Кириш Регистрация

STD.UZ/BAVARIYA

Бавария

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Хайрулла Ҳамидов мақоласи: Раисбува... Ғалати ишлар бўляпти

Жуда кўп ишлар бир-бирига ўхшаш бу йил. Қизиқ. Келинг, ҳаммасини Англиядан бошлай.
 
Кутилганидек, “Ливерпуль” ўз ғалабасини қўлга киритди. Иш жиддийлашганда катта жамоалар нақадар катталашадия?! Биз Клопп ва унинг бандасини ниҳоят танидик. “Бёрнли” билан кечган учрашувда ливерпулликлар каттароқ ҳисобда енгишлари талаб қилинганди ва шуни уддалашди. 38-турда “Лестер” бузилиб қолган “Тоттенхэм” дарвозасини бомбардимон қилиб ташласа, голлар керак бўларди “Ливерпул”га.

Учта гол киритилди. Бу керагича миқдорда. Энди тўрт гол устунлик бор ўтган йилги чемпионда. “Лестер” беш, олти гол билан енгиши жуда фантастика бўлиб кетади. Шундай бўлсада, ливерпулликларнинг бир жиҳатда камчилиги кузатилди барибир. Илк гол ҳаяллаяпти. Фирмино ҳисобни очганда, таблода 43-дақиқа кетаётганди. Бунгача “Бернли”да ҳам имконият бўлгани қувонари ҳолат эмас.
 
Танаффусга Клопп шогирдлари ғолиб ҳолда чиқиб кетишмаса, ўйин охирида яна Бекер катта саҳнага чиқишига тўғри келарди. Бир гол фарқи билан олдинда бориш анча ишни енгиллаштиради. Қарши ҳужумлардан фойдаланиб яна голлар уриш мумкин. Лекин танаффусдан сўнг меҳмонлар позицион ҳужумлар орқали ҳисобни йириклаштиришди. Чап қанотдан асосан. Натан Филипс премьерлигадаги илк голини йўллади. Чиройли кўрсаткич. Ўйин тугаши арафасида Окслейд Чемберлен учинчи голга муаллиф бўлди.

“Ливерпуль” ушбу ғалабадан сўнг тўртинчи ўринга чиқди. Охирги турда “Кристал Пелас” ташриф буюради “Энфилд”га. Ғалаба ва ЕЧЛ йўлланмаси қўлга киритилиши тахмин қилинмоқда. “Челси” “Астон Вилла” билан баҳс бойлашини ҳисобга олсак, барибир “Лестер”га қийинлигини кўрамиз. Кубок учун балки Роджерс рози бўлаётгандир ҳам. Ҳар ҳолда, соврин, кубокни боши узра кўтариш – буткул бошқа туйғулар.

Европанинг кучли чемпионатларида шунга ўхшаш ҳолат, дегандик боя. Кубок соҳиблари чемпионлик курашидан чиқиб кетишди ё имкониятлари жуда кам. Испанияда “Барселона” кубок эгаси, лекин чемпионлик курашида йўқ. Германияда ҳам “Бавария”нинг кубокдан чиқиб кетганига анча бўлган. Финалда Европа клубларига футболчи етиштириб берадиган донорлар – “Лейпциг” ва “Боруссия” ўйнаганидан хабарингиз бор. Дортмунд клуби хайрлашаётган ёш мураббийи – Терзич билан супернатижа қайд этгани қаршисида Нагельсманн яна совринсиз қоляпти, кулгилия?! “Бавария”га кетаётганининг сабабини тушунгандекмиз. Эҳтиёжи – соврин. Ёш мутахассис “Лейпциг” барибир мунтазам кучаймаслигини, футболчилар сотиш билан ҳар йили ўзгаришини яхши билади.

Франциядаги ҳолат. Узоқ йиллик чемпион – ПСЖ “Лилль” мўжизавий тарзда қоқилсагина яна тахтга қайтиши мумкин. Кўп эҳтимол лилликлар такрорланиши маҳол имкониятни қўлдан чиқаришмаса керак. Париж клуби финалда “Монако”ни мағлуб этди. Почеттино соврин эгаси бўлди. Келганида суперкубокни қўлга киритганди. Энди Франция кубогини. Озгина юпанч.

