• Реклама
• m.std.uz
• facebook
• twitter
• Одноклассники
• RSS
• Алоқа

Клуб хабарлари

Ювентус — Барселона: Чемпионлар лигаси финалида ким ғолиб бўлади?..

Чапани ҳужумчилар триоси – ишончли ҳимоя тизимига, Луис Суарес ўзининг эски дўстлари Парис Эвра ва Жоржо Кьеллинига, испаларнинг энг зўр жамоаси итальянларнинг энг яхши жамоасига қарши.   Чемпионлар лигаси. 2014/15  Финал  6.06. Берлин. «Олимпияштадион» стадиони.   «Ювентус» (Турин, Италия) — «Барселона» (Испания)   Жамоаларнинг айни пайтдаги ҳолати   Янги йилдан сўнг “Барселона” фақат “Реал Сосьедед”га бир марта имкониятни бой бериб, шундан сўнг ҳар қандай савиядаги рақибни “ер тишлатиб” юрибди: 34 ўйинда 30 ғалаба,  лекин булардан иккита бой берилган баҳсни ҳисобга олишни кераги йўқ.(“Бавария” билан бўлган жавоб учрашуви ва чемпионлик тақдири ҳал бўлгандан сўнг ўтказилган Ла лиганинг сўнги тури). Бу вақт оралиғида каталонияликлар Ла лига кучли тўртлигидаги жамоалар - мадриднинг “Атлетико”сини тўрт марта ва “Реал” ҳамда “Валенсия”ни бир мартадан хафа қилишга улгурдилар.  Луис Энрике шогирдлари чемпионлар Лигаси финали йўлида  Франция ва Германия чемпионларини Англия вице-чемпионини турнирдан чиқариб юборди. Яна Қирол Кубоги финалида Бильбаонинг “Атлетик” жамоаси устидан осон ғалаба қозонганини ҳам айтиб ўтиш лозим. “Барселона” чемпионлик треблини қўлга киритишга шижоат билан киришгани аниқ. Сўнги натижалар айни пайт дунёда “Барса”дан кучлироқ клуб йўқлигини билдираётгандек, гуё... Кўриниб турибдики, финал ўйинида фаворит бу –“Барселона”. Ваҳоланки,  жорий мавсум “Ювентус”  томонидан эришилган ютуқлар клубни каталонияликлардан кучсиз эмаслигидан дарак. Туринликлар миллий чемпионатни рақиблардан жуда катта очколар фарқи  билан ютиб олишди ва қўшимчасига Кубокдаги триумф. Массимилиано Аллегри шогирдлари ҳам треблга эришиш имкониятига эга. “Юве” ўз кучини нафақат мадриднинг “Реал” клубига қарши ўйинда, балки А сериясининг сўнги турларида ҳам намойиш эта олди. Ярим заҳира таркиби билан еврокубоклар учун бор кучи билан ҳаракат қилаётган “Интер” ва “Наполи” устидан ғалаба қозонди.  Аллегрида ажойиб ғалаба рецепти бор унинг якуни – ижобий натижадир.   Таркиблар ҳақида Финал баҳси олдидан ижобий ҳолатлардан бири – ҳар икки жамоада жароҳат олганлар сонининг камлигидир. “Ювентус”да Андре Бардзальи майдонга қайтган бўлса, унинг амплуасидаги Жоржо Кьеллини чоршанба кунги машғулотни охиригача давои эттира олмаганди. Маълумотларга кўра, унинг жароҳати жиддий эмас. “Барселона”да Андреас Иньеста мушакларидаги оғриқ туфайли азият чекаётган бўлсада шанба кунги ўйинга тайёр эканлиги айтилмоқда. Луис Суарес сонидан олинган жароҳатдан фориғ бўлиб, Қирол Кубогида таркибга қўшилган.     Тахминий таркиблар:   ЮВЕНТУС: Буффон, Эвра, Бонуччи, Кьеллини, Лихтштайнер, Пирло, Погба, Маркизио, Видаль, Тевес, Мората. БАРСЕЛОНА: тер Штеген, Альба, Маскерано, Пике, Дани Алвес, Ракитич, Бускетс, Иньеста, Месси, Луис Суарес, Неймар.   Ким ғолиб бўлади?   “Барселона”нинг ажойиб формада эканлиги ва чақмоқ янғлиғ ўйнайдиган триоси “Ювентус”нинг барча имкониятларига соя солиб, каталонияликларни финалнинг аниқ фаворитига айлантирган.   Onebett  тизимидаги коффицентлар ҳам шунга яраша 1,65га 5,75.  Аслида, туринликларнинг имконияти бироз  юқорироқ. “Барселона” чемпонлар Лигаси плей-офф босқичида Месси, Неймар ва Суаресларга катта ҳажмдаги ҳудудни ҳадя қилган ҳужумкор жамоа(“Бавария”, “ПСЖ”, “Манчестер Сити”)ларга қарши майдонга чиққан. “Ювентус” эса финал томон ўзининг рақиб жамоа ҳужумини таг-томири билан билан йўқ қилувчи омадли ҳимоя чизиғи туфайли йўл очди. Айнан мана шу жиҳатларга “Сантьяго Бернабеу”да  “Реал” томонидан қутқарувчи голни уриш учун қилинган бесамар уринишларда гувоҳ бўлдик. Ахир мана шу “Реал” азалий рақиби “Барселона”дан миллий биринчиликда икки очко ортда қоди, холос. Туринликлар жуда кам гол ўтказишади ва деярли очиқ ўйин кўрсатмайдилар. Имконият бўлиши билан кучли ҳужумга ўтишлари мумкин. Менимча, “Юве” финал баҳсини бой бериши мумкин, шунда ҳам битта тўп фарқи билан.    Мутахассис ва мухлислар эса асосий вақтни дуранг билан якунланишини тахмин қилишмоқда. Асосийси, эртага бизни тарихий ўйин кутмоқда. Демак, томоша қилиб, завқ оламиз.  

