Тошкентнинг “Бунёдкор” жамоаси 26 август куни Наманганда “Навбаҳор” жамоаси меҳмони бўлади.
Ушбу баҳс “Навбаҳор” ва “Бунёдкор” жамоаларининг миллий чемпионат доирасидаги ўзаро ўн саккизинчи учрашуви сифатида қайд этилади.
Бунгача ўтказилган ўйинларга назар ташлар эканмиз, унда яққол устунлик “қалдирғочлар” томонида бўлганлигига гувоҳ бўламиз. Ўтган 17та учрашувнинг 13тасида “Бунёдкор” ғалаба қозонган. Икки учрашувда “Навбаҳор” футболчилари муваффақият қозонишган. Яна иккита баҳс эса дуранг натижа билан якун топган. Тўплар фарқи 38:8, “Бунёдкор” фойдасига.
Ўзаро ўйинлар тўпурари Виктор Карпенко. “Бунёдкор”нинг фаҳрий футболчиси наманганликлар дарвозасини беш бор ишғол қилган.
Қуйидаги ҳаволаларда “Навбаҳор” ва “Бунёдкор” жамоаларининг “лочинлар” мезбонлигида ўтган ўзаро учрашувлари қайдномаларидан кўчирмалар билан танишишингиз ва киритилган голларни томоша қилишингиз мумкин.