Италиянинг ҳам ўз “Почеттиноси” бор – узоқ йил чемпион бўлиб келаётган клубни тахтдан туширган ва мавсумни икки кубок билан қутқариб қолаётган Пирлоси. Андреа А серияда нафақат чемпионликни топшириш, балки ЕЧЛ йўлланмасини-да бой беришдек оғир келажак қаршисида туриб қолган. Бахтига “Кальяри” умид баҳш этди. Шунда ҳам “Милан” кубокда чарчаган “Аталанта”ни енгиб қўйса, туринликларнинг иши яна оғирлашади.

Майли, бу якшанбанинг ишлари, ҳозир финал ҳақида суҳбатлашайлик. Кубок финалида биз Пирло кўришни истаган “Юве”ни кўргандек бўлдик. “Аталанта” биринчи бўлимда яхши кўринди. Бироқ, танаффусдан сўнг иккинчи голни ўтказиб юборишдан қўрқиб ўйнади. Кўз ўнгимизда бирдан Бергамонинг ўртамиёнаси намоён бўла бошлади. Қабиласига қайтиб қолгандек туюлди Гасперини.

Роналду жамоадошлари рақиб чўчишни бошлаганини ҳис қилишса, дарров босимни кучайтиришади ва ғалабани тортиб олишади. Иккинчи бўлимдаги “Ювентус” ўта кучли эди. Айниқса, Хатебурни очиқча ортда қолдирган Кьеза ва “Аталанта”дан сотиб олинган Кулусевски. 2:1 ҳисобидаги ғалаба ҳаққоний. Турин суперклуби биргина ўйинда масалани ҳал қилишни ҳалиям унутмаган. Гасперини супермавсумни ўтказиб-да совринсиз қолмоқда. У Италиянинг қари ёшли Нагельсмани шекилли.

Энди хотимасига. Кўряпмизки, кучли бешликда кубок ғолиблиги ва чемпионлик бошқа-бошқа кўчаларда. Агар воқелик шундай давом этса ва дейлик “Челси” чемпионатда бешинчи ўринни олиб ЕЧЛ йўлланмасисиз қолса, Португалиядаги финалда “МанСити” билан ҳаётидаги энг даҳшатли ўйинни ўтказар. Ахир, “шаҳарликлар” давравий турнирда ютиб бўлишган. Кубокни бошқа тоифа клублар енгишаётганидан келиб чиқсак, Тухель йигитларида имкон кўпдек. Бироқ бу  формуланинг Пепга алоқаси бўлмасачи? У бошқа чемпионлар йўл қўйган хатони такрорламай олтин требль сари ошиқаётган бўлсачи? Уни энди билмаймиз. Кутишдан бошқа чорамиз йўқ.

Хайрулла ҲАМИДОВ.

Киритилди: 20.05.2021 08:00. Ўқилди: 8014 марта. Фикрлар: 0 та.

Бундеслига

ЕЧЛ

A - Гуруҳи

№ Жамоа Ў О
1 Бавария 10 23
2 Копенгаген 8 8
3 Галатасарой 6 5
4 Ман. Юнайтед 6 4

Клублар ўртасида ЖЧ

Нимчорак финал
12.12.2023
23:00 Ал-Иттиҳод
3:0
Окленд Сити
Чорак финал
15.12.2023
19:30 Леон
0:1
Урава Редс
23:00 Ал-Аҳли
1:3
Ал-Иттиҳод
Ярим финал
18.12.2023
23:00 Флуминенсе
2:0
Ал-Аҳли
19.12.2023
23:00 Манчестер Сити
3:0
Урава Редс
3-урин учун
22.12.2023
19:30 Ал-Аҳли
-:-
Урава Редс
Финал
22.12.2023
23:00 Флуминенсе
-:-
Манчестер Сити

International Champions Cup

УЕФА Суперкубоги

№ Жамоа Ў О
1 Бавария 1 3
2 Севилья 1 0

Германия суперкубоги

Финал
14.08.2016
23:30 Боруссия Д
0:2
Бавария

Сўнгги учрашув

20.11.2030. Бундеслига. 14-тур.
13:18
Бавария		 2-0
Айнтрахт Брауншвейг

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.