олдин, 50 миллион евролик шартнома имзолаш ҳатто "Ливерпуль" ва "Челси" каби клублар учун ҳам жуда катта нарх ҳисобланарди. Торрес "Стемфорд Бридж"га ажойиб карера билан келди (“қизиллар” сафида 142 та ўйинда 81 та гол ва 20 та голли узатма), шунинг учун пойтахт мухлислари уни дарҳол порлашини кутишган. Лекин ундай бўлиб чиқмади. 2010/2011 йилги мавсумнинг иккинчи ярмида испаниялик 18 марта майдонга тушди ва фақат битта гол урди.

Кейинги уч мавсумда Фернандо Мерсисайдда кўрсатган форманинг чўққисига чиқа олмади. 172 ўйинда 45 та гол ҳар қандай ҳужумчи учун яхши кўрсаткич бўлиши мумкин, аммо бундай топ даражада Торрес учун эмас. Аммо испаниялик лондонликлар билан Чемпионлар лигаси ва Европа лигасида ғолиб чиқди.

9. Оскар (“Челси” – “Шанхай СИПГ”, 2017 йил), 60 миллион евро

Саховатли осиёликлар шунчалик кўп пул таклиф қилишдики, нафақат кекса футболчилар, балки Оскар каби ёш футболчилар ҳам васвасага тушишди. Бразилиялик футболчи Европадаги фаолиятининг энг юқори чўққисида мавсумига 23,4 миллион евро маош эвазига Премьер-лигани тарк этган.

Маҳаллий иқтисоддаги энг чуқур инқирозга ва футболчиларнинг маоши чегарасига қарамай, ярим ҳимоячининг Хитойдаги фаолияти ҳамон давом этмоқда. Ўтган ёзда Оскар "Фламенго"га ўтишга ҳаракат қилди, лекин хитойликлар уни қўйиб юборишмади.

8. Диего Коста (“Челси” – “Атлетико”, 2018), 60 миллион евро

Қайсар испаниялик ҳужумчининг кетиши ҳақидаги гап-сўзлар деярли бир йил давом этди. У мураббий Антонио Конте билан 2017 йилнинг қишида агент футболчига Хитойда фантастик маош олмоқчи бўлганида, жанжаллашиб қолганди. Клуб раҳбарияти Костани ўрнига ўринбосар топмагунча қўйиб юборишдан бош тортди, Конте эса бразилиялик футболчига иккинчи жамоа билан машғулот ўтказишни таклиф қилди. Натижада фақат 2018 йилнинг январида ҳужумчи қадрдон “Атлетико”га қайтди, аммо аввалги даражага чиқа олмади.

7. Бруну Фернандеш (“Спортинг” – “Манчестер Юнайтед”, 2020), 63 миллион евро

Ўша мавсумда Манчестер Сульшер бошчилигида шу қадар оғир вазиятда эдики, клуб узоқ вақтдан бери биринчи марта қишки трансферга қарор қилди. Ва бу нуқтага урилган зарба бўлди. Ўша мавсумда Премьер-лигада 14 ўйин қолганида Фернандеш "Юнайтед"нинг мағлубиятсиз сериясида катта рол ўйнади. Бугунги кунда ижодкор португалиялик 'Манчестер Юнайтед”да асосий футболчилар бири бўлиб қолмоқда.

6. Пьер-Эмерик Обамеянг (“Боруссия Дортмунд” – “Арсенал”, 2018 йил) 63,75 миллион евро

Тўрт йил олдин "Арсенал" ачинарли аҳволда эди, шунинг учун раҳбарият клубнинг сўнгги ўн йилликдаги трансферлари руҳида қарор қабул қилди - ажойиб формада бўлган ўйинчи учун катта пул ажратди. Обамеянг 2017/2018 йилги мавсум бошида Бундеслиганинг 16 ўйинида 13 та гол урди ва 3 та голли узатмани амалга оширди.