Элмурод ЭРМАТОВ

Киритилди: 05.06.2015 20:13. Ўқилди: 7543 марта. Фикрлар: 29 та.

Ла-лига

ЕЧЛ

Европа лигаси

Клублар ўртасида ЖЧ

Испания кубоги

International Champions Cup

Испания суперкубоги

Сўнгги учрашув

19.09.2024. ЕЧЛ. .
23:59	Монако	2-1	Барселона

Навбатдаги учрашув

22.09.2024. Ла-лига. 6-тур.
21:30	Вильярреал	-:-	Барселона

ЖАМОА ТАРКИБИ

• • №
  • Исм ва фамилия
  • Амплуаси
• • 1
  • Марк-Андре тер Штеген
  • Дарвозабон
• • 13
  • Нету
  • Дарвозабон
• • 2
  • Сержиньо Дест
  • Ҳимоячи
• • 3
  • Жерар Пике
  • Ҳимоячи
• • 18
  • Жорди Альба
  • Ҳимоячи
• • 15
  • Клеман Лангле
  • Ҳимоячи
• • 23
  • Самуэль Умтити
  • Ҳимоячи
• • 4
  • Роналд Араухо
  • Ҳимоячи
• • 8
  • Дани Алвеш
  • Ҳимоячи
• • 20
  • Сержи Роберто
  • Ҳимоячи
• • 5
  • Серхио Бускетс
  • Ярим ҳимоячи
• • 21
  • Френки Де Йонг
  • Ярим ҳимоячи
• • 20
  • Серхи Роберто
  • Ярим ҳимоячи
• • 11
  • Усмон Дембеле
  • Ҳужумчи
• • 10
  • Ансу Фати
  • Ҳужумчи
• • https://stadion.uz/