Кириш Регистрация

STD.UZ/ATLETIKO

Атлетико

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Каталония, Мадрид ёки Яқин Шарқ: Феликсни қандай келажак кутмоқда?

Жоау Феликснинг келажаги бир неча йиллардан бери саволлар туғдирмоқда. 2019 йил ёзида 127 миллион евро эвазига “Бенфика”дан “Атлетико”га ўтганидан бери умидли форвард кўпчиликнинг эътиборини тортди. Буни трансфер суммаси билан осонгина тушунтириш мумкин. Ҳар бир клуб ёш ҳужумчи учун 100 миллион евродан кўп тўламайди.

"Атлетико"даги ёмон даврдан сўнг португалиялик футболчи мавсумнинг ярмини "Челси"да ижара асосида ўтказди ва энди "Барселона"да худди шундай шароитларда ўйнамоқда. Ёз яқинлашгани сари, Феликснинг келажаги ҳақида шунчалик кўп саволлар туғилади. Келинг, унда қандай вариантлар борлигини кўриб чиқамиз.

“Барселона”

Ўтган ёзда "Челси"дан қайтгач, Феликс "Барселона"га ўтиш истагини очиқчасига эълон қила бошлади. Португалиялик дадил ҳаракат қилиб, "Атлетико"нинг Ла Лигадаги бевосита рақибларига ўтиш фикрини билдирди. Форвард Ла Лиганинг жорий мавсумидаги дастлабки учта ўйиннинг бирортасида ҳам майдонга тушмаган бўлса ажаб эмас. У иккита ўйинни захирада ўтказди, учинчисида эса Диего Симеоне уни таркибга киритмади. Феликсга омад кулиб боқди. Каталонияликлар унинг чақириқларини эшитишди ва "матрасчилар" билан футболчини ижарага ўтказишга келишиб олишди.

Аммо унинг доимий равишда “Барселона”да қолиши аниқ эмас. Феликс Каталония клубида кучли старт олди, трансфердан кейин иккинчи учрашувида гол урди. Шундан сўнг португалиялик футболчи Ла Лигада 9 ўйиндан иборат голсиз серияни давом эттирди.

Гап ҳозир каталонияликлар футболчини сотиб олмоқчими ёки йўқлигида эмас, балки уни сотиб олишга қодирлигида. Аввалига “матрасчилар” футболчи учун 100 миллион евро талаб қилишган. Шундан сўнг мадридликлар Феликс учун 80 миллион евро сўра бошлашди. Энди эса "Атлетико" ўз талабларини 65 миллионга қисқартирган, аммо бу "Барселона" учун ҳали ҳам қиммат. Бироқ, ижара муддатини узайтириш варианти сақланиб қолмоқда, агар "матрасчилар" яхшироқ таклифлар олишмаса, бу иккала клубга ҳам мос келиши мумкин.

“Атлетико”

Феликснинг "Атлетико"га ўтиши ғояси камида иккита сабабга кўра бошида қизиқ туюлди. Биринчидан, ёш ҳужумчи Португалия чемпионатида 15 та гол уриб бор-йўғи битта яхши мавсум ўтказди, бу унчалик катта ютуқ эмас. Иккинчидан, "матрасчилар" "Барселона"га ўтган Антуан Гризманнинг ўрнига ҳужумчи билан шартнома имзолашди, аммо булар ҳар хил турдаги футболчилар.

Ўшандан бери анча вақт ўтди, лекин португал ҳалигача майдонда францияликдек ишламайди. Шунинг учун бу трансферларни эквивалент деб ҳисоблаш мумкин эмас.

Балки Симеоненинг техник форвард учун ўзининг тактик режалари бўлгандир, аммо бу амалга ошмади. Феликснинг "Атлетико"да келажаги борлигини тасаввур қилиш қийин. Айниқса, у клубни тарк этиш истагини очиқчасига эълон қилганидан сўнг. Мадридликлар Гризманни қайтариб олдилар ва уларда Альваро Мората ҳам бор. Бир мунча вақт “Атлетико” португалияликсиз ҳам Европанинг энг сермаҳсул жамоаларидан бири эди.

Унинг қайтиши “матрасчилар”ни жиддий кучайтириши даргумон. Бундан ташқари, Феликс "Атлетико" ҳақида нохуш гапиришда давом этмоқда. Симеоне эса, миш-мишларга кўра, португалияликни бошқа жамоада кўришни истамаяпти. Кўринишидан, томонлар ҳамкорликни узайтирмасликка бел боғлаган. Аммо улар ҳали ҳам ажралиш учун мақбул вариантни топа олмадилар. "Матрасчилар" пул, футболчи нуфузли клубни хоҳлайди. "Атлетико"га мос келадиган бошқа вариант ҳам бор, лекин у футболчига мос келмаса керак.

Саудия Арабистони

Охирги йил давомида Саудия Арабистони билан боғланмаган юлдуз футболчи бўлмаса керак. Саудияликлар футболчини сотиб олишга чиндан ҳам қизиқаётгани ҳақида маълумотлар бор, лекин унинг ўзи бу вариантга қизиқмаяпти.

Феликсни тушуниш мумкин. "Атлетико" "Бенфика"га эргашиб, 100 миллион евродан кўпроқ пул тўлагани унинг айби эмас. "Матрасчилар" бу хато учун бир неча йиллардан бери бадал тўлашмоқда. Футболчи мадридликлар учун мос эмас ва улар уни фойдали сота олмайдилар. Футболчи топ-клубда ўйнашни истайди ва бунинг учун унинг имкониятлари бор, аммо беқарорлик муаммоси ҳамма нарсани бузади. Феликсга доимо нимадир етишмаяпти - мос муҳит, ўйиндаги барқарорлик ва ҳатто майдондаги ўзига хос позиция. Балки у ҳали ҳам ўзига мос мураббий топмагандир.

Саудия Арабистони билан вариант “Атлетико”га мос келади. "Матрасчилар" футболчини қаерга сотиш қизиқтирмайди, чунки клуб молиявий талабларини қондира олади. Аммо 24 ёшда, фаолиятининг энг яхши чоғида Яқин Шарққа кўчиб ўтиш ғалати қарор бўларди. Аммо европада унинг имкониятлари кўп эмас.

Киритилди: 31.03.2024 17:47. Ўқилди: 1572 марта. Фикрлар: 0 та.

Ла-лига

ЕЧЛ

E - Гуруҳи

№ Жамоа Ў О
1 Атлетико 10 20
2 Лацио 8 13
3 Фейеноорд 6 6
4 Селтик 6 4

Европа лигаси

- Гуруҳи

№ Жамоа Ў О

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

УЕФА Суперкубоги

№ Жамоа Ў О
1 Бавария 1 3
2 Севилья 1 0

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

28.04.2024. Ла-лига. 33-тур.
00:00
Атлетико		 3-1
Атлетик Бильбао

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.