Лондонликлар муваффақиятсизликка учрамади. Пьер-Эмерик 2020 йилда Англия Кубогини ютишда ёрдам берди. Бироқ, африкалик эҳтиётсизлик ва тартиб-интизом билан боғлиқ муаммоларга дуч келди. Габонлик "Барселона"га сафар уюштирганидан сўнг, "Челси"га келди ва бу мавсумда Премьер-лигада фақат битта гол урди.

5. Кристиан Пулишич (“Боруссия Д” – “Челси”, 2019), 64 млн евро

Ҳужумчи "Челси" билан шартнома имзолаб, барча даврлардаги энг қиммат америкалик футболчисига айланди. Трансфер 2019 йилнинг январида келишилган, бироқ Пулишич яна олти ой Дортмундда қолди ва ёзда янги жамоага қўшилди. 2019/2020 йилги мавсум бошида Кристиан "Стемфорд Бридж"да ҳақиқий муваффақиятга эришадигандек туюлди, аммо шундан кейин америкалик сўна бошлади.

4. Эмерик Лапорт ("Атлетик" - "Манчестер Сити", 2018), 65 млн евро

"Шаҳарликлар" устози Пеп Гвардиола 2016 йилда ҳимоячини қўлга киритишга уриниб кўрган, аммо кейин басклар бунга рози бўлмаган ва "Атлетик" билан шартномани узайтирган. "Сити" жароҳат олган марказий ҳимоячилар Николас Отаменди ва Венсан Компани билан 2017/2018 йилги мавсум экваторига яқинлашди, шунинг учун клуб Лапорт учун товон пулини тўлаши керак эди. Қарор тўғри бўлиб чиқди - Эмерик "Этиҳад"да асосий ўйинчига айланди ва 2019 йилда шартномасини 2025 йилгача узайтирди.

3. Душан Влахович (“Фиорентина” – “Ювентус”, 2022), 81,6 миллион евро

Ҳужумчининг Флоренциядаги юқори ўйини Туринликлар раҳбариятини А Серия тарихидаги энг қиммат январ трансферини амалга оширишга мажбур қилди. Кучли ҳужумчи ниҳоят Криштиану Роналду кетганидан кейин пайдо бўлган ҳужумдаги бўшлиқни тўлдирди. Серб Туринга келиб юқори савияни кўрсатмоқда, гарчи унинг кетиши ҳақида миш-мишлар пайдо бўла бошлади.

2. Виржил ван Дейк (“Саутгемптон” – “Ливерпуль”, 2018 йил), 84,6 миллион евро

Нидерландиялик ҳимоячи ўзининг юқори баҳоси ҳақидаги шубҳаларни тезда йўқ қилди ва "Ливерпул"нинг 2018/2019 йилги Чемпионлар лигасидаги олтинчи ғалабасида ва 2019/2020 йилги Премьер-лига чемпионлигида муҳим рол ўйнади.

1. Филиппе Коутиньо (“Ливерпуль” – “Барселона”, 2018), 135 миллион евро

Ван Дейк жамоага барча даврларнинг энг қиммат ва энг ҳалокатли январ трансфери бўлмаганда “Ливерпул”га ўта олмасди. 100 миллион евродан ортиқ нархда футболчи харид қилаётганда хатоликка йўл қўйиб бўлмайди. “Камп Ноу”да тўрт мавсум давомида бразилиялик футболчи 106 та ўйин ўтказиб, 25 та гол урди, аммо муваффақиятсизликда уни айблаш қийин. "Барса" уни Андрес Иньестанинг ўрнига сотиб олди, бразилиялик эса бутунлай бошқа тактикадаги футболчи эди.

Киритилди: 16.01.2023 14:32. Ўқилди: 3972 марта. Фикрлар: 1 та.

Ла-лига

ЕЧЛ

E - Гуруҳи

№ Жамоа Ў О
1 Атлетико 10 20
2 Лацио 8 13
3 Фейеноорд 6 6
4 Селтик 6 4

Европа лигаси

- Гуруҳи

№ Жамоа Ў О

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

УЕФА Суперкубоги

№ Жамоа Ў О
1 Бавария 1 3
2 Севилья 1 0

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

28.04.2024. Ла-лига. 33-тур.
00:00
Атлетико		 3-1
Атлетик Бильбао

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.